وش رأيكم في القعود ؟؟

[تركي القرفي]

سبحان الله وبحمده , سبحان الله العظيم


السلام عليكم

اتمنى من الجميع المشاركة والادلاء بالرأي بلا ادنى مجامله وكشف اي عيب والله لا يهينكم مقدماً

http://www.geocities.com/nasssr_nassr/20060825199.jpg

http://www.geocities.com/nasssr_nassr/20060825354.jpg

http://www.geocities.com/nasssr_nassr/20060828221.jpg

http://www.geocities.com/nasssr_nassr/20060822191.jpg

http://www.geocities.com/nasssr_nassr/20060825200.jpg

اخيكم / تركي القرفي

[فهد بن صلبوخ]

ارحب ياتركي

والله يبارك لك فيه


والقعود ان كان امه طيبه جدا وابوه اطيب منها مافيه مانع تفحله


وان كانها وسط في بعض المميزات وفيه بعض الاشياء غير مرغوب فيها

مثل مسحة راسه

وعنجة رقبته وسنامه متوسط


والله يبارك لك فيه


اوشكرك على ثقتك


اخوك

[تركي القرفي]

سبحان الله وبحمده , سبحان الله العظيم

مرحبا ومسهلا يا فهد

بالنسبة لامه فهي فعلاً غاليه وزينها بيّن وبالنسبة لابوه فلا يزال غير معروف لنا وان كان اللي شرينا منه في السوق وهو تحتها حوار قد وعدنا انه يجيب اسم ابوه في القريب العاجل لانه يعرف راعي الناقه اللي باعها والصحيح انا تأخرنا في البحث عن ابوه ولكن عندما حقق ذا الايام كنه زان لنا وعودنا ننشد عن ابوه :):)

وبصراحه القعود من يوم هو حوار والربع كل ما شافوه ذكروا الله ومدحوه .

عموموماً لاهنت يا فهد ومشكور على ابداء الرأي وانتظر رأي بقية الاخوه الكرام .

اخيكم / تركي القرفي

[عبدالعزيزالشتوي التميمي]

وعليكم السلام ورحمة الله وبركاته

هلابك ياغالي

ماشاء الله

والله يطرح فيه البركه

ومانزود على كلام ابن صلبوخ شي

[حمد الغواص]

الاخ العزيز تركي القعود وسط ولازيد على بن صلبوخ الى ان غاربه قصير وقيمه القعود من 5الاف الى العشره هذا حسب نضري

[جاسم الجربوعي]

حيااااك الله ياتركي

بخصوص اااالقعود معااااد اقدر اااضيف اي ملاحضه لان الاخواااان فهد وحمد ااالغوااااص


كفو وفو ومعاااااد اقدر ااااضيف على ملاحضتهم الا ان اذنه قصيره

اخوك

[علي بن عبدالرحمن العتيبي]

مبروووووووووك ان شاء الله

وأهل المجاهيم اعرف مني وان شاء الله انهم افادوك

والله يبارك لك ويرزقك

تقبل تحياتي

أخوك علي العتيبي

[تركي القرفي]

سبحان الله وبحمده , سبحان الله العظيم

الاخوه الكرام

نقا هشال

حمد الواص

جاسم الجربوعي


على العتيبي

الله لايهينكم على المشاركة وابداء الرأي.

ولازلت في انتظار بقية الاخوه الكرام حتى تكتمل الصوره النهائية لتقرير مصير ذا القعود :):)


اخيكم / تركي القرفي

[شلش القرفي]

الله يبارك لك فيه ياتركي والقعود كان اصله طيب لاتفكه وبعض البعارين يجيك شكله طيب بالحيل وانتاجه ماهوب زين والاصل مهم في البعير مهما ان شكله وسجلني في السرا ياتركي متى ماضرب القعود

[حجاب السبيعي]

اتمنى من الجميع المشاركة والادلاء بالرأي بلا ادنى مجامله وكشف اي عيب والله لا يهينكم مقدماً

ولكن عندما حقق ذا الايام كنه زان لنا وعودنا ننشد عن ابوه


مساك الله بالخير انا من الناس بعطيك رائيي من غير مجاملة وانت طلبت راينا في القعود

انا اقول اول شي ان هالقعود في عرق مجهم وشكلين ما يصلح فحل وانت بنفسك تقول كنه هالايام زان لنا

والابل ساسها الاول الفحل قبل كل شي


تقبل تحياتي

اخوك حجاب السبيعي

[تركي القرفي]

سبحان الله وبحمده , سبحان الله العظيم

الاخ الكريم / شلش القرفي

لا هنت على المشاركة

مثل ما قلت سابقاً القعود امه طيبه وابوه بتجينا علومه قريب وحنا بنخليه لين يضرب, ان انتج فابرك واسعد وان ما انتج فالسوق قريب ولا اهنا خساره . واذا انتج فسراك محفوظ يالنشمي.

اخيكم / تركي القرفي

[تركي القرفي]

سبحان الله وبحمده , سبحان الله العظيم

الاخ الكريم / حجاب السبيعي

لاهنت على المشاركة وترى القعود مجهم.

اخيكم / تركي القرفي

[راشد العرق]

الاخ تركي القرفي

انا اتفق مع من قال انه غاربه قصيروسنامه متقدم شوي وغالب الركاب المنتجه ما غربها بطوال

اما راسه فانا اختلف مع من قال انه ماهو بزين واذنه ماهي بقصيره ولو انها في احد الصور خلت البعض يقول انها قصيره

واذا القعود جرمه وافي وامه من ابل طيبه وتهده بطبوعها وحليبها فلامانع من هداده اول سنه في بعض ابلك حتى ترى انتاجه وهو الفاصل

والله يبارك لك فيه ويبارك للجميع في حلالهم

[محمد المشعان]

السلام عليكم ورحمة الله وبركاته
قال لولا اختلاف النضر لابارت السلعه وارى ان قعودك ياتركي طيب بس فيه ملاحضه اللي اذكروها لاخوان وهي تقدم السنام وقصر الغارب والله يبارك لك فيه