يالربع عاجل نبيي شوركم في الناقه ........ وخصوصا اخوي عيد المنصوري

[ناصر معجب العاطفي]

ناقة فااااطر صفراءء وغاليه عندي حالت لها سنتين ثم ردمت من الشحم ووفق الله سبحانه ولقحت على البعير والحيين مقرب لكن شدوا الربع وطولوا الشده والابل عجله في ممشاه وفجاءه بركت ولا عاد قامت شالوها بالونش ورجوعها لديارها لها الحين يومين ماقامت تضرس تبي القوم ولاتقدر وحياها طلع منه دم مهوب واجد وهي مقررررب الحين ويقولون ان وروكها كأنها منفرشه لا تخلونا يامطالييق بالرأي والشور والحل ولا وش في الناقه وخصوصا أخوي عيد المنصوري اللي والله مانستغني عنه وعن المطاليق في منتدانا ........

[عبدالعزيز المغازي]

الله يشفى ناقتك يا اخوي ناصر
وانا راييى مادام الناقه ملاقى استشر طبيب جيد عندك
بان يعطيها ابره طلق بعد مايشوف الرحم طبعا انه بدا ينفتح
واكسب الحوار وانا اخوك0 هذا راييى الشخصى
والاخوان انشا الله يفيدونك والله يوفقك

[ناصر معجب العاطفي]

ارحب ياعبدالعزيز والله لايهينك على ردك السريع لكن الابره ذي تضر الحوار ؟ وهل الدم اللي طلع بيضر الحوار ؟

[عبدالعزيز المغازي]

الابره الى اقصدها ابره طلق مالها علاقه بالحوار
وعموما استشر طبيب جيد قبل كل شى
والله يستر عليها انشا الله

[خالد الحجي]

الله يستر عليها ويعينك إن شاءالله ولايخسر مسلم

[علي الدعجاني]

الله العالم ان الناقه توهنت

ويفيدونك الاخوان

[ناصر معجب العاطفي]

الناقه ماتوهنت الناقه وراك طلع عظم الورك من محله الله يعوضنا بخير منها والحمدلله على قضاءه لكن وش الطريقه اللي اقدر فيها المحافظه على الحوار ؟؟؟ والله لايهينكم جميع على مشاعركم الصادقه ..

[ناصر معجب العاطفي]

ياعييييد ابطيت على أخوووك مارديت علي بالشور يالمنصوري وابيك تتصل علي ضروري رقمي في بريطانيا 00447553115253

[عزيزالحميدي]

قد كان عندي ناقة مثل حال ناقتك هذي
جاني بيطري وقال:

الناقة فيها

(( حمى اللبن)) تتوهن الناقة وتنفك اوروكها لاجل انها عيت لاتثور مع ضمور للعصب ان طولت في مبركها

عطاني ابر للعصب وفيتامينابر واعطاني شراب فيتامينات نوعين مع شراب جلكوز

وربي فك الناقة لله الحمد

ارجو اني افدتك والله يعينك ويفك ناقتك


.

[ناصر معجب العاطفي]

ياعزيز الله لا يهينك ياخوي على مرورك والله سبحانه الكريم كرييييييييييييييييييييييييم بأذنه والله يرزقنا وياك ..........

[ناصر معجب العاطفي]

الله لا يهينكم يااخوان على الردود الطيبه والحوار مات في بطنها والله لا يخسرنا ويااااكم وكل مسلم .....

[عيدالمنصورى]

اخوي ناصر والله ماهوب قصدي اتاخر عليك
بس ماودي افتيلك بمثل هذه الحاله لان اقل شي يؤثر على
الناقه شوري هواما ان يراها طبيب عن قرب او عدم العبث مع الناقه بأي ادويه

[ناصر معجب العاطفي]

اخوي ناصر والله ماهوب قصدي اتاخر عليك
بس ماودي افتيلك بمثل هذه الحاله لان اقل شي يؤثر على
الناقه شوري هواما ان يراها طبيب عن قرب او عدم العبث مع الناقه بأي ادويه
عيد بيض الله وجهك ياخوي لاهنت انت دايما راعي الاولات ياكحيلان الناقه الحمدلله ماتت ومات الحوار والله يعوضنا بخيرن منها والله لا يخسرنا ولا كل مسلم والموت ماقدرنا رده عن والدينا فرده عن البهايم لا تهمك انا اخوك وتقبل تحيات اخوووك يالمنصوري ........