احسن العماله من واقع التجربه

[عبيد ناصر]

السلام عليكم

اخواني احب أسألكم عن الرعيان من واقع تجربه

وش احسن العمال للبل انا ابي اجيب لي عامل ولاني عارف اجيبه من اي ديرة

ذبحونا هالسودانيه بالكسل وودي بعامل افضل وش تقترحون علينا الكل يكتب العامل الي يشوفه ممتاز

الباكستاني ومن اي بلد في باكستان السند ولا بنجابي ولا بلوشي ولا اي شي غيره

او هندي عادي او هندي راجستاني او كشميري

او بنغالي لاني شفته عند كثير

وفيه هالنيباليه وش رايكم فيها

ولا مالنا غير هالسودانيه

ودي والله اعرف احسن عماله ابي اجيب عمال على كفالتي وافتك

انتظر ردودكم

[طلال الروقي]

اذا حصلت يماني لا تفكه ..

تجربتي الشخصية مع العمال اليمنيين

بصراحة عندي واحد ماشاء الله تبارك الله

أمانة وشغل وسنع وكل شي ..

وزندٍ خوصة ... على ماقالوا

[عبدالله المطيري]

اذا حصلت يماني لا تفكه ..

تجربتي الشخصية مع العمال اليمنيين

بصراحة عندي واحد ماشاء الله تبارك الله

أمانة وشغل وسنع وكل شي ..

وزندٍ خوصة ... على ماقالوا


أخوي طلال من أي بلد في اليمن

[طلال الروقي]

أخوي طلال من أي بلد في اليمن

من الحديدة

[حمد الغواص]

الاخ العزيز عليك بالنيبالي من واقع تجربه 7 سنوات او هندي من راجستان لان هل راجستان عندهم ابل

[ابراهيم بن منيه]

الاخ العزيز عليك بالنيبالي من واقع تجربه 7 سنوات او هندي من راجستان لان هل راجستان عندهم ابل

انا مع اخوي حمد عليك بالراجستاني او النيبالي

[خالد المجمعي]

والله ما يسد لزووومك الى النيبالي عانه عندنا مريحنا تقووول الابل الي يديرهااا حلااااله

ومزين من شغله ونظافته

وهذا كلامي من وجهة معاملتنا لـ النيباليين

[خالد الحجي]

هي على التعامل من أي جنسيه اذا أكرمت عاملك وماقصرت عليه بشيء راح يعتبر حلالك حلاله واذا صاب الحلال مكروه شيء تلقاه يزعل ويمكن اكثر منك هذا من واقع تجربه

مره قابلت شخص الله يستر عليه وسالته كيف عاملك الجديد قال ممتاز ويمدح فيه ويقولي اترك السودانيين وخذ لك هندي يهودي !!! اليهودي أفضل من المسلم !! تدرون ليش لانه ب 700 ريال ولايكلف عليه بالاغراض ولايجيب له شيء

ولأنه يحسب على الهندي حتى قيمة الكبريت حسبي الله عليه بس

وماتبون العمال يهجووووون من هالعالم !!!


باختصار ( الدين المعاااامله )

[محمد ال جابر]

عليك بالنيبالي ولا الراجستاني وبس

[احمد العطية]

أنا مع أخوي خالد الحجي المعاملة الطيبه هي الي تحب المكفول بكفيله والله يافيه ناس تعامل عمالتهم تقل عبيد مشتريهم بفلوسه--- وبنسية لنا والله مرتاحين مع السوادنة وبعضهم مع الوالد له18 سنة

[جابر بن سالم]

بيض الله وجهك يا اخوي خالد الحجي على الكلام الجزل الدين المعامله (أهم شي المعامله) لن هذلا رجال مثلنا ولهم احساس ولهم عزه ولكن الدنيا حدتهم على الشغل والبعد عن أهلهم ووطنهم

[عبيد ناصر]

مشكورين اخواني على التفاعل الطيب

وبالنسبه للاخ خالد الحجي المعامله الطيبه قبل كل شي فعلاً كلامك سليم ولا يختلف عليه اي شخص عاقل

ولكن تقدير المعامله الحسنه مطلوب نحن مسلمون قبل كل شي والمسلم من سلم الناس من لسانه ويده

ولكن انا اتكلم عن السودانيه والكسل الي فيهم

ياخي والله يالعزبه الي فيها سوداني دايم تلاقيها وصخه واذا انت تشد عليه من الناحيه هذي تلاقيه اذا شافك قام يسوي ويفعل قدامك واذا رحت اختلف الوضع

والبل قدامك شي ومن وراك شي ثاني كله من الكسل الي ذابحهم

مع العلم انه ياخذ حقه وزود ولا فيه شي قاصر عليه راتبه يستلمه كامل بدون تاخير

وعزبته مكمله من وإلى ماينقصه اي شي

غير هذا اغرقه بالبطايق بدون مقابل بس ابيه يحس ويشتغل لانه في النهايه الفايده لي ولكن الكسل يذبحهم

ومهوب شخص واحد والله انه كثيرهم

[فهد بن سعيد]

عليك بالنيبالي ولا الراجستاني وبس

[فيصل النعيمي]

السلام عليكم ورحمة الله وبركاته

موضوع جميل للنقاش

أهم شيء حسن المعامله بما يرضي الله في كل شيء سواء العامل مسلم او كافر.

أما جنسية العامل بالنسبه لي أُفضل الهندي وخصوص الراجستاني واذا كان غير متعلم اخير وابرك من واقع تجربه.
النيبالي مشكلته اول سنتين ما به رواه يعني ما يتعلم بسرعة مثل الهندي لازم تصير وراه في كل علم.


تقبل التحيه.

[مناحي المحمدي]

الراجستاني هم هل الابل في ديرتهم يقولون لها يازبيده لا تنكتين

اما ان كان ابلك رعيه يعني من 100 وفوق حط لك 3 باكستانيه وحط اطيبهم مدير عليهم
والله ان يضبطون الابل ضبط غير طبيعي هذا اللي شفته .

حنا يالسعوديين عز الله لقينا اخوووووونا سوداني ههههههههههه كسل ويدربي راسه

[خالد الحجي]

مافيه غير السودانيين هم هل البل

[سلمان بن حمد الدوسري]

بسم الله الرحمن الرحيم

يقول المثل ( قديمك نديمك لو الجديد أغناك )
الحقيقه السودانيين وبالذات اللي من قبيلة ( الكباشي ) هم من أفضل الناس بالبل .
والسوداني من عيوبه أنه يقدح من راسه ولا يشاورك ولاهوب كلهم .
السوداني مهوب عجاز مثل ما نسمع لاكن البعض عجاز والبعض وليده وذلك على حسب معاملتك معهم .
السوداني إذا حاه الحرامي وقف في وجهه حتى ولو انه ممكن يأذيه ، ، ، يعني ماهوب يهاب الحراميه .
السوداني فيه الأمانه وأحرص أنه يكون على كفالتك ؟
أما بالنسبة لليمني فهو أكبر حرامي ،، وذلك من واقع تجربه لنا ولجارنا وغيره . يبيع حلالك ويمشي إلا من رحم الله .

[عالي العماري القرني]

ياناس أصابع يدي ماهيب سوا والا انا غلطان
ولذلك تمحص وتفحص للطيب وان كان كافر أهم شي الطيب هذا رايي واللي يفضل عرب على عرب مهوب صحيح لأنهم بشر أوادم فيهم وفيهم حتى الصاحي نفسه تلقاه بعض الايام يتنح
تحياتي للأخوان جميع ماقصروا والله يبيض وجيههم

ومن ناحيتي أنا
أفضل الراجستاني والبنجابي والسوداني والباقي فيهم الخير والبركة

[أحمدالعشري]

الكلام والعلم الطيب وينه