!!!عـــاجـــل جـــدا!!!

[خالد المجمعي]

السلام عليكم ورحمة الله وبركاته

بسم الله الرحمن الرحيم

اخواني العزاء اعضاء منتدى المزاين

اود ان ترشدوني انا متحدي ان ورجال شرواكم على الزين في الابل بين اثنين من ملاك الابل المعروفين وكلهم يقتنون المجاهيم وهم:

1-حشر بن مسند بن حشر المجمعي السبيعي.


2-سعد بن سحمي بن زومان الهاجري القحطاني.

وابي كلن يقول الحق يعلمني وين الزين ترى التحدي كايد ولا نحب الظلم

[محمد الفاضل]

اول حاجه فالرهن مايجوز
ثانيا اللي عندي من المعلومات ان حشر السبيعي بياع شراي وهذا يصعب الفصل بينهم
ثالثا ابن زومان ناقي من حشر 20 ناقه بعشرين مليون
وانشالله نكون فدناك

[خالد المجمعي]

الله لايهينك يا اخوي :محمد الفضل على تجاوبك

بس انا ابا اشوف النظر عند اهل الابل يتجه لم من وشكرا

[حاتم العماري]

والنعم بالرجال الطيبين وحلالهم طيب الله يبارك لهم
ياخوي مثل حشر وابن زومان تتعب اللجان المختصه للتفضيل بينهم وهي تجول وتصول وسط البل
كيف نحكم بمجرد معلومات عامه او لقطات تلفزيونية
ارجو تقبل رايي بصدر رحب

[خالد المجمعي]

الله لايهينك يا اخوي حاتم العماري على سعت الصدر والرد الطيب وبيض الله وجهك

[خالد المجمعي]

وين الردود يا الربع

[هادي العاوي]

اخوي خالد
ابل ابن زومان رقم واحد ماهو على حشر بس على الخليج عامه

[خالد المجمعي]

الله لايهينك اخوي هادي على الترشيح لطرف الثاني

[خالد العضيله]

ياخالد ان كانت ابل حشر اللي عرضت في ام رقبيه قبل العام والظفرة العام ما طلع منها شي
فان ابل حشر اطيب وقويه عند اللجان ولها فعل ومركز ولا لها منافس الا ابل سالمين المنصوري
لكن ان باع منها شي اكيد انه بينزل مستواها

[عوض الشيباني]

والنعم بالرجال الطيبين وحلالهم طيب الله يبارك لهم
ياخوي مثل حشر وابن زومان تتعب اللجان المختصه للتفضيل بينهم وهي تجول وتصول وسط البل
كيف نحكم بمجرد معلومات عامه او لقطات تلفزيونية
ارجو تقبل رايي بصدر رحب

انا مع اخوي حاتم وام ارقيبه وصلت وكل الاثني يستاهلون الطيب

[ناصر معجب العاطفي]

ياخالد مساءك الله بالخير االي يسمعه ان حشر باع اكثر من مره ومنها باع عشرين ناقه على ابن زومان وباع في الظفره وابن زومان يشتري انا عطيتك المعادله وانت عاد حلها ولاهنت ياكحيلان ......

[محمدبن رشيد الحنتوشي]

ابن زومان مامعه معشى
لا حشر ولا غيره مع احترامي لاهل المجاهيم عامه
وام رقيبه قريبه تتشوف بعينك وتسمع باذنك
اذا كانت اللجنه عادله
ولك مني اجمل تحيه على تفعيل موضوع ابن زومان لانه ظلم العام الماضي

[الحميدي السبيعي]

ياخالد ان كانت ابل حشر اللي عرضت في ام رقبيه قبل العام والظفرة العام ما طلع منها شي
فان ابل حشر اطيب وقويه عند اللجان ولها فعل ومركز ولا لها منافس الا ابل سالمين المنصوري
لكن ان باع منها شي اكيد انه بينزل مستواها

واذكر في مزاين ام رقيبه اخذ حشر السبيعي المركز الاول مكرر هو محمد بن زايد
ووقفت على الابل حين اعلان النتايج حتى اذكر ان الذودين معروضه عند المنصه محتارين بالنتيجه
يقولون الناس ان ابل حشر اغلبها شبب بكار هذا الي مزينها زود على زينها وابل ابن زايد كبار سن شوي وتذكر يا خالد ان ابل حشر رقم صعب1 بالمجاهيم مثل البورصه

[علي محمد سالم]

الفوز بالجنه يااخواني

[خالد المجمعي]

الله لايهينكم على الردود الطيبه والي تجمل وبيض الله وجيهكم

[بندر معجب الهاجري]

الفوز بالجنه صدقت يا ابومحمد