يالربع ذبحنا القراد

[فهد الحقباني]

السلام عليكم ورحمة الله وبركاته مساكم_صبحكم الله بالخير

يالربع وش علاج القردان أبي وصفه سحريه رشينا عليها سم وتجلس يومين إلا والقراد كما كان:mad:
أفيدونا جزاكم الله خير

وبيض الله وجيهكم على كل حال

[خالد الحجي]

مالك حل الا انك تغير المراااااااااااح

[فهد الحقباني]

بيض الله وجهك أخوي خالد
بس خلنا نشوف الشباب يمكن عندهم طرق لتخفيفه من المحل

[محمد بن حمد]

رشها بالجاره ورش المراح وان شاء الله يروح وان كان ما فيه فايده جدد المراح

[محمد شطي الزعبي]

اطلع من الحمض
وصدقني ماتشوف قراده

[عبدالعزيز البقمي]

القراد موجود في كل محل

ولو ترش جاره بيخف ثم يرجع كما كان


..

[عالي العماري القرني]

خذ لك قار وإلبس دسوس وحط الإبل في مكان إصفية ضرسة بحيث ماتقدر تتمرغ فيه ويخرب طلاهاوتخليها أسبوع في ذا المكان أو يومين إن كان هناك مايكدرصفوك ثم إطلها زين وكثرعليها الطلا في دواخلها وقول طال عمرك ( إن كنت طال العيس فاطلى روسها *** ترى كثيرة الشحم بين ضروسها ) عشان تتحمس وتونس بها البل وأفضل وقت الطلا يكون في الصبح وبتحصل نتيجة الطلا وانه أحسن من الجارة وحتى شعرتها تتزين مع الوقت والسموحة في الإطالة لكنها عملية ناجعة 100% بإذن الله

تحياتي للجميع

[عيدالمنصورى]

يجب تكرار الرش وزيادة تركيز السم بالماء حيث القراد لايموت حتى
يمتص السم من دم الحيوان الا من بعض المبيدات اللتي تقتله بالملامسه
بعد فتره من الرش لتوفير الوقت والجهد رش البل كل اسبوع
وسوف يتناقص حتى ينتهي وهذي علة العزب المقيمه والشبوك

[محمدالرمزاني]

السلام عليكم فك دجاج في العزبه وانسى القردان للابد

[طلال الروقي]

كما قال اخونا محمد عليك بالدجاج فكه في العزبة ( هذي الاولى )

والقراد اللي في البل عليك بالبخاخ حق النامس والذباب ريد ( مجرب شخصيا ) ممتاز للغاية .. ( هذي الثانية )

والقراد اللي في المراح عليك بالجره المركزة يوميا لمدة أسبوع .. ( هذي الثالثة )

[تركي عبدالله]

حط الدجاج وتوكل على الله

من الفجر حتى المغرب وهو في العزبه يحفر ويدفن

مجرب شخصياً

[عبدالعزيز البقمي]

دجاج !!!!!!

معلومه جديده


لاهنتوا وتشكرون عليها

وبجربهــا

..

[عبدالعزيز الفضلي]

صدق من قال دجاج ؟؟؟؟؟


بس هل يعيش مع البل دجاج

يمكن تجفل البل من الدجاج .....

و يمكن يجي كلاب وقطاوه وثعاله وتاكلها ؟؟؟؟؟؟


طيب يمكن يفشلنا عند الضيوف اذا جو عند البل

بس والله حلوه فك دجاج مع البل ههههههه

[قاسم الحويمضي]

صدق من قال دجاج ؟؟؟؟؟


بس هل يعيش مع البل دجاج

يمكن تجفل البل من الدجاج .....

و يمكن يجي كلاب وقطاوه وثعاله وتاكلها ؟؟؟؟؟؟


طيب يمكن يفشلنا عند الضيوف اذا جو عند البل

بس والله حلوه فك دجاج مع البل ههههههه


هههههههههههههههههههه

صدقت

[ناصر معجب العاطفي]

يالربع انا جيت رجال والله انه حاط الدجاج في شبك الابل وان الدجاج يمشي بين الابل ومن تحتها ولا تجفل منه الابل وسألته قال علشان القراد ويقول انه مفيد جدا للقراد......اذا كنت راعي شبك فالازم تغير الشبك دايم .....وترش الجره كل اسبوعين ولاترش الخلفات اللي تشرب من حليبها لان الجره تجيب امراض خطيره للانسان مثل السرطان اعاذنا الله واياكم والمسلمين واكتف بانك تفتش يوميا بيدك في نحورها وديودها واذا لقيت القراده اوالحلم لا تحذفها في المراح وحطها في مويه صحه ممتلئ اكثر من النص وسكرها .....واذا كان الابل فوق الخمسطعش ومعاها وايتن كفو فخلها تضرب صحاري وفيافي نجد وامتنع من الشبوك لانها دمااااار الابل .وتقبل تحيات اخووك يالحقباني ....

[بتال الجهني]

صدق أخوي طلال عليك بمضاد الحشرات مجربه قبل أسبوع والنتايج جيدة

[عبدالله مصلح الحربي]

السلام عليكم فك دجاج في العزبه وانسى القردان للابد
نعم شيء جربته

[نجم الحربي]

جرب سايل الماني يحط على السنام ويفرك
ورش المراح ولا اردمه

[سعود الشهراني]

الدجاج والجاره وحده بوحده

[نومااس العتيبي]

كما قال اخونا محمد عليك بالدجاج فكه في العزبة

[عبدالمحسن المقاطي]

اخوي الجاره فقط وااذا تبي تنساها بالمره فك دجاج في العزبه

لاني اشوف كثير يسوونها ونجحت معهم

[عالي العماري القرني]

استفسرك ياللي جربت الدجاج في عزبة البل ولا تهون جعلك بالجنة

القراد ما يتعلق في الدجاج

ويش شغلة الدجاج مع القراد ياكلها والا يموتها والا ويش لون

الشي الثاني : البق اعرفه انه يتعلق بالدجاج فانتوا شفتم بق بالعزبة والا لا

ولكم جزيل الشكر والعرفان

[خالد بن سعد اليحيى]

زد على تركييز الجاره في رش المراح وان شاء الله تتغير علييك الى الاحسن

[فهد الحقباني]

يالربع بيض الله وجيهكم وما قصرتوا والله يعطيكم الصحه والعافيه ولا هنتوا يالنشامى.....

[أحمد بن عبدالعزيز السبيعي]

عيك بالجاره رش الابل وزد في تركيزه الجارة في رش المراح وان حصل غير المراح افضل...

[سلطان المطيري]

السلام عليكم فك دجاج في العزبه وانسى القردان للابد

[ناصرالموسى]

أبد عليك بالدجاج بس هده عليها ولا عاد تشوف من هالقردان شي مررررره

[عبدالله الجدعان العنزي]

والله يخوي فعلا يقولون الدجاج ينظف المحل من القراد .

[محمد الوهبي التميمي]

مرحبا اخوي
اسمع الشور يوجد زيت سعره 70 ريال عند البيطري وحده بوحده للقراد والفطريات بشكل عام وهو علاج فتاك وللملعوميه الناقه تتم 4 او 5 شهور ماتشوف القراد فيها بس بعد ماتحطه على سنام الناقه بخط مستقيم
خل الجاره تكون كل فتره في حوش الابل

[تركي بن عبدالعزيز]

السلام عليكم ورحمة الله وبركاته

انا جربت الجاره وجربت الزيت اللي يحط على السنام مافي مثل الدجاج ثم الدجاج ثم الدجاج ماتشوف القراد نهائيا على قولة الاتحاديين ياكلك حبه حبه

[عبدالحكيم الحربي]

بالاضافة للدجاج والجارة لازم تقضي على القراد في أماكن تكاثره فهو يتكاثر في الأماكن الظليلة الرطبة فتلقاه يبيض ويتكاثر

تحت مطارة الماء والمساقي والمعالف والشبوك وأي شي ثابت ظليل فلازم انك تقلبها كل مدة وترش تحتها وخاصة اذا حميت

الشمس من بعد الساعة العاشرة لأنه يدور الظل

[راشد حمدان]

السلام عليكم جميعا هل يفيد البحر الماء المالح فى القضاء علا القراد وشكرا

[ناصر اليامي]

اشتر لك عشر دجاج ومعها ديكين وفكها بين البل وأتلى العهد بالقراد وغيره
وانا مجرب الطريقه

[مشعل بن فهد]

ابعد عن الحمض ويترك القراد

[ابراهيم سعد الكثيري]

طرقة الدجاج لو اسويها يروح القراد انشاء الله

[بسام المهلكي]

يوجد في الصيدلية البيطرية مبيد للحشرات علبتة معدنية ولونها اصفر
جيب بخاخ وامل نصفة با لماء واضف من المبيد ربع الفنجال ولا تكثر
لانة كثرتة تحرق ورشبة الابل او اتبع الوصفة المكتوبة علية
ادعلي بالتوفيق