يا هل الفزعات يا هل الابل

[ناجي الضاعني]

السلام عليكم


كيف الحال يا النشامى
ياهل الابل انا عندي بعير طيب من سلالات الكربي
وانتاجه طيب وبناته طيبات وعليهن سومات طيبه
والبعير فيه سرر وكويته كويا (شوية بالعربي)
فالصفري وعيت تييبس وذلحين بدل ما تنتفخ على جنب
صارت تنزل تحت(تكفون يا النشامى اللي عنده علما فيهااااا يعلمنا والله انه يوجعني بشوفته)




والصوره ذي قبل ثلاث شهور وذلحين دبلهاا
[ملاحظة (الصور قبل الكوي)[



/color]http://www.mzayan.com/vb/images/uploads/8993_140434b23fddec1822.jpg



http://www.mzayan.com/vb/images/uploads/8993_149594b23fe81a85ad.jpg


والله لا يهينكم

[عبدالعزيز العبدالله]

وعليكم السلام ورحمة الله وبركاته

1 ـ ماذا ستخدمت من الادوية قبل الكوي وبعد الكوي ؟ .

2 ـ ارقي البعير بالقران بقراءة الفاتحة 7 مرات صباحاً ومساءً ورش الماء المقري عليه والله أسأل أن يشفيه . . .

ولنا رجعه للموضوع بعد الإستشارة بإذن الله تعالى ...

وتقبلوا تحياتنا ...

أخوكم

عبدالعزيزالعبدالله

[بخيت البريدي]

الله يصبحك بالخير اذا بتسمع النصيحه حمل بعيرك ووده العياده البيطريه .. بعيرك يحتاج على الطب البيطيري وليس الطب الشعبي

[أحمد الفلاح]

مرحبا أخوي ناجي ..
مثل ما ذكر أخوي بخيب أقرب مستشفى بيطري وده لها ، ومن المنظر هذا أتوقع لازم تدخل جراحي له .
وأسأل الله تعالى بأن يشفيه ولا يخسر عليك ولا على كل مسلم .

ولكم تقديري .. أبوعبدالرحمن

[ناجي الضاعني]

السلام عليكم


اخواني
عبدالعزيز العبدالله
بخيت البريدي
أحمد الفلاح
الله لايهينكم وشرفنا مروركم


اخوي عبدالعزيز انا استعمل مطهرات للبعير مثل الايدين واديتول وغسله بالمره واعطيه بنسلين بس اللحين قطعت البنسلين وغسلة يوميا

اخواني بخيت البريدي واحمد الفلاح انا قد طلعت عليه دكاتره بس ما يعرفون له علاج (دكاترة الكويت) واخير مره طلعت دكتورين مع بعض على شان البنج وكويته وقالوا ما نعرف عنه شئ وقالوا لو ان الورم موجود بالسنام او اي مكان غير هذا كان يمكن استاصاله .

البعير كويته قبل شهر وزاد الورم وبدل ما تورم على الجنب صارت تنزل وبعدهااا باسبوع طلع دود الابيض فيهااا ورشيته بفليت بف باف وعقبهاااااااااا قعد يطلع الدود تقول اللي وره يدفع اللي قدامه يتناثر الدود منه يطيح وذلحين ما فيه دود لكن خاطره شين لاعاد له خاطر فلابل كنه ما يشوفهاااا


وسلامتكم والله لايهينكم وسمحولنا على الازعاج

[ناجي الضاعني]

يا النشاما اللي يعرف عن السرر لا يبخل علينا وعن علاجه

[عيدالمنصورى]

اخوي ناجي عليك بحشوه بلب الحنظل بعد ان تدقه حتى ينعم
وبعد ذلك نتابع معك وفالك طيب

[طلال بن عقاب]

الاخ :ناجي مرض السرر وابو دبة وسلاق مالة حل وعلاج والشفاة من الله سبحانة في واحد من الجماعة جاه لبعيرة السرر وكواه الحلقه دار مدار السرر وتحسن سنة ورد عليه وطلع منه دود وكبر الزور وحالة ترده وباعة البعير علي واحد من الربع وتطبب فية اولا الدود جيب ديتول ابو سيف وحيه الاصلي واخلطه مع ماي وغسل مكان السرر بيوم خمس مرات والفليت لاترشة يسبب للجلد حساسيه وغير مربط البيعر يوم وترك وجيب (( مرة )) ونقعه بماي وصبه في قاروره فاضية مالت الكولا الكبيره وشرب البعير مدة اسبوع مرة بيوم 00وانشاالله يشفيه الشافي سبحانة وتعالي علي كل شي0 ولاتنسي القراية علية يومية صبح ومساء

[ناجي الضاعني]

السلام عليكم

اخواني
عيد المنصوري
وطلال بن عقاب
اخوي عيد المنصور لب الحنظل اعينه عند الحواج ولا ووين ينباع


الله لا يهينكم وشرفنا مروركم وسمحولنا على الازعاج

[أحمدالعشري]

مستشفى الحسا ولا تشاور العلم مافيه شور كان البعير كفو والا كانه حليو ومبروك فالمقصب اولا فيه

[ناجي الضاعني]

السلام عليكم


يا مرحبا اخوي أحمد العشري وشرفنا مرورك
لكن يخصوص البعير والله طيب واطيب منه بناته لكن هل مستشفى الحسا قد عالج مثل الحالات هذي وهي حالت السرر

[مسفر علي المنصوري]

فيه مرض يضرب الزور ويسمى الضبيب وعلاجه باذن الله دم الضب يصب في خشم لبعير والله اعلم

[مايد آل بومنذر]

فيه مرض يضرب الزور ويسمى الضبيب وعلاجه باذن الله دم الضب يصب في خشم لبعير والله اعلم

الله يهديك يامسفر ومالقيت العلاج غير دم الضب..

[ناجي الضاعني]

يا مرحبا باخواني واسعدنا مروركم
مسفر المنصوري والاخ مايد ال بو منذر

اخوي مسفر مرض الضبيب هل هو مثل اللي مبين فالصوره ولا لا وشكرا


والله لا يهينكم

[محمد بن مطيليق]

مرحبا اخوي ناجي

مالك الا مستشفى الاحساء بس اسئلهم قبل تودي البعير لهم وهذا رقم المستشفى

035816600

وهذا رقم الدكتور عبدالوهاب

0505927426

وايضا يوسف المهدي

0552630745

لاتنساني من دعائك

[بخيت البريدي]

بيض الله وجهك يامحمد بن مطيليق عز الله انك نصحت

[ناجي الضاعني]

السلام عليكم

يا مرحبا بمحمد مطيليق وبخيت البريدي والله لايهينكم وشرفانا مروركم