حاله غريبه يامسلمين

[ذياب بن غانم]

السلام عليكم ورحمة الله وبركاته

الموضوع سلامتكم يالربع عندي بكره لقيه امست تاكل ومع الابل مافيه شي وصحتها زينه يوم اصبحت الاهي ماتشوف تدعم الشبك حاله غريبه يالنشاماا افزعوا للناقه ولكم الأجر في الشهر الحرام عطوني حل

[عبيد بن صبحان]

أغسل عيون الناقة بماء وملح

عساها تشفى

إن شاء الله

[عبيد سعد السبيعي]

اخوي يمكن جا عيونها شيء اغسل عيونها بماء وملح
وقيدها يمكن تصدم الشبك وتكسره وهي ما تدري وان ما بغيت تقيدها بكيفك بس الاحسن انك تقيدها

[أحمدالعشري]

الموقع فيه الرد الشافي في العياده

[عبدالسلام الرشيدي]

اخوي يمكن عين ولى نفس

[حمود الشريف]

البكره وش سنها

[خليل المسعود]

إن كان مشيها غير متزن إحتمال يكون بها مرض الطير

[مساعد بن سعود المطيري]

السلام عليكم والرحمه الله وبركاته

مثل ماتفضلو الاخوان اغسلها بماء وملح وعطها برسيم مبطى مخضرت


والوضع عادى طال عمرك عقب ماتسوى كذا

[نايف المزحمي]

الله يشفيها ويبارك لك فيها

[ناصر الصعيبي]

عطها ابره بنسلين ثلاثة ايام واغسل عينها بشبه بس لا تكثرها فنجال ماء وكسره كبر حبة القهوه