رايكم يهمني جدا

[عبدالعزيز المغازي]

]من عيد الفطر وبعيري يضرب العشائر
وحتي الان لم يتعاشر شي مع انهن مياسير وش اسوي هل افتش عنهن او اصبر عطوني
رايكم الله يوفقكم ويجزاكم خير[/

[محمد سالم اليامي]

ما يبي لها الدكتور واشتغل فيها

[جدعان الجدعان]

السلام عليكم ورحمة الله وبركاته
اخوي اول شي الفحل وشنهو سنه وهل انتج عندك من قبل ثاني شي هن مياسير والا معسرهن على البعير
الجواب اذا كان الفحل اول ضراب له وسنه جذع لاتستغرب واذا ماكان منتج عندك يمكن العيب فيه واذا
كان هرش حسبه ثانيه واذا كانت ماهي ميسره ومعسرها نسبت اللقاح قليله وانا من باب تجربه لاحظة بعض البل ماتلقح الافي اخر البرد وفالربيع وقت ولادها والله اعلم
وتقبل تحياتي

[راشد بن جعفر الهاجري]

اصبر اشوي عاد الوكت ريض

[فلاح البديوي]

الله اعلم انها مهعشش ويبيلها تنظيف ............او يمكن فيها صيد او ذيخه وانت ما قطعتها زين ...........والله اعلم

[مسعود العماري]

المشكلة في البعير

عطنا سنه واربطه له ايام

واكثر الناس ذا الزمان استعجلوا على البعارين ولا القحت لين ربطت اكثر من عشرين يوم

[عبيد سعد السبيعي]

اخوي كم سن البعير وهل قد انتج من قبل.؟
http://www.up2.cc/uploads/images/up2-6c66d16311.gif (http://www.up2.cc/uploads/images/up2-6c66d16311.gif)

[علي محمد سالم]

ترى اكثر الناس يشكون من العشار ذا الزمان

[عبدالعزيز المغازي]

البعير يا اخوانى جذع
وضرابه للناقه طيب

[حاتم العماري]

عندي مالقح الا عشرا واحده بعد ماعاد عليها والباقيات ضربهن مره ومرتين دون عشار
والاباكير تعاشرن بفضل الله
اظن المسأله وقت فقط والله اعلم

[عبدالعزيز المغازي]

اخواني الاعزاء اشكركم علي ابداء الراي
وجزاكم الله خير

[محمد بن شريه المطيري]

انا البعير معي ومع جيراني يضرب من نص رمضان

ولا تعاشر الي على وحده ولا ثنتين

والوقت بدري على التفتيش

[خالد علي]

الوقت بدرى لا تعزرون فالبل الى بى فتش فى الربيع اورا جزاكم اللة خير

[عبدالرحمن المقباس]

السلام عليكم ورحمة الله وبركاته
اخوي عبد العزيز بعيرك توه جذع والجذع يمكن يلقح ذا الزمان ويمكن ما يلقح الا الزمان الجاي واذا كان بعيرك مجهم اكبر الظن ما يلقح الا ثني يعني الزمان الجاي ويمكن يلقح هالزمان بس توك شوي لا تعسر البعير واربطه اسبوعين على الاقل ومهم جدا تعرف متى ولاده بعض البعارين مايلقح الا اذا تعدى وقت ولاده ... لا تنهك البعير بالضراب والبراد مقبل وبيزويه البردويمكنك عسرته اول الحل والله اعلم .. والحين اربطه الين عقب العيد وثم لعله يلقح والله يعطيك من بعيرك ... واذا الله جاب لكم مطر في ديرتكم فهذا شي نافع للقاح البعير ... والله الموفق

[عمار الجابري]

[ اخوي الله لايهينك اصبر عليهن شوي وان شاء الله بيلقحن

[عبدالعزيز الصالحي]

البعير مايعشر كد مر على الوالد كذا شرا بعير ومن شهر 10 وهو يضرب البل لين شهر 2 وما تعاشر شي ورده على راعيه الي شراه منه وجاب فحل ثاني وظربهن ومن اول ظربه تعاشرن يعني الفحل مايعشر

[سعود الهاجري]

يمكن القعود يطير بالابل وهن مهن بمياسير يعني عسرهن وإذا كذا متروح لعسره الابعد مايضربهن المطر بامر الله وهذا قد حصل عندنا هديناهن جذعان وطاران بالابل وهن مهن بمياسير بس عقب ماضربهن المطر يسرن واضربهن القعود وتلاقحن

[عبدالعزيز المغازي]

الله يجزاكم خير جميعا ويبارك لكم فى مالكم وحلالكم
عز الله العزيز انكم ماقصرتو وبيض الله وجيهكم