ياليت تدخلون الموضوع الله يجزاكم خير

[عبدالله بن فاضل السهلي]

السلام عليكم ورحمة الله وبركاته
يالربع عندي ناقتين ماتت حيرانها ومالهن شهر من ولادها وخلفه مالها شهر من ولدت
متى اضربهن ؟؟؟
واحط لها رشاد ولا لا ووش كثر احط لها
وادق ابرة يسره ولا لا
وهل لأبرة اليسره أي أضرار لأني سمعت أن الناقه ماعاد تيسر الا بالأبره
وأذا فيه أي ملاحظات ياليت تفيدوني فيها

[طلال بن عقاب]

الاخ : السهلي
انا عندي خلفة ضربها الفحل وماكملت الا اسبوعين وعشرت والحمدلله لا تعطي الخلفة أبرة أيسره لان الخلفة ميسر ومن ناحبة انك تبي اضرب ضربها ولاتشاور ومن ناحبة الرشاد تعطي لناقة الي يطلع منها صديد واوساخ والخلفة نظيفة

[ظافر ال شداد]

الله يخلف عليك والله يعوضك باطيب منها
أخوي الي أعرفه ان الناقه ماتضرب الى بعد اربعين يوم بعد الولاده

[خالد الحجي]

ياعبدالله خلي الشأن على طبيعته أكرم الناقتين ونوع لها بالعلف وهي بتيسر من حالها أفضل ولاتستخدم لا ابر ولا شيء؟

[عبدالله بن فاضل السهلي]

بيض الله وجيهكم جميعا
طلال بن عقاب
ظافر آل شداد
خالد الحجي

[زيد الشريف]

هلابك ياعبد الله
ومثل ماقالو الاخوان لاتعجل ولانصحك في ابرة اليسره خلهاا على طبيعتهااا ,, نوع في الظرمه و بتيسر وتزين حوالهااا انشاء الله
وسلامتك

[عبدالله بن فاضل السهلي]

بيض الله وجهك يا زيد وكثر الله من امثالك

[سلمان بن حمد الدوسري]

بالخير يبو فاضل والله يخلف عليك واسمع وش صار معي
عندي ناقة ولدت حوارها وهو بكرها وبعد ثلاث أيام مات القعود
وعطيتها رشاد قدر بياله وحلبه قدر بياله مع طحين بر ويعجن سوى لمدة اسبوع
وبعد عشرين يوم ضربها الفحل لمدة دقيقة وابشرك عشرت ولقحت
وانتبه من ابرة اليسره وخلك على الطبيعي
وترى اللي فيك حرصه فقط لاغير ،،،، لاتحرص وتوكل على الله وبتلقح كلها واذكرك / اخوك ابوحمد

[عبدالله بن فاضل السهلي]

حياك الله يبو حمد
والله يخلف عليك ان شاء الله
وبيض الله وجهك عالرد الوافي

[فايز المشيطي]

الله يخلف عليك
خلهاا على طبيعتها
والبره تضره في المستقبل والناقه تضرب لو بعد شهر عادي جدااا وبنسبه للعلاف عطه علافه الي متعوده عليه

تحياتي

[عبدالله بن فاضل السهلي]

الله يخلف عليك

خلهاا على طبيعتها
والبره تضره في المستقبل والناقه تضرب لو بعد شهر عادي جدااا وبنسبه للعلاف عطه علافه الي متعوده عليه


تحياتي

أرحب يا فايز
والله يخلف على المسلمين أجمعين
وبيض الله وجهك على الرد