المساعد الشخصي الرقمي

مشاهدة النسخة كاملة : الجفال

عبدالله بن مخلد العتيبي
03 / 09 / 2006, 57 : 10 AM
السلام عليكم ورحمة الله وبركاته

ياربع تعرفون الجفال واحد من الربع عنده ابل مجاهيم وطبعها زين قبل حوالي ثلاث شهور ماتت عند قصيرةناقه وقام الرجال يسحب الناقة ومر على البل ويوم شافته البل وهي تجفل وهم يردونها يوم جاء الليل وهي تجفل حوالي اربعين كيلو هجيج حتى ان الخلفة خلت ولدها ثم قام الرجال وشد من مكانه وخلاه في شبك معاد تطلعى من الشبك وبعد اسبوعين وهو يفكها وهي تهج ويالله يردونها لشبك ولاعاد طلعوها ثم بعده بشهر طلعوها ولاهي راكده مرتين والمرة الثالثه وهي تجفل حوالي عشرين كيلو حتى لردوه بسيارة تضرب السيارة ماتشوف
والرجال ماخلى شي ماسوه الها .................................................

يالربع وش الحل معها

تقبلوا تحياتي
فيصل بن مرخان
03 / 09 / 2006, 52 : 02 PM
الاخ عبد الله لاشك ان للبل روح وهي تتأثر نفسيا وعاطفيا البل تعرف حتى ( الديينا ) لاكن كثير من البل يموت في الشبوك وسحبها اصحابها من الشبك امام البل ..... ولا شيء يذكر ....... لاكن هنا اسئله .... هل البل مطبعه .....هل البل ياتيها اكلها الي يكفيها ......... هل للبل روس اقصد البل تتبع شي من البل
اسأل الله ان يرحمه ويزيل ماصابه
عبدالرحمن هلال سعيد
03 / 09 / 2006, 03 : 03 PM
الله يكون في عونة
هذة المشكلة صادفت واحد من الربع عندة ذود عمانيات في ابوظبي من قبل شهر وقام بعزل البوش عن بعضها البعض القحر وحشوانهن لحالهن والمداني لحالهن والعيوم لحالهن كلن في شبك لين ماهدن
أخوك
احمد الشمري
03 / 09 / 2006, 29 : 05 PM
الا الكريم عبدالله العتيبي

السلام عليكم

كان الله في عونه بس نفس الحاله مرت على احد الاصدقاء ولكن

مهيب جافل من سحب ناقه ميته بل جافل من راعي غنم كان راكب على احمار اعزكم الله

وحول على عزبة ابله بعد صلاة المغرب وجفلت وحطها بشبك وكسرت الشبك وهجت وستمرت على هلحاله

الين جاب لها ماء مقري عليه من احد المطاوعه وصبه في حوض الماء لمد اسبوع وفارقة الشر باذن الله

وارجو اني قد افدتك

اخوك
احمد الشمري
مطر المنصوري
03 / 09 / 2006, 50 : 10 PM
السلام عليكم و رحمة الله وبركاته
اخوي عبدالله العتيبي
انا من رأي انك تقوله يروح و يجيبلها ماي
مقروي فيه من عند احد المطاوعه
و انا انصحه انه يروح صوب ابن عبود اللي في رأس الزور
و الله ان شاء يشفيهن
والسموحه.
عبدالله بن مخلد العتيبي
03 / 09 / 2006, 22 : 11 PM
السلام عليكم ورحمة الله وبركاته

الاخ فيصل بن مرخان كلشي وله سبب وهذي سببها الناقة المسحوبه وقت السحب كان في الصفرة يعني وقت الغروبوهو اللي جفلها والبل ماهي واجد 15 ناقة ومن ناحية فيه ناقة راس البل ايه بس البل كلها جاه خراش

شاكرلك المرور

تقبل تحياتي
عبدالله بن مخلد العتيبي
03 / 09 / 2006, 24 : 11 PM
الاخ عبدالرحمن بن هلال بن سعيد

شكرا لك على المعلومات ومرورك الكريم

تقبل تحياتي
عبدالله بن مخلد العتيبي
03 / 09 / 2006, 26 : 11 PM
الاخوان احمد الشمري ومطر المنصوري

معلومة طيبه ونبي نجربها

وجزاكم الله خير

تقبلوا تحياتي
فيصل بن مرخان
04 / 09 / 2006, 10 : 03 PM
انشأ الله ان الاخوان فيهم الخير مع اني كنت ابي اجابه وافيه تحياتي
عبدالله بن مخلد العتيبي
04 / 09 / 2006, 26 : 06 PM
الاخ فيصل بن مرخان

العذر منك والله اني نسيت الاسئلة الباقية

البل غير مطبعه ومن غير راعي تروح وترجع على العزبة

الطعام يكفيها وزياده

هدا وتقبل عذري
بندر العصيمى
07 / 09 / 2006, 29 : 10 AM
اخوي عبدالله العتيبي
السلام عليكم ورحمة الله وبركاته

والله انا اسمع ان الابل إلى بها جفال قوى يشترون لها حصان (فرس)
ويقولون والله اعلم انها ترتع . ولاكن تاكد من الموضوع وممكن الاخوان فيدوننا اكثر.........
عبدالله بن مخلد العتيبي
07 / 09 / 2006, 22 : 10 PM
الاخ بندر العصيمي

وعليكم السلام ورحمة الله وبركاته

والله ونا اسمع كذلك بس البل مغير خمس عشر ناقه ماتحمل فرس

لاهنت على مرورك
حجاب السبيعي
08 / 09 / 2006, 36 : 01 AM
اخوي عبدالله العتيبي

الجفال الله يكافينا شره خوف يصيب البل وتشوفها تخاف من التزاويل والاصوات

وسبق انه عانينه منه فترة طويلة لدرجة انه ما نقدر نحكمها بالسيارات

جربنا الكثير من الحلول والحمدالله خلصنا منه


اول شي لا ينزلها في مكانه ما فيها الا هي بروحهاا ينزل عند العرب قريب علشان تركد لما تكون فيه ابل جمبهاا

وخصوص وانت تقول ان عددها 15 ناقه بس

ثاني يحرص انه يكون متواجد في وقت جفال خصوص الصبح بدري لا يحركها من مراحها الا بعد شروق الشمس على الاقل بساعتين

لو يخلي صبيانها يقهرونا الصبح لا اقبش بدري

ويحط عيالها في شبك

والجفال ما يروح بين يوم وليلة يحتاج فترة طويلة

وتقبل تحياتي وان شاءالله يبعد الجفال عن حلال كل المسلمين
عبدالله بن مخلد العتيبي
08 / 09 / 2006, 31 : 09 PM
الاخ حجاب السبيعي

اشكرك على النصائح وبيض الله وجهك

تقبل تحياتي
عبدالله الحافي
12 / 09 / 2006, 42 : 03 PM
اخوي عبدالله العتيبي
السلام عليكم ورحمة الله وبركاته

والله انا اسمع ان الابل إلى بها جفال قوى يشترون لها حصان (فرس)
ويقولون والله اعلم انها ترتع . ولاكن تاكد من الموضوع وممكن الاخوان فيدوننا اكثر.........



الفرس والحصان طيبة بالحيل للبل
بس لو تجيبة لها وهي جافلة تبي تجفل زود
ولكن بالإمكان تعويدها عليه شوي شوي ، والبل تبي تعود عليه على طول وهو يبي يأخذ عليها على طول
وبعد مدة راح تلاحظة يمشي معها ولا يخليها وهن يتبعنه ويمشن وراه .وبعدين يعرفهن من يبن البل ولو يمر من عندة الف بعير وبعير ماخلا نياقك ولا يمشي الإ معهن . ولو تسرحن وتسكر عليه قام يصهل وينقز على الشبك يبي يروح معهن.. حتى وهن يرعن يطالع وش يرعن وياكل مثلهن من الرمث وغيرة ..
بس الحصان يلزم له عناية خاصة وراح يلهيك عن البل كثير ويلزمة مكان خاص وعلف خاص ومنظم وتغسيل وتنضيف وحذوات للحصان وهو حيوان حساس ( من الشوك والأحجار وغيرة )

كلامي من تجربة شخصية وشكراًً

أخوكم
عبدالله بن مخلد العتيبي
18 / 09 / 2006, 21 : 11 PM
مرحبا ياعبدالله

شكرا على المعلومات

والله لايهينك على التعليق

تقبل تحياتي
حمد الخلاوي
19 / 09 / 2006, 27 : 09 PM
عبدالله العتيبي

السلام عليكم

واسعد الله مساك بكل خير

قرات موضوعك وردود الاخوان وهذي مشكله يعاني منها اهل الابل

لكن ما اضيف على كلام الاخوان الي سبقوني

وخاصه كلام الاخ مطر المنصوري عن ابن عبود لن فيه ناس اعرفهم

خذو منه ماء مقري فيه وفتكت الابل بعدها بذن الله

والله يكتب الي فيه خير

اخيك

حمد بن خالد الخلاوي
خالد السديري
20 / 09 / 2006, 09 : 05 PM
الله يعينه ويبعد الاجفال عن حلاله
عبدالله بن مخلد العتيبي
24 / 09 / 2006, 33 : 10 PM
اشكر الاخوان حمد الخلاوي

خالد السديري

على المرور ولاهنتوا
تقبلوا تحياتي