هل هذا صحيح ؟

[سلمان بن حمد الدوسري]

بسم الله الرحمن الرحيم

قال لي أحد الزملاء قبل أمس أن الحوار إذا خرج من رحم أمه ، يجب عليك ربط سره عشان ما يدخل فيه وسخ أو حشرة من الأرض تسبب له مرض قد يميته .
هل هذا صحيح ؟ أو لا ؟
لأن عندي لقحه بتلد إنشاء الله قريب والحرص طيب .

[فهد الأحمد]

أرحب ياسلمان

ما أذكر إني ربطت في يوم من الأيام
ولكن بعض الأخوان أشوفهم يربطون سر الحوار من يوم ينزل

وسلامتك

[فلاح الرشيدي]

اول مرره اسمع الصراحه

وان كان ولا بد

حط مطهر عليه ضد اللي تقول

خوفك تقطعه ثم يسل دمه وينزف ويموت

[موسى الحازمى]

لم اربط سرة واول مرة اسمع هاذا الكلام

[عبدالرحمن الثوري السبيعي]

كلام ليس فيه من الصحه من شيى

[نواف بن جندل العازمي]

طول عمرنا نولد الناقه وما سوينا هالحركه

ولله الحمد صحه الحيران طيبه

[خالد الفالح]

بعض الحيران اذا نزل ينزف دمه من سره ولا يوقف فنربط السر لوقف النزف فقط وغيره لا

[وافي مليح بن موطان]

الحرص الزايد مايجيب خير يالاخوان

واخير من ربطه

تسقيه ماء + 2 ملي بنسلين

والحامي الله

[عبدالله الجدعان العنزي]

الربط غير صحيح , وهذي حكمة الله سبحانه وتعالى

[طلال بن عقاب]

السلام عليكم ورحمة الله وبركاته

أول مره أسمع بربط سر ألأ أذا فيه مشكله أما طبيعي لاتقرب صوبه ولاتتعرضه يخوك هذه فطره من رب العالمين والله أعلم

[محمد الغنامي]

اخوي ربط السر مهب علشان كذا ربط السرعلشان سر الحوار مايكون طويل ياطا عليه احد ولا يقطعه ثم يصيبه بعج
انت اربط سره بسلك صغير من فوق ولا تقرب مره من بطنه يعني مقدار 2 صانتي ثم قصه من تحت السلك

[عبدالعزيز العصيمي]

السلام عليكم ورحمة الله وبركاته

اخوي الشايب الله يطول في عمره من خلق وهو مع الابل لي يومك هذا

ودايما يحرص على ربط سر الحوار وهذا من الاحتياط ولا ادري عن سر هذا الشي

[محمد ابو عدوة]

اول مرة اسمع عن الموضوع.

[حمود العتيبي]

ياسلمان لاتربط سر الحوار ولا تجيه يحفظه الله
هذي طرق مستحدثه ولالها داعي نهائيا
وشكرا