تسجيل الدخول

مشاهدة النسخة كاملة : راعي من راجستان


مبارك بن عبيد
03 / 11 / 2009, 20 : 06 PM
بسم الله الرحمن الرحيم

السلام عليكم

عندي موضوع بسيط على الرجال مثلكم وهو بختصار أدور راعي للبل ومدحولي الناس الهنود من (راجستان) ولكن ماحصلت أحد عنده راعي من راجستان حتى أحصل عنده صوره جواز أحد من ربعه عشان أجيبه راعي للبل

والحين يالنشاما ماني بناخيكم بخليها للمواضيع الكبار ولكن الله لايهينكم جميع إلي عنده راعي من راجستان ويمدحه أوده أن أخوه ولا قريب له يشتغل راعي فأنا محتاج وأنتوا إنشاء الله ماتقصرون ، وياليت إلي يحصل أحد يدز لي صوره جوازه على الإيميل o500@hotmail.com أو يدزي رساله على الخاص

ولا خلى ولا عدم

تحياتي

مبارك بن عبيد
05 / 11 / 2009, 09 : 12 AM
يعني أفهم منكم أنكم كلكم تدورون راعي من راجستان؟ يعني مفكرين عندي راعي وأبي أتنازل عنه؟ عشان كذا وصل المشاهدات إلى هالرقم ولاحد رد؟

على العموم معذورين بس ودي هل صحيح الرعيان من راجستان جيدين؟ يعني مايحتاجون تعليم؟


وشكرا

عبيد سعد السبيعي
05 / 11 / 2009, 41 : 01 PM
الله يجيبلك مطلوبك

نايف الحسيني
05 / 11 / 2009, 46 : 10 PM
ياليت عندي مطلوبك وانا اخوك .
اما العمال من راجستان فهم اقليم بدوي وغير متعلمين وبيئتهم قريبه من بيئتنا ويتحملون شقاء البداوه وليس لديهم معرفه في الابل ماعدا من عمل سابقا واكثرهم يوافق على العمل مع البدو وهذا ماجعل الناس ترغب في استقدامهم . هذه معلوماتي وانا اخوك .

حاتم العماري
07 / 11 / 2009, 56 : 09 AM
انا زرت احد المعارف واستضافنا عند البل وراعيها من راجستان واعجبني جدا في ادبه وفي خدمته للبل وللضيوف
والناس تختلف لكن هذا اللي لاحظته
وفقك الله

وافي بن جابر آل نشيرا
07 / 11 / 2009, 14 : 11 AM
الراجستاني راعي ابل وهم يقنونها واذا بغيت شف احد من اهل الامارت وترا هل الشرق مايقصرن ولاتنخاهم عشان مايسحبون الهند ويجيبونها لك ولابه قصور في غيرهم.

لاحق فهد العتيبي
07 / 11 / 2009, 03 : 12 PM
الله يجيبلك مطلوبك

جدعان الجدعان
07 / 11 / 2009, 11 : 12 PM
السلام عليكم ورحمة الله وبكاته
اخوي ان كانك حول النعيريه ابرسلك على رجال عنده صبي راجستاني وقبلها بخليه ينشد صبيه اذا عنده احد اولا
وتقبل تحياتي

مبارك بن عبيد
08 / 11 / 2009, 12 : 05 AM
جزاكم الله خير جميعاً ولاهنتوا

مبارك بن عبيد
08 / 11 / 2009, 14 : 05 AM
السلام عليكم ورحمة الله وبكاته
اخوي ان كانك حول النعيريه ابرسلك على رجال عنده صبي راجستاني وقبلها بخليه ينشد صبيه اذا عنده احد اولا
وتقبل تحياتي

لا والله وأنا خويك ماني حولها ومشكور جداً عل أهتمامك يالغالي