المساعد الشخصي الرقمي

مشاهدة النسخة كاملة : استفسار عن ابل صاحب السمو الملكي الامير بندر بن عبد العزيز

غيث العتيبي
05 / 12 / 2009, 17 : 01 AM
اخواني اعضاء منتدى مزاين

حبيت استفسر عن ابل صاحب السمو الملكي الامير بندر بن عبدالعزيز حفظه الله الوضح وعن فحول الابل وعن وسم ابله وشاهده
لان عندي قعود جذع عليه وسم ال سعود وقالوا ان وسمه وسم الامير بندر وان ساسه على رمان والقعود ماشاء الله جاله حواره مسكته وراح انزل صورته وصورة الحواره عن قريب ياليت من عنده خبرعن ابل الامير ووسمه وفحوله يفيدني وله جزيل الشكر
غيث العتيبي
05 / 12 / 2009, 20 : 01 PM
ماراح انزل صورة الحواره لين ماتعطوني العلوم ( عرض مغري) ههههههههههههه
عبدالمحسن المقاطي
05 / 12 / 2009, 30 : 01 PM
يبيلك واحد خبير ياغيث

ومبروكه الحواره

والله يطرحلك البركه في الفحل
غيث العتيبي
05 / 12 / 2009, 33 : 01 PM
هاذي اول مشاركة ولاواحد رد يادافع البلا افاااااا وينكم يامشرفين ويااعضاء المنتدى وين النشاما
غيث العتيبي
05 / 12 / 2009, 49 : 01 PM
يبيلك واحد خبير ياغيث

ومبروكه الحواره

والله يطرحلك البركه في الفحل


الله يبارك في عمرك يالذيب وانا في منتدى كل اللي فيه يعشقون الابل ويجيبون علومها ولهم صولات وجولات في هالمجال ولولا ذلك مااستفسرت
ومنتدى اهل الابل كل عضو وكل مشرف فيه يجيب العلم من داني وكلهم متخصصين وشهادتي فيهم مجروحه
غيث العتيبي
05 / 12 / 2009, 59 : 04 PM
اتمنى ردودكم بأسرع وقت
غيث العتيبي
05 / 12 / 2009, 52 : 05 PM
وين الردود
مشعل الشويش
05 / 12 / 2009, 05 : 09 PM
غيـث العتيبـــــــــــــي ...

أولاً / اللـه يبـآرك لـك فالبعيـــر .. وفي إنتآجـه .. وفـي جميـع حلالـك ...

ثآنيـآً / ياليــتنـي أقـدر أفيـدك طـآل عمـركـ .. لكـن واللـه مآعندي خبــــر ...

والآخـوآن فيهـم الخيـر .. والبركـه ...

لكـن سمعـت ولانـي متأكّـد / أن الأميـر عنده ثـلاثـة فحـول وضــح وكلّهـآ خيـآر .. واللـهُ أعلـم ...

تقديـرررررررري
مشعل الشويش
05 / 12 / 2009, 09 : 09 PM
أمّـا صـورة البعيـــر .. شفنـآهــآ .. ههههههههههههههه .. ومـآشـاء اللـه عليــه

والحـوآره ننتظرررررهـآ ...

أخـوك/ مشعل الشويش العتيبي
غيث العتيبي
05 / 12 / 2009, 53 : 11 PM
الله لايهينك اخوي مشعل كفيت ووفيت والبعير اللي في الصوره مهوب البعير اللي استفسر عنه والحواره راح انزل صورتها بعد مايفيدوني الاخوان كل الشكر لك اخوي مشعل
غيث العتيبي
06 / 12 / 2009, 12 : 12 PM
وين خبراء الابل وين عشاق الابل اتمنى ردودكم في أسرع وقت
حمد الغواص
06 / 12 / 2009, 58 : 11 PM
الاخ العزيز غيث شرهتك علي لو اني باخس في المغاتير

وانا راعي مجاهيم لاكن انشاءالله يفيدونك الاخوان
غيث العتيبي
07 / 12 / 2009, 11 : 07 AM
الاخ العزيز غيث شرهتك علي لو اني باخس في المغاتير

وانا راعي مجاهيم لاكن انشاءالله يفيدونك الاخوان



الله لايهينك اخوي حمد الغواص على المرور الطيب وجهك ابيض يالذيب والاخوان ان شاء الله ماهم مقصرين
بندر معجب الهاجري
07 / 12 / 2009, 31 : 07 AM
مرحبا يا غيث اذا ماخاب الضن انه ابل الامير

في الصمان حول الخفيسا
غيث العتيبي
07 / 12 / 2009, 30 : 02 PM
الله لايهينك يابومعجب وفيت وكفيت لكن انا بعيد عن الصمان انكانها حولك ياالذيب عطني علومها
غيث العتيبي
08 / 12 / 2009, 22 : 05 PM
وين الردود
غيث العتيبي
08 / 12 / 2009, 49 : 08 PM
وين اهل المغاتير
غيث العتيبي
08 / 12 / 2009, 55 : 08 PM
هات العلوم ياعناد
ابراهيم التميمي
08 / 12 / 2009, 16 : 11 PM
مرحبا بك اخوي غيث على البركة الحوارة وفحول الامير بندر كثيرة وشفت منها واحد على رمان طيب وشفت واحد على تمام طيب وانتاجه طيب ووسم الامير اطال الله عمرة على طاعته وسم الشيوخ تحته حرف ب بالعربي مكتوب فيكون الشكل اقرب لوجه الانسان اتمنى اني افدتك ودعواتك لنا وبارك الله للجميع
سلطان بن مرزوق
08 / 12 / 2009, 17 : 11 PM
الله يبارك لك بالحواره
وماعندي علم عن البل
غيث العتيبي
09 / 12 / 2009, 30 : 07 AM
مرحبا بك اخوي غيث على البركة الحوارة وفحول الامير بندر كثيرة وشفت منها واحد على رمان طيب وشفت واحد على تمام طيب وانتاجه طيب ووسم الامير اطال الله عمرة على طاعته وسم الشيوخ تحته حرف ب بالعربي مكتوب فيكون الشكل اقرب لوجه الانسان اتمنى اني افدتك ودعواتك لنا وبارك الله للجميع


الله يجزاك خير اخوي ابراهيم وماقصرت ياذيبان هذا الوسم اللي اسأل عنه والبعير اقرب ماله على رمان اشهد بالله انك تجيب العلم ولاهي غريبه عليك يالتميمي تقبل تحيتي وتقديري
غيث العتيبي
09 / 12 / 2009, 32 : 07 AM
الله يبارك لك بالحواره
وماعندي علم عن البل

جزاك الله خير والله يبارك في عمرك وماقصرت يابومرزوق