من استشارك دخل ذمتك

[مبارك المري]

اسعد الله اوقات الجميع بكل خير

ويسعدني في هذه المشاركة ان اعرض عليكم صورة هذه البكرة وهي حقة (قيظية)

كما انني في انتظار آرائكم عن مستوى البكرة في الزين واتمنى ان تكون بكل صراحة وبدون مجاملة

ولدي سؤال وهو ...... هل يمكن ان تشارك في المزاين؟ وهل مستواها قوي في المشاركة؟

واتمنى من الجميع المشاركة

واترككم مع الصور ...... وتقبلوا خالص التحية

http://www.mzayan.com/vb/images/uploads/142_8138450cf0ace6de2.gif

http://www.mzayan.com/vb/images/uploads/142_8138450cf0ad12f28.gif

[حمد الخلاوي]

مبارك المري

السلام عليكم

اسعد الله صباحك بكل خير ومبروك عليك شهر رمضان مقدما

اما بخصوص المبروكه اقول لك حلوى والله يباركلك فيها

نبدى بالراي

الراس زين وفنستها زينه وسبلتها ممتازه

وعظامها جلال وجنبها وسيع ورقبتها طويله وزينه ومقامها طيب

اما بخصوص المشاركه بمزاين فنا اشوف انك ادخلها وانشاء الله بتاخذ حقها

هذا رايي فاذا اصبت من الله واذا اخطئت من نفسي والشيطان

اخوك
حمد بن خالد الخلاوي

[فهد بن صلبوخ]

ارحب يامبارك

والبكره الله يبارك لك فيها مافيها كلام

وادخلها بدون تردد

وان كان لك نيه بيع عطني خبر


اخوك

[جاسم الجربوعي]

حيااااااك الله يامبارك

الله يباااركلك فيها والله وبدون مجاااامله

ان الحكي موقف منها

ودخلها اقرب ااامزاااااين وبتااااخذ حقها

مغليك

[فيصل بن مرخان]

الاخ مبارك كل عام وانت بخير .... البكره طيبه وعن دخول المزاين موفق انشاء الله ولاكن هناك منافسين قويين في المزاينات المره
والمزاينات العامه لا اتوقع تحقيق مركز والله اعلم
اخوك

[حمد الغواص]

الاخ مبارك تسالنا وانت اعرف منا البكره طيبه ولا ازيد على الاخوان لاكن دخالها المزاين ظلم لها لانها قيضيه

[راشد العرق]

الاخ مبارك
البكره ماشاء الله عليها من ناحيه الزين زينه مافيها كلام وعادها ازين لو ان عفسها منسول ولاجاه الا المشط

وبالنسبه للمزاين
فوزها يرجع على اللي معها في الشوط اذا دخل معها ازين منها ولا البكره زينه جدا وتستاهل القيمه الطيبه




الله يوفقك على كل حال ويوفق الجميع

اخوك راشد العرق

[سعد البقمي]

ماشالله تبارك الله الله يباركلك فيهاااااااااااا

[مبارك المري]

الاخوان الكرام........ كلن باسمة

اشكر لكم سرعة الاستجابة بالرد

واسعدني مروركم كثيراً

وتقبلوا تحياتي

[عادل العتيبي]

مبارك اخذ البشاره مني

البكره ان شاء الله بتفوز

بس

اذا انا الحكم

مشاء الله عليها طيبه طيبه مافيها كلام

[مسعود العماري]

الاخ/ مبارك

السلام عليكم ورحمة الله وبركاته

الحقيقة البكرة طيبة وبكرة شبك ومشاركتها قوية وتحديد الرقم يخضع لقوة المنافسين
واسأل الله عز وجل ان يبارك لك فيها

[محمد العتيبي]

الاخ مبارك أسعد الله أوقات كلها بخير
لقد أستشرت ودخلت الذمه انا أرى وكل واحد حسب نظرته والمزاين يبغى نظره قويه في كل مواصفات الزين البكره طيبه لاكن فيه ملاحظه بسيطه الأذن على حسب الصوره أنها مرتخيه شوي وليست في علو الرأس والوجه زين مافيه كلام ثانياً الرقبه مقبوله بالطول أما بالركازه اذا كانت زي مافي الصوره وبرى الشبك لان وضعها في الشبك مختلف ثالثاً جنبها ممتاز أذا كان الغارب أطول من المردفه آخر السنام ورابعا وأخيراً الخف لم يطلع في الصوره بس أذا كان كبير ممتاز
هذا مافي نظري يأخ مبارك والمعذره والسموحه أذا كان أخطأت
وهذا مايطلبه لجنة التحكيم في المزاين
1.كبر الرأس 2.طول اللحي والخشم مايسمى مهادلها 3.طول الأذن 4.زين الوجه 5.طول الرقبه وأرتكازها 6.وس النحر 7.الطول 8.طول الجنب 9.طول الغارب 10.جل العظام 11.كبر الخف 12.عرض الفقار 13. طول الذيل

وشكراً

مع تحيات أخوك محمد الروقي

[علي بن عبدالرحمن العتيبي]

طيبه وناخوك وحنا يا اهل المغاتير مالنا نظرتن بالمجاهيم اكثر من اهلها الاخوان افادوك

وانا اشوف انها طيبه بالحيل وتستاهل المشاركه وحتى لو مافازت لكن بتجيها قيمه طيبه

تقبل تحياتي

علي العتيبي

[سلطان المطيري]

ماشالله تبارك الله

[مبارك المري]

الاخوان الكرام

عادل العتيبي

مسعود العماري

محمد العتيبي

علي عبد الرحمن العتيبي

سلطان المطيري

اشكر لكم مروركم وتعليقاتكم على الموضوع, والتي كانت بعيداً عن المحاباة والمجاملة وهذا ما اتمنى ان نكون عليه

دائما من اجل الحفاظ على مصداقية المنتدى.

ولكم مني الشكر والامتنان

[عبدالله الحافي]

مشاء الله
أخوي مبارك البكرة زينة ومعليها كلام
بس والله كني أشوفها قصيرة شوي ويمكن الصورة ماهي واضحة

وبالنسبة لمشاركتك فيها بالمزاينات هي أطيب من غيرها كثير

الله يبارك لك فيها

[فيصل البريدي]

اخوي مبارك يقول المثل لولا اختلاف الانظار كان بارت السلع
بس الاخوان اللي لاحظت منهم ان فيه ناس صالحت لهم جدا وفيه ناس لهم عليها ملاحظات وهو مايكمل الا وجه الله
وانا اقول البكره رأسها طيييييبيب ورقبتها زينه بس عمرها ترا ماهو بواضح في الصوره والناقه ماتحكم عليها الا الى جيتها وشفتها على الطبيعه بس الظاهر منها طيب
اما بالنسبه للمزاينات فالمزاينات تختلف والشوط على حسب المطايا اللي فيه
وانا اقول بكرتك انت اعرف منا بعرضها وحماسها في الشبك
واقول البكره طيبه اشركها وان شاء الله ان تفرح

والله يوفقك

[عبدالرحمن المقباس]

الاخ مبارك المري
السلام عليكم ورحمة الله وبركاته وبعد
كم ترددت كثيرا في كتابة مو ضوعي هذا وذلك ان الامر يتعلق بالذمه والذمه غاليه يا اخوي مبارك وانا من رايي اننا نسولف في المنتدى ونقول ما نريده بعيدا عن الذمه لان الذمه يا اخوي ما تجي الا في القضايا والمحا كم اما المجالس والمنتديات تقوم على طرح الاراء واثارة السوالف بدون لحوق الذمه ويا اخي خالد السبيعي اسمح لي من طيب ذاتك ان تشترط الابتعاد عن كلمة الذمه الا في التحكيم في المزاينات سؤاء في المنتدى او في المزاينات في مواقعها على الطبيعه 0
اما رايي يا اخوي مبارك في البكره ما ادري اي مزاين تريد الدخول فيه بهذه البكره
ان كان تقصد المزاينات بشكل عام فالمزاينات يا خوي مبارك تتعب كثيرا ويقولون يا ما مع البدوان من مرجهنه0
ونعو د للبكره البكره زينها زين البكار الحلوات المقاني وراسها صغير ولو كبر راسها يمكن يكون لهااا شان وترى الحاشي يقولون مهوب جروبه بمعنى يمكن يتغير تغيراااا كبيرااا
اخوي مبارك الله يجعلها تباارك وتدخل المزاينات الكبيره لا تستعجل على الحاشي
وانا من رايي تخليها الى ان تاتي جذعه ويكتمل زينها لانها ما زالت في طور النموووو
والله ربي ان يوفقك فيها توفيقا كبيرا
اخوي مبارك انتم يال مره تعرفون خااصه ان ابلكم تبنك كثيرااا لما ذا الاستعجال
الله يبارك فيها بركه لا تتوقعها اخوي مبارك
اللهم امين
اصبر على الحاشي وبيعجبك لا تستعجل الطيب يزكي
ولكم وافر تحياااتي

[مبارك المري]

عبد الرحمن المقباس

الله يحييك واشكر لك المشاركة وابداء الرأي الصريح وهذا ما ابحث عنه

بالنسبة لكلمة " من استشارك دخل ذمتك " فهذا ياخي الكريم كما يعرف الجميع يقوله الناس دائما كمثل عند طلب المشورة الصريحة والخالية من المجاملة

ولايعتبر بأي حال من الاحوال قسم اوحلف و إلا لاستعاظت به المحاكم بدلا من الحلف بالله.....!!!!!!

وأنا لم ولن اطلب من أي مشارك الحلف باغلظ الأيمان كشرط لابداء رأيه

وأخيرا ارجو الايكون لحق ذمتك شيء من المشاركة.... واشكرك على شجاعتك وابداء رأيك مع ترددك وخوفك على ذمتك

تقبل شكري
مبارك المري