ابي رايكم يا اهل النظر والمعرفه

[علي دايس]

أنا عندي ابل مغاتير وهديت فيها بعير من ابل ابن شوية من البعارين الاوله والبعير عدل الابل وتميز انتاجه بزين الظهور والارقاب والاعمار الحلوه لكن الروس جت تشره عليها شوي وعلى حسب روس الامهات واشارو علي اهل الابل اني اشري بعير من ابن مهنا لان فحوله تميز بكبر روسها وجبت بعير من ابن مهنا راسه موقف لكن البعير جت بناته ارقابها عنج وعمارها قليله ولحمها واجد وروسها طيبة عكس امهاتها ابغي رايكم انا اهده ولا اهد الهرش في بناته والله انه راح نص الهداد وهنه في الربط ليا هالحين والابل حول.


وآسف على الاطالة.......

[راشد بن جعفر الهاجري]

وينكم يا هل المغاتير

[عبدالعزيز العصيمي]

هد الهرش في بناته توكل على الله

[عبدالعزيز المغازي]

اخوي على انت الان عرفت الان وش تبى ابلك من البعارين ويتضح ان البعيريين ما يصلحون لابلك فاشوف وانا اخوك والله يعينك علي بعير مناسب لابلك والله يوفقك

[فواز العتيبي]

انا اشوف ان ادور عيال تمام لانه يجيب من اناقه اشينه طيب
ولله ني مجرب وجابت عندي بكره فوق الخيار
ولله اعلم

[بندر بن معيض المطيري]

يا علي القاعده الي قلتها مهي ثابته

وواضح من كلامك الي تبي توصله

لكن وانا اخوك شف البعير المنتج الي تشوفه انتاجه وامهاتهن وتوكل على الله واشتره

وهده بالبل وان شاء الله بيعمرها وفالك التوفيق

[وافي مليح بن موطان]

هد واحد في بنات واحد يمكن يتحسن الانتاج واهل الوضح بيفيدونك اكثر

[سلطان بن سبيل]

علي صبحت بالخير كيف حالك طال عمرك


الله يرزقك بالأنتاج الطيب



بس مشورتي عليك ياخوك


انت شريت فحول طيبه وساسها طيب


ماحاولت تغير فالبل الي عندك


ونصيحتي هد فحل ابن شويه

خل الجروم طيبه مع أرقابها والراس ماعليه دامه موجه من أذانيها لحد مشربها

بس انها اعمارها طيبه


والفحل الي من بن مهنا

عدله فالنياق الطيبه الطيبه فجرومها واعمارهاا
والله يرزقك اللهم أمين الهم أمين

[عبيد سعد السبيعي]

اخوي البعير ما يضرب بناته ،، بعدين اذا الفحول ما عجبك انتاجها دور لك غيرهم

[فلاح الرشيدي]

السناد والرقبه الطيبه افضل من الراس الكبير

واذا تبي تتعب شفلك فحل من فحول مبلش رحمة الله

[محيميد الرشيدي]

شف لك فحل غير فحل ابلك ولاتهد الفحل ابناته شفلك فحل طيب من اي الزوامل وهده

[بندر جزاء]

هد الفحل اللي على بعير ابن مهنا وركز على الضرايب تكون رقابها رقاقه وعدددددددددله
وبالتوفيق علما" باني متاكد ان جميع بناته اللي عندك مب عنج ..ابيك تدعيلي
اخوك في الله

[جابر ابوشهاب]

لاتهد الفحل في بناته هد البعير الثاني ولا اشتر بعير غيرة

وفالك النواميس

شكرا

[مشعل الشويش]

لاتهد لا ذا .. ولا ذاك .. !!

دوّر لك فحل طيب واشترهـ لو غلا ثمنه ...

وانصحك نصيحة أخـو : دوّر من عيـال عويجيـن الهـرش .. وتبي تشوف الانتاج اللي يسرك ,,

[ابراهيم الحربى]

ياعلي السلام عليك ورحمة الله وبركاتة

يقلون لازان راس البعير يزين باقيه

ابي اشور عليك تنقاء اربعة او خمسة من نياقك الزيان وتظربها من فحل زين من فحول المنقيات اللي حازت علي النخبة ومشهور فحلها بالانتاج.

وتهد بعيرك الفحل اللي شريتة علي بعير ابن مهناء هالسنة

وبعد ماينتهي الهداد ان شاء الله تبيع فحولك الثنين وتشري بقيمتها فحل تشوف انه زين وان زادة عليك القيمة شوي ماعلية وان شاء الله بتلقاء

وتكون كسبت انتاج ابلك اللي اظربتها من فحل نخبة وتنقي منه فحل للمستقبل
وكسبت زين في روس البكار وباقي الجرم يجي انشاء الله
وان شاء الله بتلقي لك علي فحل بقيمة الفحول اللي عنك

(راي شخصي يمكن يصيب ويمكن يخطي )

[بدر العازمي]

هد البعير في بناته مايضر ان شاء الله الاعمار والظهور اطيب بنظري لو إن الوجه شحيح شوي الابل تعدل بنظرك والباقي على الله

[عايض صالح]

اخاف انك شاري بعير لحيم ترى البعارين اغلابها كذا

[عايض صالح]

يمكن شاريك بعير لحيم

[مبارك بن محمد]

سبحان الله ..

الكل يطلب تغيير البعير .. ولا فكرتوا تغيروون الابل !!؟؟

الام لها 75 بالميه من الانتاجيه .... وما دام الفحول اصايل وزينات .. يمكن الابل المنتجه يبيلها وقت للانتاج ..

انا رايي انك تخف من الابل ياللي عندك وتشتري بقيمتها طال عمرك كمن ناقه زينه من ابل زينه .. وصايل .. وهد هالفحول فيها .. وبعون الله تتعوض خير ..

والله يوفقك