علاج فعال للقرع ولا هو مكلف

[يوسف مطلق الحربي]

السلام عليكم ورحمة الله وبركاتة
يعطيكم الله العافية
عندي علاج فعال ولا يكلف الوحد شي موجود في كل بقالة
العلاج حليب اي سايل الي منها ((ابو قوسين)) يصب على القرع مباشر ويفرك بخيشة ولا بليفة
لا لة تأثير على الحوار ولا هو مكلف
مرة او مرتين ومن بكرة يشوف القرع

تحياتي الاخوان

[محمد ابو عدوة]

مرحبا يابومطلق فيه علاج ممتاز ومجرب لاتفرك ولاتعذب حالك فازلين وبس تغرقه محل القرع بدون فرك بحيث تمنع وصول الهواء له وهذي الحكمه منه .

[طلال الروقي]

هل هو مجرب يا يوسف ..؟

[يوسف مطلق الحربي]

الله الله
انا مجربة والنتيجة من بكرة

[راشد بن جعفر الهاجري]

مرحبا اخوي يوسف دوا القرع عندي الي هو تاخذ شحم الخروف ولا شحم حاشي وتغصصه وتحطه في اصفريه ثم تغليه على الغاز وبعدين تحط معه سم اشوي ونشاء الله ايروح أنشد مجرب وهل البل

[خالد المجمعي]

لاهنت يا اخوي:يوسف الحربي على العلاج الـ غير مكلف وسريع المفعول مثل ما قلت


وكذالك بيض الله وجيه كلن من الذين اضافو على موضوع الاستاذ:يوسف:-



1-محمد ابو عدوة


2-راشد المخضوبي

[فهد البلوي]

مشكور علي المعلومه واحب اضيف اني استخدم سمن نوع فارم لانه ثقيل ولايسيل علي اجناب البكره وفعال جدا

[راشد ال لزيز العجمي]

عليك بخاخ الصدي w40

[فيصل العنزي]

السلام عليكم
انا ائيد أن الفازلين فعال ومجربه

[ناصر المنيعي]

عليك بخاخ الصدي w40

ياالعجمي انت جربته والا مزحه

[خالد النفيعي]

لاهنت اخوي على الطرح المميز والمفيد


وكثر الله من امثالك

[راشد ال لزيز العجمي]

ياناصر مجربه وعزالله ماله شكل وجربه وان شاءالله بتدعيلي

[عبدالله حمد النعيمي]

انا جربت بخاخ الصدى وهو مظبوط

[لاحق فهد العتيبي]

مشكور علي المعلومه

[نايف المزحمي]

مرحبا اخوي يوسف دوا القرع عندي الي هو تاخذ شحم الخروف ولا شحم حاشي وتغصصه وتحطه في اصفريه ثم تغليه على الغاز وبعدين تحط معه سم اشوي ونشاء الله ايروح أنشد مجرب وهل البل

وأنا مع راشد . علاج القرع عندنا هو شحم الغنم أو الإبل ويسمى "الودك" وتدهن مكان الإصابة به وتكررها مرتين أو ثلاث أو أربع مرات أسبوعياً حسب قوة وتفشي المرض .

أخوي راشد مافهمت الجزئية ذي: وبعدين تحط معه سم اشوي .

أرجو توضيحها وشكراً لك ولصاحب الموضوع الذي جاء لنا بفكرة جديدة ستفيدنا بإذن الله