جرح كبير جداً

[منذر الدوسري]

السلام عليكم ورحمة الله وبركاته
مساء\صباح الخير

يأ اخوان عندي ناقه فيها جرح تحت الذيل بين محل الدمن وتحت الذيل والجرح كبير وفيه دم ضاهر والذبان حوله واجد والناقه تجد صعوبه في المشي من الجرح
وكأن الجرح سطحي عطيتها بخاخ من عند البيطري لونه بني يقول معقم عايدين وعطيتها البخاخ الأزرق


جزاكم الله خير وش الحل المناسب ولكم جزيل الشكر

[عالي العماري القرني]

أقترح أن تطهر الجرح بمطهر ثم تدهنه بسمن غنم بلدي ولو علمتنا ويش اللي سبب الجرح ولاهنت والله يشفيها من كل باس

[أحمدالعشري]

البيطري الجيد وبس

[حاصل اليامي]

ان كانه من الشماله فهذا ما عليه يبرا من كيفه وان كانه خراج فهذا شىء ثاني

[مبارك العازمي]

السلام عليكم
اخوي اخذلك مره واعجنها مع اشوي ماي دافي لين تصير المره مثل العجينه واحش الجرح فيها وباذن الله يومين ويسكر الجرح

[عبدالله الراجي]

مثل ماقال اخوي مبارك العازمي واعطيها ابرة بنسلين واحذر من الدود لايدخل الجرح
ان كان فيه دود خذ نسبة بسيطه جدا جدا تقريبا 1 سم من السم او الجره وحط معها ديتول وماء اقل من ليتر
ورش الجرح ونظفه تمام ثم البودره
حصل عندي فى ناقه والحمد لله بدأت تطيب

[منذر الدوسري]

جزاكم الله خير لكل من شارك واثراء الموضوع

اما سبب الجرح مالي علم فيه والله يكتب الخير للجميع