سؤال بخصوص الاكساب

[فهد بن عبداللطيف بن شديًد]

السلام عليكم ورحمة الله وبركاته,,,,
سؤالي سلمكم الله باختصار..... عندي ناقة ولدت قبل اسبوع وابي اكسبها لا تمت شهر وش افضل طعام يخليها تيسر علماَ بأني ماني شايل حوارها عنها وهل ابرة اليسرة تضرها الآن؟

[عبدالعزيز الصالحي]

أخي فهد ألكساب ماهو بزين خص إذا صارت مكسبه أكثر من مره وأنا أقولك الكلام ذا من تجربه الوالد كانت عنده ناقه كسبها وهي لها شهر تقريبا وولدة ومات ولدها وهو صغير وكسبها ويوم جا لها 7أشهر وهي تنعمي وتغدي عيونها طس وسئلنا البيطري وقال هذا من التكسيب نقص فيتامينات من الكساب الكثير
وأرجو أني أفدتك أخي فهد

[متعب القريشي]

السلام عليكم
انا ياخوي عندي نفس الحاجه لكن الناقه لها ثلاثه اشهر وودي اكسبها ارجوا من الاخوان الافاده

[سطام الحبلاني]

سمعت والله أعلم أن التكسيب يضر الفحل والناقة وننتظر أصحاب الخبرة وبيعطونا العلم بأذن الله

[محمد ابو عدوة]

مرحبا يافهد كانك ناوي على بيع الحوار في القيظ كسب الناقة وبعد شهر من ولادها مايضر على شرط ان البعير يطلبها ولاتعسرها .واحسن وقت للتكسيب في الربيع تياسر الخلفات و يطير بها البعير .

[مناحي المحمدي]

اخوي لا تكسب الناقة يجي حوارها ذرنوحن كبر الشاه

إلا اذا فيه بعير يستاهل انك تهده واضيف على مشاركتي كلام محمد ابوعدوة

[فهد بن عبداللطيف بن شديًد]

جزاكم الله خير يا اخوان كل بإسمه وبيض الله وجيهكم , والله يكتب اللي فيه خير