من تجربه ؟؟؟؟

[نجم الحربي]

السلام عليكم ورحمة الله وبركاته



كان معنا جمل مجهم هرش وكانت رجله اليسرى
مع فوق الخف فيها سلعه (زي الثالول بطول الابهام)
وكان يظلع لامشى منها ويطلع منه صديدولا يضرب
تطببنا انا والعود فيه من ابر ومرهم وبودره
ماطلعنا بنتيجه المهم احترنا
ودعينا الله يهدينا لعلاجه
فكرنا وجبنا سير مغاط وحزيناه عليه
بعد مده نشف وطاح وزان خاطر البعير
وابشركم الحمدلله ماشأالله نجحت الفكره وتشافا
ارجو لكم الفايده

[احمد العطية]

الله يعطيك العافية يانجم والحمدلله على سلامة بعيركم
وبيض الله وجهك على افدتنا ياصبي حرب

[عالي العماري القرني]

أفدتنا الله يزيدك فوايد ويعطيك العافية
ويبارك لكم في عودكم

[طلال الروقي]

سلمت يا نجم .. على هالتجربة

والثالوث ماله الا المغاط تربطه عليه لين يابس وينكسر من حاله ..

حتى الثالول اللي في الآدمي ماله الا هالطريقة

[ياسر الحربي]

بيض الله وجهك يانجم على المعلومة المفيدة
تحيااااااااااااتي لك ,,,

[نجم الحربي]

الاخوان
احمد
علي
ياسر
طلال
اتمنى الفايده للجميع والتجارب الناجحه بفضل الله ثم فضل راعي الحلال
وأي تجاربه يقوبها اي واحد من الاخوان سوأ ناجحة ولا ماوفقه الله فيها
ياليت يخبرنا فيها لتعم الفايده
قال تعالى (وماأوتيتم من العلم ألا قليلا)

[فيصل العنزي]

الله يعطيك العافيه