الاخ عيد وباقى الاخوان تكفون

[عبدالله الراجي]

السلام عليكم ورحمة الله وبركاته

اخواني ولدت لي ناقه امس ووجدت اليوم ورم كبير فى الثدي فوق المحلب وظاهر وطالع للخارج بشكل كبير وعند احساسه تتألم الناقه علما بان المحالب تحلب جميعها ولون الحليب عادي

وفق الله الجميع

[عبدالعزيز الصالحي]

هذا طالعمرك خباش ومايظر علاجه هو أغسل الديد بماء بارد أو دافي مرتين أو ثلاث وأنشاء الله أنه يطيب

[عبدالله الراجي]

مشكوووور أخي عبدالعزيز حفظك الله

[راشد ال لزيز العجمي]

خل الناقه تمشي وخف العلف منها لين يسلم خلفها

[عبدالعزيز العصيمي]

خل الناقه تمشي

ولا حط الحوار في صندوق الموتر وخلها تتبعك ولا تسرع خله درهام ومشي

والطعام ليس السبب

[طلال الروقي]

رش ديسها الصبح والمسا بما بارد

وخلها تمشي ..

وان شاء الله ماتشوف شر

[عبدالله الراجي]

حفظ الله الجميع
مشكورين

[عوض الشيباني]

اخوي الخباش يجي تدريجي سقها وذا ماخف يكون الي في ناقتك وريم هو الي يطلع فجئه اخذلها مرهم من البيطري او اكوها رقمه تحت زر الورك ومطرق صغير خفيف على عرق الحالب منجهة الورم
بكر بالعلاج قبل يتحول نزر

[عبدالعزيز العبدالله]

وعليكم السلام ورحمة الله وبركاته

الخباش : هو بداية عملية التهابات في الديد , بدايات أعراض التهاب الديد ( Acwte mastitis ) يكون مصحوب بحرارة وورم خفيف .

العلاج البيطري: 1_ البنسلين مع مضاد التهاب أو بعض المراعم مثل أوكسيد الزنك ( zinc oxide ) أو ماميل كريم .

أو قم برش ماء بارد صبحاً و مساءً على الديد ..

وخلها تمشي وامنع عنها البرسم حتى يخف الورم بإذن الله تعالى ..

وتقبلوا تحياتي

أخوكم

عبدالعزيز العبدالله

[متعب الدوسري]

اغسل ديدها بماء وملح

[عبدالمحسن المقاطي]

اغسله بالماء وخلها تمشي كثير بس وبتشوفه يتحسن

[سعود البريدي]

الربع كلهم كفو ووفو انا اقول وانا مجربها بناقتن عندي اغسل ديدها بالما الباردولا تعلفها الا شوي بس
وخلها تمشي برى العزبه وانتبه من شبكها لازم يكون نظيف من الاوساخ الي من مراح البل القديم خلها في مكان نظيف ولاتحلبها في نفس الشبك في التراب لانها لو بركت عليه بيورم الصفن وسلامتك
تقبل مروري

[أحمدالعشري]

مع العبدالله هذا الكلام الصحيخ سلمت يمينه

[عبدالله الراجي]

اسأل الله ان يحفظ الجميع
فعلا رائعين