ياهل العيادة وش رايكم في المفرودة

[وافي مليح بن موطان]

السلام عليكم
اخواني الافاضل عندي استفسار وياليت من عنده علم يفيدنا

عندي مفرودة لها شهر اشره على ممشاها وخصوصا اذا درهمت االابل تقول مقيدة ؟؟

لا فيها طرق ولا فيها زند ولا فيها وريم في مفاصلها ولا في نحرها شي وفتشت خفافها ولا فيها شي !!

افيدونا وش هالمرض ووش علاجه ومن يعرف له مسببات ياليت يذكرها لتعم الفايدة

[عبدالله بن فاضل السهلي]

انت قد قيدتها قبل ؟

[وافي مليح بن موطان]

مالك لوى اخوي عبد الله ماقيدتها ولا حملتها ابد

[عبدالله بن فاضل السهلي]

حاول تخليها تدرهم وانت وراها وخلها تمغط يديها

[وافي مليح بن موطان]

مشكور اخوي عبد الله على الراي بس ماظن له تاثير ايجابي
بالعكس اعتقد انه يضرها والله اعلم
ننتظر باقي الاراء

[فهد الأحمد]

البكرة متهددة (( متشرطه - متكتفه )) بكل الأسماء
والعلم عند الله

يوجد أبره مفيدة للهدد ولها كيه وحده بوحدة
ولكن تأكد من الحالة أولاً

[عوض الشيباني]

خوي الاقرب تكون البكره متهدده لها ابره معرف اسمها بضبط ولها كي لاكن اخر الطب الكي
جرب الابره مع البنسلين الحليبيه ماراح تضرها وذا مانفع احتمال يكون العوار في القلب من برد
او طيحه ومالها الا كي ثلاث اردوع فوق الزار على القلب من يمين ويسار (والله اعلم)

[وافي مليح بن موطان]

اخوي فهد واخوي عوض الله لايهينكم ويبيض وجيهكم
بجرب ابرة الهدد والكي وان شاء الله تنفع

[عيدالمنصورى]

يوجد بالصيدليات دهان مروخ للاعصاب ويجب ان ترتاح لا تدرهم او تمشي ممشى طويل
وان مالقيت المروخ ادهن صدر البكره بالفكس