وش فى الناقه اليوم

[عبدالله الراجي]

السلام عليكم ورحمة الله وبركاته
اخواني ناقه لي فاطر قبل سنه ونصف او سنتين بركت ولاقامت وقالوا الاخوان فى المنتدى ذيبه ولله الحمد اعطاني الدكتور علاجات وقامت وعادت سليمه
وبعد هذه المدة اليوم الصباح رأيتها ترتعش عند الوقوف وتعرج في مشيتها وارجلها سليمه
فماذا حصل لها هل يعود مرض الذيبه
او شي أخر
والناقه لقحه لها شهرين تقريبا وخايف اعطيها علاجات

[فلاح الرشيدي]

السلام عليكم
لاتستعجل اصبر راي الاخوان ان شاءالله يفيدونك

لو تراسل عيد المنصوري بالخاص افضل عشان تستعجل لاتتعب اكثر

[عبدالعزيز البقمي]

يا عبدالله

راس الناقــه يرتعد ؟؟؟

والناقه اذا مشت تطيح والا لا


..

[عبدالله الراجي]

الاخ فلاح مشكور وحفظك الله
الاخ عبدالعزيز بن سدحان مشكور على التجاوب حفظك الله
الناقه شبه عاديه فى مشيتها وماتطيح ورأسها عادي لكن اذا قامت ترتعش وتعرج من اتجاه واحد

[ناصر الشيباني]

الاخ فلاح مشكور وحفظك الله
الاخ عبدالعزيز بن سدحان مشكور على التجاوب حفظك الله
الناقه شبه عاديه فى مشيتها وماتطيح ورأسها عادي لكن اذا قامت ترتعش وتعرج من اتجاه واحد

ياعبدالله وانا اخوك عندي ناقه الان مثلها ام ثالث خلفه لها اسبوعين من يوم جابت الحوار

تضلع من رجلها من جهه واحد اذا بركت ماقامت واذا قامت ماتبرك الا بعد عنا ومشقه

والان لها يومين ماقامت وايضاً فيه انتفاخ بسيط بظهرها تحت السنام بالجهه اليمنى

الله يجيب اللي يعرف لهذه المشكله ..

[ناصر الشيباني]

للرفع يالربع لاتخلونا عسى الله مايخليكم

[عبدالله الراجي]

اخواني اليوم وجدت فى خف الناقه حفره مثل ضربة المسمار لكن قاسيه عندما تحسست عليها