الناقه ما بركت لها يومين

[عبدالعزيز المغازي]

السلا م عليكم ورحمه الله وبركاته
اخوانى / عندى فاطر مشيه رجليها تنقد عليها من شريتها
ومن امس مابركت ولا اليوم0 وجسمها عرق
وش الدبره يا وجيه الخير الله يوفقكم ويجزاكم خير

[عبدالرحمن الثوري السبيعي]

مرحبا اخوي عبدالعزيز وما تشوف شر ناقتك ان شاء الله
ثانيا هل الناقه تاكل وتجتر وهل هي لقحه ارجو الرد

[عبدالعزيز المغازي]

الله يجزاك خير يا عبدالرحمن الناقة تاكل وتجتر وانها على ضراب من عشرين يوم لكن مافيه مواري عشار

الله يوفقك ياعبدالرحمن

[عبدالرحمن الثوري السبيعي]

ما فيها شر ان شاء الله الناقة اليا اكلت واجترت تراها طيبة والفاطر ما هي مثل الناقة الشبب الحاجة البسيطة تثر فيها ترى بعدين العذروب اللي في ممشاها يمكن عذروب قديم فيها ما لا دخل علفها برسيم ويا خوفي ان الناقة مشبوكة وان كانها مشبوكة فهذا بلا ابوك يا عقاب وسلامتك

[عبدالعزيز المغازي]

اخوي عبدالرحمن الناقة مهب مشبوكة

[هلال الودعاني]

مساك الله بالخير اذا مابركت فهذي الذيبة

[فهد الأحمد]

الله أعلم أن الناقة فيها ذيبه

أسأل الله أن يشافيها ويعافيها

فيه دواء للمفاصل يمكن يساعدها على البركة يسمى (( كوربرال )) وتعطي معه أبرة علبتها زرقاء عبارة عن مسكن لآلام المفاصل
أسأل البيطري عنه .. إذا مافيه ضرر على لقاحها بإذن الله راح يساعدها على البركه لأنها ما تحس بألم المفاصل بعد الأبرة.


سبق لي وأن جربته على بعير هرش وأعطى نتائج ممتازة

[عبدالعزيز المغازي]

الله يجزاك خير يا فهد

[وافي بن جابر آل نشيرا]

شيك على اظفار الناقه اظفار اديها صارت عندي العام. اذا اظافرها طوال قصها

[عبدالرحمن الرفاعي الجهني]

حصلت لناقه ثنيه خلفه عندي 3 ايام ما بركت والناقه كأنها مخبوله تطامر بشكل جنوني والدمن اعزكم الله احيانا غير جاف .....
المهم قال الطبيب نقعوا لها ثوم وحلبه بقدر واصعطوه الناقه كم يوم والحمد لله كل شي تمام