رايكم ياهل النظر فــ المجهول ؟؟

[ابراهيم الحربى]

ودنا نكلف عليكم وناخذ رايكم ياهل النظر في القعود ومامستوي الزين فيه ان وجد ...

السن .. توه داخل لقي




http://www.alhadafa.com/uploadedfiles/images/4572.jpg

http://www.alhadafa.com/uploadedfiles/images/4573.jpg

http://www.alhadafa.com/uploadedfiles/images/4574.jpg

http://www.alhadafa.com/uploadedfiles/images/4575.jpg

طبعا التصوير تلقائي وغير محترف ... ومن كام الجوال

ولكم جزيل الشكر


اخوكم
ابراهيم الحربي

[فلاح الرشيدي]

السلام عليكم

راس القود طيب

اما غيره يمكن ظالمه التصوير

وعليك بالانتاج مو بالشكل

الله يمنحك منه البكار الطيبه

[ابراهيم الحربى]

بارك الله فيك

وبيض الله وجهك يــ فلاح انت ومن يقراء

[صالح المحمدي]

راس القعود ماعليه كلام
لاكن يبيلك تنشد عن ساسه
والله يرزقك منه الانتاج الطيب

[مناحي المحمدي]

راس القود طيب

,والباقي مهوب واضح

[خالد المجمعي]

راس القعوود كايف

والباقي يبيله تصور جديد وواضح

والله يباركلك في الانتاج الطيب

[احمد العطية]

أخوي أبراهيم الصور ماهيب واضحة صور القعود تصوير واضح عشان يفيدونك الأخوان
واسأل الله أن يباركلك فيه

[عبدالمحسن المقاطي]

الراس طيب ماعليه

بس شكل القعود قصير ان كانه لقي في هالصوره فهو قصير مره

وباقيه مهوب واضح ولا ينحكم عليه

[فلاح الرشيدي]

هو مو قصير لاكن بالصوره مطلع رقبته بصوره شين

[ابراهيم الحربى]

بارك الله فيكمــ جميعا

وبيض الله وجوهكمـ

وغفر لنا ولكمـ ولوالدينا ووالديكمـ وجميع المسلمين والمسلمات

[عبدالله الجدعان العنزي]

راس ا لقعود طيب الله يبارك لك فيه أما باقي الجسم يمكن التصوير ظالمه .

[بندر الجنيني]

القعود طيب واللي يقول ساسة وماساسة معليك منه اهم شي انتاجة ومهو لازم كل انتاجة طيب لو اطرب ثلاثين ناقة وجاب خمس اوعشر طيبات هذا شي طيب ويكفي

[ابراهيم الحربى]

عبدالله الجدعان
بندر الجنيني
بيض الله وجيهكمـ

اخوي بندر لقد اصبت قلب المقصد ...و أيدتني في رايي ... بارك الله فيك

[راشد الكدادي]

يا أخ أبراهيم الحربي اليوم الناس معاد تدور شكل تدور إنتاج سواء في البعير ولا الناقه لإن البعير يظهر طيبه من طيب إنتاجه سواء عند راعيه ولاعند اللي ينتج عليه والناقه طيبها يكمن بطنها فهناك بعض البل يكون ساسها طيب وبطنها أطيب فحتى لو أضربت بفحل لك عليه شوي يساعفها بطنها وساسها بجذب الحوار ,والقعود لاتحكم عليه بالنظر أحكم عليه بعد الإنتاج في المستقبل وعسى الله يبارك لك فيه..

تقبل تحيتي وتقديري

[ابراهيم الحربى]

بارك الله فيك ياراشد

صدقت ...ورايك سديد ... والله يكتب اللي فيه خير