يالربع من يعلمني وش في الناقه والله لا يهينكم ......

[ناصر معجب العاطفي]

كلمني الراعي يقول ان وحدتن من الخالفات استدقت فجاءه وشان شنار الناقه مع انها تاكل زين وتتجتر وتدمن بس ان حليبها قل ويقولي يمكنه ريح واللي يعرف يفتيني واخص اخووووي المنصوري الله لا يهينه ومن معه من اللحوات الغانمه اللي في خدمة هل الابل في ذا المنتدى المبارك ........

[مناحي المحمدي]

اخوي علفها برسيم ؟

ياليت تذكر وش تحطلها بالضبط مع ذكر الكميات

لأن الرفه تخلي الحليب مركز وطعمه مختلف وشوي

[فلاح الرشيدي]

العلف هو اللي يزيد الحليب

واقرى اكثر عن افضل علف للخلفات

[مبارك بن محمد]

يالله اعرفه انه ابلرسيم يخليها تغزر في اللبن وتشبع راعيها وحوارها لبن

وثاني شي .. عطها حبوب السمسم .. تراها زينه وتساعد الناقه على الدرر

والله يعطيكم العافيه

[عيدالمنصورى]

اذا كانت الناقه استدقت فجأه اعطوها ابر بنسلين ثلاث ايام متتاليه
وبعدها يمكن اعطاءها ابرة هيام اذا لم تعطى بالشهورالاربعه الاخيره وخمس حبات دود فقط

[ناصر معجب العاطفي]

الاخوان مناحي ومبارك وفلاح الله لايهينكم انا ترى ماكان مضمون سؤالي عن الحليب لكني اقولك الاعراض والناقه ضمرت فجاءه من فووووووق كلاها خصوصا

[ناصر معجب العاطفي]

اذا كانت الناقه استدقت فجأه اعطوها ابر بنسلين ثلاث ايام متتاليه
وبعدها يمكن اعطاءها ابرة هيام اذا لم تعطى بالشهورالاربعه الاخيره وخمس حبات دود فقط
الله لايهينك ياعيد وبيض الله وجهك وانت مكسب لنا في ذا المنتدى المبارك ......

[وافي مليح بن موطان]

تاكد من دمن المطية لايكون فيها شوكه واذا هي سالمة اضربها ابرة هيام

[عبدالله بن فاضل السهلي]

اللي فيها دود
فيه حبوب للدود وهي نوعين تجي صفراء وبيضاء والصفراء أزين منها
والأفضل من الحبوب كلها الثوووم عطها كل يوم فص ثوم ووحده بوحده ان شاء الله