الفزعه تكفون

[فرحان البشري]

اشتريت ناقه ضروبه واضربتها جمل طيب وعشرت الناقه وبعد اكثر من شهر مرت جمل غير اللون واضرب الناقه يعني الناقه فيخت وظربها هذا الجمل الذي لارغبه ماهو العمل وكيف اتصرف لكي لاتلقح الناقه من الجمل العادي والناقه وضحى مزيونه اضربها املح فزعنكم يا اهل الفزعه
هل انتظر حتى يبن عشارها او اتصرف با ابر او با ادخال وابي اسهل طريقه مضمونه

[ذعار السبيعي]

طقها ابرة فياخ

[عبداللطيف السعيدي]

أنا رايي انتظر الين تشوف هي هي عشرت والا لا ..
واذا هي معشر خلها تاكل تمر .. وتكثر منه .. والا اطردها بالسياره لك وقت .. وانتبه تعطيها من الأبر تراها لها تأثير على اللقاح في قادم الايام .. والله يوفق .

[احمد العطية]

لاتتسرع يافرحان واسأل أهل الخبرة لاني سمعت ان التفيخ بالطريقة هذي ممكن يضرها والصبر زين والله كاتبه الله حياه الله
تقبل مروري والله يكتبلك الي فيه خير

[عزيزالحميدي]

الطرقية التقليدية التخويف او طرد الناقة
وفيه طريقة مجربها انا وهي الرشاد
اقرب عطار وخذ منه ربع كيلو
وعطها كاسة شاهي رشاد مع المويه على طول في نصف لتر مويه

للمعلومية الرشاد لايبقى مع الموية على طول من يوم تخلطهن سوا امسك خشم الناقة وشربها اياها

هذه الطريقة للسلا ولتنزيل الحوار من بطن الناقة اذا هي مريضة مجربها شخصيا

[فهد الأحمد]

لو كنت محلك برضى باللي قسمه لي ربي
إن عشرت فهذه إرادة الله وإن ما عشرت فيمديك تضربها مره ثانية على البعير اللي أنت تبي

وكل أمرك لله عز وجل
والله عز وجل بيرزقك بالإنتاج اللي يسرك

ولا تنسى الحديث
( أنا عند ظن عبدي بي إن ظن بي خيراً فله، وإن ظن بي شراً فله )

وسلامتك

[أحمد بن عوض المطيري]

يالغالي نصيحه لوجه الله ......ابن ادم مايدري وش الخيره فيه.
..ان كتب الله لها انها تلقح فحمد الله واشكره
وان كسرت فعسى فالامر خيره ....

[حاتم العماري]

دعها سماويه
والله يرزقك

[عالي العماري القرني]

يابعد شبدي
ما دامها ما عدت الشهر يمديك تلحق عليها وتمصط رحمها وتنظفه ثم تحط ثلاث تمورواعجنها بالملح والعويدي
ثم ضربها بالبعير إلي تبيه وباذن الله تفك الما الاول وتضم الثاني

وشكرا جزيلا

[مناحي بن الحليو]

لو كنت محلك برضى باللي قسمه لي ربي
إن عشرت فهذه إرادة الله وإن ما عشرت فيمديك تضربها مره ثانية على البعير اللي أنت تبي

وكل أمرك لله عز وجل
والله عز وجل بيرزقك بالإنتاج اللي يسرك

ولا تنسى الحديث
( أنا عند ظن عبدي بي إن ظن بي خيراً فله، وإن ظن بي شراً فله )

وسلامتك

لله درك يافهد وكثر الله من امثالك شور حكيم جعلها تبطي سنينك يافهد

[خالد بن عبد الله ال ثنيان]

والله ماتدري وش الخيره في ذلك وان طعت شوري وانا اخوك اتركها لله فقد يكون فيها خير لك
وعسى ان تكرهو شيئا وهو خيرا لكم

الله يكتب الصالح لنا ولك اخي الكريم

[مناحي المحمدي]

لو كنت محلك برضى باللي قسمه لي ربي
لا تطبب في الناقة نصيحة

[فرحان البشري]

اللهم اني فوضت امري لله سبحانه وتعالى هذا المقسوم والناقه تم عشارها وعسى ربي يرزق الجميع نصائحكم من ذهب

[عالي العماري القرني]

دعها سماوية تجري على القدري
لا تفسدنها برآي منك منكوســــي

اقديت يافرحان والله يبارك في لقاحها بس الى منها أحورت علمنا بالحوار طلع على من وشفنا في ثارك لين موعد الناقة بإذن الله على العافية والصحة

[محمد سالم اليامي]

اللهم اني فوضت امري لله سبحانه وتعالى هذا المقسوم والناقه تم عشارها وعسى ربي يرزق الجميع نصائحكم من ذهب

الخيره في الي ربي كاتبه يمكن ابو الملايين في بطنها والحمد لله على ما عطى

[بخيت البريدي]

لو كنت محلك برضى باللي قسمه لي ربي
إن عشرت فهذه إرادة الله وإن ما عشرت فيمديك تضربها مره ثانية على البعير اللي أنت تبي

وكل أمرك لله عز وجل
والله عز وجل بيرزقك بالإنتاج اللي يسرك

ولا تنسى الحديث
( أنا عند ظن عبدي بي إن ظن بي خيراً فله، وإن ظن بي شراً فله )

وسلامتك
عز الله انه بيض الله وجهك وكثر الله من أمثالك

[محمدالميموني]

حرام تفيخها الي علقها الله حرام انك تفيخبها الي كاتبه الله بيجيك