كم يوم تنقل الناقة

[فالح فلاح]

حياكم الله جميع

سؤالي هو كم المدة الي تنقلها الناقة يعني اذى ضربت اليوم وجاء نفس اليوم من السنة الثانية كم تعدي من يوم

هل يعقل ان تنقل اكثر من شهر

[محمدبن رشيد الحنتوشي]

عندي ناقه جرت 45 يوم
وعند واحد من الجماعه جرت 58
الوضع عادي تطمن

[عبدالله بن مطلق المزحمي]

الاخ فالح

السلام عليكم ورحمة الله وبركاته

لقاح الناقه طال عمرك سنه كامله

ومتى تحسب للناقه هل من ضرابها ولا من عشارها

الناقه طال عمرك تحسب لها من عشارها سنه

واذا حسبت من عشارها تبا تشوف ولادها من تاريخ عشارها لاضبط يمكن يزيد يوم ولا يومين

ولكن ما يتعدي اسبوع بالكثير


المزحمي

[محمدالرمزاني]

السلام عليكم الناقه تنقل حتى الشهرين ويمكن تزيد شوي ولاهن سوا شي ينقل وشي لا وسلامتكم

[وافي مليح بن موطان]

اخالف الراي اخونا ومشرفنا العزيز ابن مطلق الابل مايعرف لها وقت محدد يمكن تلد بعد سنة من عشارها ويمكن تجر عشرين يوم او شهر
اذكر ناقه كانت عندي اضربتها 17 رمضان ولدت اول يوم في عيد الفطر وهذي اسرع ناقة ولدت عندي يعني كملت سنة ميلادية ويومين فقط

[عبيد سعد السبيعي]

انا اوافق اخوي مناحي
الناقة ما تعرف لها حد وعشان ةكذا لاتتعب حالك وتحسب متى ضربت وتتوقع متى بتولد
ضرب الناقة وخلها تلد لحالها انا ناقتي حسب متى ضربتها وجت سنة و 2 شهرين وولدت ولله الحمد يعني لاتتعب نفسك بالعد

[عبدالعزيز العصيمي]

اخوي عبدالله كلامك غير صحيح انها ما تتعدى اسبوع

انا عندي ناقة جرت ازود من اشهرين وولدت ولله الحمد

تطمن اخوي

[عبدالعزيز الصالحي]

السلام عليكم يا أخ فالح كلام ألأخوان صحيح وكد صار معنا كذا عندنا ناقتين جرن أكثر من أربعين يوم وناقتين جرن 17يوم فقط يعني فيه بعضهن يجر وبعضهن مايجر
وشكرآ