الفزعه يالربع وش السوات ؟؟

[محمد ناصر العبيد]

السلام عليكم

العلم ان ابلي جاها فحل هايج وقطع الشبك وظرب ناقة من النياق والمشكلة ان نياقي مجاهيم والفحل اعفر ولا ادري الناقه بتلقح عليه والا لا .

تكفون الحقوني وش اسوي ؟

هل فيه ابره تمنع اللقاح ؟ و وش اسمها ؟

واذا فيه ابره وش مضارها على الناقة لو رحت اظربها بعدين؟

وشكراً للجميع ,,

[محمد سالم اليامي]

الخيره في الي الله يختاره ما هو في اختيار العبد وكل الله وقل ان ان شاء الله انها تلقح ولا تعبث في ابلك

[نواف السليس]

والله وانا اخوك الخيرهـ فيما اختارهـ الله ويمكن الله مرسل ذا الفحل لك رزق

المهم وانا اخوك لاتستعجل يمكن الناقه تلقح ويعطيك الله خير من هالبطنه . ازين من انها تكون حايل .. ذا السنه

والشي الثاني لاتقعد تتطبب في ناقتك وانا اخوك.. ممكن فيه ابر تدمر لقاح الناقه .. انتبه


اخوك. نواف الروقي

[فهد ال زبدان]

أنا مع الاخوان
واذا كنت منت تبغي الراي الي طرحوه الاخوان
فيه ابره عند البيطري تكسر القاح وانا والله ماني بداري عن مضارها
وأنا أقول مثل ماقالو الاخوان الخيره فيما اختاره الله
والله يبارك لك في حلالك

[محمد ناصر العبيد]

شوركم وهداية الله

وشكراً للجميع

[وليد بن إجليغم]

قال الله( وعسى ان تكرهوا شيئاً و هو خيرٌ لكم)
ماتدري لو يجيك شئ فاخر من لقاحها هذا

و السلام.

[جدعان الجدعان]

ماقصرو الاخوان ورب ضارتن نافعه والخيره في مااختاره الله
وتقبل تحياتي

[ابراهيم الحربى]

الله يكتب لنا ولك اللي فيه خير ...

وابرة الجسرة تسقط اللقاح خاصة في اول شهر ... ومجربة وغير مظرة بأذن الله عز وجل

[سويلم طريخم الرشيدي]

انا من وجهت نضري انك ترضي في الي كا تب الله وهذ خير انشا الله لك انا العا م الما ضي شريت نا قه لقحه من سا حا ليى ومعها مفروده بعتها بثلا ثين الف طمعت ودقيتها ابره وطشت الي برحمها وبعدين ضربتها من الطيب الفحول وما لقحت الا من اوضح تريد يا عبدي وا انا الريد والله با لغن فيما يريد انصح نفسي الا ن وا خيرا عن العبث في مثل اتصرف اسغفر الله عن كل ذنبا الرتكبته انا مع الا خوا ن علما ن ان نا قتي الصيل