المساعد الشخصي الرقمي

مشاهدة النسخة كاملة : ياهل الابل يالنشاما الهمام السلاق وش علاجه؟؟؟؟؟؟

سلطان ال سلطان
05 / 02 / 2010, 40 : 01 AM
السلام عليكم





انا عندي قعود حق فيه سلاااق



الله يكفيكم ويكفينا شره


واللي عنده حل ولا علاج له لا يذخر

ولا له الا العلم الطيب
ذيب بن علي
05 / 02 / 2010, 37 : 03 AM
السلام عليك ...
اول شي اعزله وشربه الماء البارد وورح للبيطري خله يعطيك حبوب ترايميسين صفر تراها طيبه وسمعت من احد الاخوان ان النشا حق المهلبيه الي يباع في السووق اخلطه مع وزر وغرة به فاد في بعض الحالات وراجع الدكاترة الشعبيين ان كان له كي ولا تبشيط خلهم يفيدونك ترا سمعت له تبشيط وله موقع اهتم بالقعود لايروح عليك ولا تاجل والله يطلق عووقه والسلام,,,,,,,,,,,,,,,,,
سلطان ال سلطان
05 / 02 / 2010, 47 : 03 AM
ذيب بيض الله وجهك على كل حال



لكن وش النشا حق المهلبيه ماعرفته؟؟


والحبوب هل انت مجربها ولا احد غيرك يرد العلم؟


ولاهنت
حمود العتيبي
05 / 02 / 2010, 30 : 10 AM
نشاء الذره الي بالبقاله عليه صورة سنبله يستخدمونه برمضان للتطلي والمهلبيه عرقته هذا الي يقصده ذيب
ذيب بن علي
05 / 02 / 2010, 57 : 10 AM
قالك حمود الله لايهينه والحبوب امافادت ولا خففت من حدة الذراق وريحت بطن القعود لين الله يشفيه اتمنا اني افدتك والسلام
طلال بن عقاب
11 / 02 / 2010, 48 : 01 AM
الاخ : سلطان
مرض سلاق خطير والي نعرفة انة مالة علاج ؛ والعلاج من عند الله سبحانة علي كل شي في علاج شعبي وعلاج الشايب يسوية والحمدللة سلم ومنهم يموت اذا ابطة علية العلاج العلاج الشعبي جيب ماي العيش من تفوح العيش اخذ ماي العيش وبردة وعطة علي 3 مرات هذا شي وعندك نشاء مال الكيك والمحلبية وهذا شي وعندك الشاي الفله لبتن فوحه مع ماي بس بدون سكر لين يفوح بردة وعطة مع ورق الشاي صبح ومساء وديربالك لاتعطية حلبة انتبة .
نجي للعلاج الثاني ومجرب جيب زيت سوبر جل مال المكينة سيارة جديد واسحب 10 سم من الابرة وحطها في بطل ماء صغير وشربة مدة 5 ايام مرة في اليوم وهذا جربناها في ابكار وسلمت من عقب الله وانت وكيفك وأسال الله العظيم ان يشفي قعودك .

وسامحني علي القصور
سلطان ال سلطان
11 / 02 / 2010, 00 : 03 AM
الله لايهينكم يالنشاما


لكن انا اندوشت


انا عطيته حبوب التريميسن امس اللي وصفها

الاخ

ذيب ابن علي


لكن معد دريت انا اعطيه بعد اللي انتو تقولون


وبالنسبه لك يا طلال

هل اعطيه الشاي وما العيش والزيت كلها في وقت واحد ولا

اجرب واحد واحد ولا وش الطريقه؟؟
محمد ابو عدوة
11 / 02 / 2010, 47 : 06 AM
مرحبا ياسلطان وان كانك متاكد انه مرض السلاق فهو معدي وخطير ومالة علاج ومواريه الضمور وتجرد الفخذ من اللحم والوروك بارزة والذراق المتواصل والحل التخلص منها باسرع وقت .
فيصل الخييلي
11 / 02 / 2010, 05 : 12 PM
حطلها ملح خشن في سطل وما عليك (http://www.google.com.sa/search?hl=ar&safe=active&rlz=1R2SPDA_enSA358&ei=DMhzS9DkD8iOjAfOw5jDCg&sa=X&oi=spell&resnum=0&ct=result&cd=1&ved=0CAYQBSgA&q=%D8%AD%D8%B7%D9%84%D9%87%D8%A7+%D9%85%D9%84%D8%A D+%D8%AE%D8%B4%D9%86+%D9%81%D9%8A+%D8%B3%D8%B7%D9% 84+%D9%88%D9%85%D8%A7+%D8%B9%D9%84%D9%8A%D9%83&spell=1)
اسال مجرب (http://www.google.com.sa/search?hl=ar&safe=active&rlz=1R2SPDA_enSA358&ei=SMhzS8y0I5G7jAem5r2fCg&sa=X&oi=spell&resnum=0&ct=result&cd=1&ved=0CBAQBSgA&q=%D8%A7%D8%B3%D8%A7%D9%84+%D9%85%D8%AC%D8%B1%D8%A 8&spell=1)
طلال بن عقاب
15 / 02 / 2010, 52 : 01 AM
جرب كل شي بروحة مثال ماي العيش مدة يومين واذا مانفع جرب الشاي والخ لين يمسك البطن واعزلة عن ولايفة