هل يصلح فحل ؟؟

[فرحان البهدل]

السلام عليكم ورحمة الله وبركاته ... الحقيقه انا كلي شرف بانضمامي لكم وبما اني حديث عهد بالابل ولا اعرف
عنها الا القليل والقليل جدااا .. لذا ارجو من اصحاب الخبرة ابداء الرأي في هالقعيد هذا .. اولا انا اشتريته مع امه وفي بالي ابيعه الا من امه لقحت ان شاء الله طبعا انا ادري انه مافيه جمال لكن فيه من اشار علي بتربيته كفحل وقال انه ماهو شين ..طبعا اصله مااعرف عنه شي ابد ... الحين انا ابي رايكم هل فعلا هو ماهو شين ويستحق اني اربيه والا لا ..
شاكرا لكم سلفااا ....
http://www.c5c6.com/File/1156625788.jpg (http://www.c5c6.com)

http://www.c5c6.com/File/1156625997.jpg (http://www.c5c6.com)

http://www.c5c6.com/File/1156626170.jpg (http://www.c5c6.com)

[خالد العتيبي]

اخوي فرحان اول شي ارحب فيك وارحب في نفسي في هذا المنتدى الطيب

واشكر الاخ خالد السبيعي لدعوته الكريمه لي لتواجد بهذا المنتدى.

بخصوص القعود فيه زين وشين

بس ياليت تحط صوره لأم القعود وهل الشرى مشري من حلال ولا من السوق


علشان نفيدك ان شاء الله بالشي الطيب .

[ابراهيم البدراني]

ارحب يا فرحان انت وخالد ،،

وحياكم الله بين اخوانكم ،،

وامل انكم تفيدون وتستفيدون في المنتدى ،،

وان شاء الله الاخوان ما يقصرون معك يا فرحان ،،

اخوك

البدرانـي

[فهد القحطاني]

الأخ فرحان البهدل

مرحباً الفين

أخي كل يبدي راية على حسب معرفته وفهمه ولكن الفحل كما قال المثل (الفحل هاد روحه) وفي نظري إنه لايصلح فحل وسلامتك

من نصك ماغشك

وتقبل تحياتي،،،،

[فيصل البقمي]

القعود سنامه طيب امامشربه ناقص اما انكان البل طيبه لاتفحله فيها

[فيصل بن مرخان]

الاخ فرحان..... السلام عليكم ورحمه الله ..... البل ماتعرف الوافي من الزين الى اذا جت لقيا او جذعات........ ونت الي مخير

[فهد بن صلبوخ]

ارحب يافرحان


والقعود ماهوب شي


لكن عذاريبه وااااجد


منها وجهه ردي واسف على كلمة ردي ولونه ماهوب لون فحل


وانا من رايي ان تبيعه للقصاب اربه يجيب طعام لأماته


اخوك

[خالد عبدالله السبيعي]

الاخ فرحان البهدل

أنت طلبت الرأي حول هذا القعود

وأنا أرى أنه لا يصلح إلا للقصاب

وابحث عن قعود من ابل معروفة تفحله في ابلك

وليس كل ما يشرى من السوق فحل

الفحول معامق مثل البشر

ويا هلا بك

اخوك

[فرحان البهدل]

الله يجزاكم كل خير على هالتفاعل والاراء اللي استفدت منها كثير .. الحقيقه انكم ماقصرتوا ابد الله يعطيكم الف عافيه ويديمكم ذخر ...

[فهد بن صلبوخ]

والشكر موصول لك على سعة صدرك

الله يكثر من امثالك

اخوك

[علي بن عبدالرحمن العتيبي]

مرحبا ومسهلا

اخوي انا بعطيك الزبده وانت الل طلبت الراي

القعود قصب

ولاهو بفحل

السبب

عدم معرفه اصله

عذاريبه واجد

لونه شين

والقعود قصب بالعربي

لاهنت

[فارس بن محمد]

السلام عليكم


انا بقول الحقيقة وكلمة الحق ماتزعل في نظري مايصلح فحل وجهه مهب زود ولاهب وجه فحل

والله يرزقك خير منه .. اللهم آمين .. اخوك فارس بن محمد