وش علاج الحاشي اللي ياكل الغزل ........ نبي الفزعه

[بدر بن فارس العتيبي]

عندي قعود متحسف عليه وزين لكنه ياكل الغزل

ودي اعرف علاجه بالتفصيل

وهل له ضرر إذا كان مبطي وهو ياكل الغزل

[يوسف الاحمد]

يخوي هذا سبب نقص الاملاح عند القعود وهو يتجمع با البطن ولا يطلع

وانصحك ترص عليه با الاملاح الي زي الطابوق تحصلها عند البيطري بـــ 6 ريال داوم عليها ونشاء الله يتحسن

[نايف المزحمي]

نقص الملح هو اللي يخلي الإبل تأكل كل ماهب ودب وكل شيء فيه طعم ملوحة .

عطه ملح سواء اللي بالصيدليه أو ملح القصب واعزله لحاله .

أما عن الضرر ماأقدر أفتيك لكن يقولون إنه يجتمع في بطنه ويمكن يسكر أمعاءه ويسبب له مشاكل

[عبدالمحسن المقاطي]

هذا اما نقص املاح او من الشبك ترى اذا كان في شبك بياكل

لكن في حل بسيط مثل ماقالولك الاخوان حطله الاملاح

ورش شعفة الي معه بالجاره

وبتشوفه يصد على طول عنها

انا الحشو عندي كان ياكل غزل بعض والملح موجود في شبكها وجربت الجاره بس لاتكثرها والحمد لله من بعد ذاك اليوم وانا اشوف النتايج حلوه

[خالد الشيباني]

السبب اما انه مشبوك ولا الماء عندك حالي

حط له ملح القصب في الماء

[عبيد بن صبحان]

أنا أشوف أنه من الحبس داخل الشبك

لأن كثير من اللي تحبس تأكل شعوف بعض

فأنت حاول ماتحبسها واجد في الشبك

ونقص الفيتامين من الأسباب أيضا

والسلام...................

[محمد ابو عدوة]

مرحبا يابو فارس ولاتلحقك الحسوفة والحل بسيط قعود وزين اعزله حطه في شبك وكثر الطعام والاملاح .

[قاسم الحويمضي]

والله حتى اعاني من هالمشكله عندي بكااااار حقايق ياكلن الغزل وهن كل يووووم يسرحن مع امهاتهن

وبجرب ان شاء الله الملح يمكن يفييد

[حمد فزاع]

الحل للحشو المشبوك هو الجاره

رش الشعفه بالجاره وبتشوف التطور

مثل ماقال الاخ عبدالمحسن