وش علاج الناقة ؟

[تركي بن عمران]

عندي ناقة من شلناها في الدنه من اربع شهور وهي مهيب اللي انت تبي . اول شي عقب كم يوم بدت تضلع من رجلها اليمنى-ماتوطى على خفها ---ويوجعها مفرق وركها اذا ضغطت عليه ....المهم ان الشي اللي ما خلاني اركض في علاجها انها احيانا تطيب وتخف وتمشي زين كم يوم ثم يرجع لها الوجع وتضلع من جديد ..من اسبوع صارت تتعب في القومة ..اذا بركت يالله تقوم....و لها يومين منتكس حالها بزوود فصارت اذا بركت ما تقوم...ركضت وفصلت ونش صغير وصرنا كل يوم نرفعها الصبح ونوقفها واذا وقفت هي الناقة اللي انت خابر يالله تمشي لكنها تعلف زين ولا تستنكر عليها الا رجلها....جاء البيطري وعطانا فيتامينات بي كومبليكس و نوع ثاني من الفيتامينات ....ونشدت طبيب شعبي وقالي مالكم فيها دوا الا بعد ما تولد ...والبيطري يقول ما اعطيها شي غير الفيتامينات الا عقب ما تولد....

احد له تجربة مماثلة يفيدنا جعلكم تسلمون؟ هل الكوي مفيد للحالة هذي؟ هل فيه طبيب شعبي او بيطري تخبرونه حول الرياض يفيدنا؟

[عالي العماري القرني]

مثل ما قالوا لك الدكاتره خلها لين تنتج وبعض البل تظلع من ثقلها وثقل ما فيها وان شا الله ترجع على عافيتها بعد النتاج

وياليتك حددت مكان الظلع هو في العرقوب والا في الفخذ ولا في الوروك لان التحديد يجيب التشخيص والتشخيض يجيب العلاج والعلاج دواء والله الشافي وسوالك عن مرض لم تحدد موقعه فحدد عشان

يجيبونك القروم

[رجا الهاجري]

هناك طريقة ان شاء الله راح تنفع ولا تضر

الطريقة سهلة جدا فقط ماء وملح خشن ويكون دافئ وتغسل الرجلين بالكامل 3 الى 4 مرات يومين وبعد كل غسلة تكمد المواقع اللتي قد تلاحظ عليه انه هي السبب وبذات الخف او العراقيب بالملح فقط

وهذي طريقة سهله جدا ولان تضر الناقة ,, وخلال يومين سوف تلاحظ هل هناك تحسن او لا اذا فيه تحسن استمر لمدة 5 ايام وان لم ترى تحسن لا تستمر

[تركي بن عمران]

مشكور اخوي علي،،، والالم مكانه الورك ومأثر عليها في مشيتها ،،،
شاكر لك جعلك تسلم

[تركي بن عمران]

اخوي رجا لا خلا ولا عدم بنجربها وزي ما تفضلت ان ما نفعت ما منها ضر ر انشاء الله،،
الف شكر،،