سالم محمد الدوسري
08 / 12 / 2009, 46 : 07 PM
السلام عليكم ورحمة الله وبركاته
كيف حالكم يالربع طيبين ان شاء الله
مبروك عليكم المطر وعسا الله يطرح فيه البركه ويعم به الخير على كل البلاد يارب ياكريم
اخواني انا عندي استفسار بخصوص خلفه عندي
بداية المشكله :
الناقه ولدت قبل رمضان ب10 اياام وهي سمينه ولاهيب سمينه جدا حالها زين
ويوم ولدت مراعينها وعلومها طيبه وبعد فتره شان حالها بدايتن اتوقع انها اسباب وباذكرها
الراعي طق جعله مايعود وعندي هندي مايعرف للبل وهو راعي الغنم قمت افك شمالة الناقه واخليها لين اجيها عقب كم يوم واشملها
الناقه شان حالها وضعفت وقل حليبها واكلها مادري وش هو قايل يوم تاكل ويوم ماتاكل عدل
المهم اني عطيتها حبوب للدود الكبار ثلاث حبات وبعدها بفتره ضربتها بابرة هيام الهنديه مالقيت فرنسي مقطوع من السوق
وبعدها بفتره جاني واحد وشاف الناقه وجاب لي حبوب قال انه مجربها في ناقته قبل فتره وكان حالها اردى من حال الناقه اللي عندي عطيتها 15 حبه وبعدها كررة عليها الحبوب بعد 15 حبه
والحين باقي بكره وتتم 21 يوم وباضربها بابرة الهيام الثانيه وعطاني ابره ثانيه قال لمدة اربع ايام تضرب بها ويقول لي هاذي منشط على الاكل ويفتح نفس الناقه وبيزيين حالها
اخواني انا ابي اعرف الحاله مرت على احد وهل العلاجات اللي انا استخدمتها بتجيب نتائج لان الدكتور قال لي بعد ماتضرب الناقه بابره الهيام الثانيه بيتغير حال الناقه وبتزين خلال اسبوعين
مع العلم ان البل عندها رودس موجود ولا سرحت ورجعت من مسراحها الظهر تبن في وجه العدو ولا جا قبل العصر طلعناها الين الساعه 4 وعشااها شعير مجروش ولا خلصت من الشعير حطيت لها برسيم
والله يعطيكم العافيه واسف على الاطاله
كيف حالكم يالربع طيبين ان شاء الله
مبروك عليكم المطر وعسا الله يطرح فيه البركه ويعم به الخير على كل البلاد يارب ياكريم
اخواني انا عندي استفسار بخصوص خلفه عندي
بداية المشكله :
الناقه ولدت قبل رمضان ب10 اياام وهي سمينه ولاهيب سمينه جدا حالها زين
ويوم ولدت مراعينها وعلومها طيبه وبعد فتره شان حالها بدايتن اتوقع انها اسباب وباذكرها
الراعي طق جعله مايعود وعندي هندي مايعرف للبل وهو راعي الغنم قمت افك شمالة الناقه واخليها لين اجيها عقب كم يوم واشملها
الناقه شان حالها وضعفت وقل حليبها واكلها مادري وش هو قايل يوم تاكل ويوم ماتاكل عدل
المهم اني عطيتها حبوب للدود الكبار ثلاث حبات وبعدها بفتره ضربتها بابرة هيام الهنديه مالقيت فرنسي مقطوع من السوق
وبعدها بفتره جاني واحد وشاف الناقه وجاب لي حبوب قال انه مجربها في ناقته قبل فتره وكان حالها اردى من حال الناقه اللي عندي عطيتها 15 حبه وبعدها كررة عليها الحبوب بعد 15 حبه
والحين باقي بكره وتتم 21 يوم وباضربها بابرة الهيام الثانيه وعطاني ابره ثانيه قال لمدة اربع ايام تضرب بها ويقول لي هاذي منشط على الاكل ويفتح نفس الناقه وبيزيين حالها
اخواني انا ابي اعرف الحاله مرت على احد وهل العلاجات اللي انا استخدمتها بتجيب نتائج لان الدكتور قال لي بعد ماتضرب الناقه بابره الهيام الثانيه بيتغير حال الناقه وبتزين خلال اسبوعين
مع العلم ان البل عندها رودس موجود ولا سرحت ورجعت من مسراحها الظهر تبن في وجه العدو ولا جا قبل العصر طلعناها الين الساعه 4 وعشااها شعير مجروش ولا خلصت من الشعير حطيت لها برسيم
والله يعطيكم العافيه واسف على الاطاله