مساكم الله بلخير جمييييييييييييييييييييييييييييييييييييييع

[بندر بن حجي]

يا الربع وش رايكم فالناقه المجسر والبعير عيا يضربها كل ما ادخلناه عليها قام يكرفها شوي ثم عافها وراح لغيرها

والناقه مجسر مافيها كلام لكن الفحل عيوف

وش رايكم ياهل الراي

[مشعل بن فهيد]

مساك الله بنور انا من رايي
انك تهد عليها بعير ثاني
وخله يضربها
وبعد مايضربها
فك البعير اللي عافها
وانشاء الله بيضربها
ضراب زين
وقد حصلتلي
المشكله وحليتها بنفس الطريقه
تقبل مروري اخوكــ مشعل العتيبي..

[بدن بن فهد السبيعي]

مـــــــرحبا يابندر

يمكن المشكله من البعير يمكن انه يعيف

مالك الا تفك عليها بعير ثاني او تربط البعير كم يوم مايضرب ثم تفكه عليها

اتمنى ان اكون افدتك

[عبدالله بن فاضل السهلي]

أربط البعير كم يوم لا يضرب وحط عالناقه جنايب قبل يجيها
وفكه عليها

[منذر الدوسري]

الحل
اربط البعير لك خمسة ايام
وحطه هو والناقة بشبك واحد وتبي تشوف العلم الطيب
ولا يصير معه نياق على شان يحتد عليها البعير

[بندر بن حجي]

بيض الله وجيهكم ولاهنتو على كل حال