مادري وش اكتب اسم للموضوع من صعوبته ..؟

[زياد الحربي]

--------------------------------------------------------------------------------

السلام عليكم ورحمه الله وبركاته

الموضوع والله ماستوعبته للهالحين ..؟

القصه ومافيها ان يالربع اليوم وانا رايح يم البل شفت ناقه ميته توها يمكن مالها يوم او يومين
رحت يم العامل اللي عند حلالنا وسالته الناقه اللي ميته من هي له قالي والله اني بغيت انجن هي لجارنا لكن يوم قالي كيف ماتت انهبلت والله ماصدقته لكن هذا اللي صار الناقه لقحه وقيمتها 50000 الف جاء حزت الولاده ولدت الناقه لكن تخبرون ان الناقه اذا ولدت تاخذ شوي ماتحرك اليين تريح صح ولالا المهم جاء فوق 20 كــلب (عزكم الله ) واكلن الحوار الناقه ماتقدر تحرك وقامت الكلاب تاكل الناقه من ورا لين طلعت مافي بطنها والله قهر لكن هذا امر الله
واللي قهرني زياده العامل بنغالي

بالله وش رايكم وش اسوي انا عندي ناقه قريب تبي تلد والله مادري وش اسوي هل اشتري شبك واشبك عليها والناقه عزيزه على قلبي ولاودي اشبك عليها للحالها وش اسوي
هل اذبح الكلاب (اعزكم الله)

العذر والسموحه على الاطاله ..؟

[قاسم الحويمضي]

لاحوول الله يعووض راعيهاا خيرر

وبالنسبه للبنقاالي ليش مافك الناقه من الكلاب والله مافيه خير ابو فسيه


وبالنسبه لك اخووي زيااد اذا كانك تعرف ناقتك مقربه او تعرف متى الولاده خلك عندهاا لين تلد

اوو اشترلك شبك وريح نفسسك وجهت نضري واسف على الاطااله

اخوووووك//قاسم ابن صنيتان الحربي

[عبدالله بن فاضل السهلي]

الشبك والله انه ماينفع الا اذا كتب ربي لك التوفيق لأن الكلاب تحفر من تحت الشبوك
مالك الا انك تمسي عندها لين ماتلد والمشكله الصبيان ماتقدر تعتمد عليهم بشي انا مثلك الحين لي كم يوم امسي عند الأبل وبيني وبينك مافيه أزين من الممسى عندها

[فيصل العنزي]

السلام عليكم
والله قهر
انا اذا كنت مكانك ذبحتهن
بس ماأفتيلك لان النياق غاليه علي عمومن لي اولا

[جدعان الجدعان]

السلام عليكم ورحمة الله وبركاته
اخوي ثور فيهن وافتك من شرهن وفك المسلمين وعلى حسب علمي يجوز قتل الكلاب الضاله والله اعلم
والله يعوض جارك ويستر عليكم وعلى حلالكم
وتقبل تحياتي

[عبدالله بن فهد السهلي]

زياد يراعي البل عليك بالخرازه ارقبلهن ولاتخلي ولا واحد والعمال تراهم ارخوم يخلون الناقه تموت ومايسوون شي
وعلا قولت اخواني خلك عند البل لاصار فيه انياق مقربات

تقبل مرووووري

[محمدالرمزاني]

السلام عليكم الاخ زياد عادك تستشير في ذبح الكلاب اذبحهن بدون تردد وباسرع وقت

[محمد بن حمد القحطاني]

السلام عليكم

الله يعوض راعيها اطيب منها


بس الي احسن من الخرازه لان الخرازه يمكن تخطي وتصيب لك ناقه

ولا كن عليك 500 ريال تحطها في خروف هزيل تذبحه وتحطه في المكان الي تكون الكلاب تجي فيه او تمر من عنده

وتسممه بسم خاص يباع عند البيطريين وتطليه بالحم وتوزعه في كل ماكان حتى تاكل منه الكلاب وتنحشر الله يحشرها كلها

حسبي الله ونعم الوكيل والله اني انقهرت بس هذا قضاء الله وما شاءفعل

[محمد الفاضل]

البدوي ماعد يستغني من الشبك خصوصا للمقاريب
من قبل لاتلاقي بــ10 ايام خل ممساها ليليا في الشبك واذا اصبحت فكه واذا مخضت في النهار ردها للشبك
وخلها تلد فيه
والكلاب خصص لها يومين واقض عليها بالبنادق والدعم بالسيارات
والله ان حنا العام جينا خبه في طرفها ولايش في النفود الشماليه فيها رعي وعرفج طيب وحاميتها كلاب ونزلنا في طرفها وقامت تجفل البل مع الصبح وقمنا عليه سيارتين ومعنا شوزن وخرازه وفي يمكن 45 دقيقه اللي طرحنا 11 كــ لب
ويوم جى ثاني يوم ونلقي تاليها كلــ بين ونذبحا بالسياره .

واذا طاري عليك تسمها ترى السم اللي عند البيطري ماله شريده احرص على الحلال منه اللي حولك
ترى حتى شمه يذبح

[ناصرالموسى]

؟؟؟؟؟؟؟؟(واللي قهرني زياده العامل بنغالي)؟؟؟؟؟؟؟؟
اهبوا يالبنقال حتى البل قاموا يشتغلون فيها والله خوفي على البل منهم عموما انتبه منهم ترى عيب البنقال وانت تبخصهم زين حقودين وومكن إذا حقد على عمه لايأمن غائلته وغدره وخيانته الله يكفينا واياكم شر عباده ــ ولا أعمم عليهم كلهم ــ

[مبارك الرمالي]

الله يخلف على راعيها

والموذي يذبح اشتر سم (( صرصخ )) وعشهن مدة ثلاثة ايام

[عبدالله بن دخيل التميمي]

السم مايصلح يمكن يجي شي وياكله
لاكن عليك بالشوزل او الخرازه الي بدربيل هي الي ماتخطيه ان شاالله

[ناصر العطاوي]

لاتخلــي من الكلاب لاحس يــده
سولها اباده جماعيه (علاك ببوعطفه)
حتى عطايا الله شرهت فيها

[عبيد سعد السبيعي]

خوي نصيحتي انتبه على ناقتك اذا جت تالد وخلك معاها لين تقوم على حيلها

[فيصل بن عجير العتيبي]

يالحربي

افا والله عليك

تشاور في ذبح الكلاب الضاله الموذيه؟

تكفى يازياد ابك انتم حرب اللي تصيدون الذيابه

تكفى يا زياد لا تخلي منها شريده

خذلك اثنين من بني عمك البوارديه وعليك بها

وخل عنك السم ما يغسل الدم اللا الدم

وانت مبين عليك يوم تكتب الموضوع انك محتشي

ماااار تكفى وعليك بروسهن لا تلحق ناقتك الغاليه ناقة جارك

وبشرنا بموضوع كامل وش سويت نبي العلوم الزينه

[زياد الحربي]

ابشركم يالربع اليوم جاري يوم جيت لقيته مركب ربعه في الصندوق وطردي وبخرازه ذبحله كم *** لكن المشكله وشي ان الكلاب فوق الضلعان والسياره ماتوصل لهن وان رحت رجلي ماعودت ((
الله يعين بكره نروح يم الجنادريه ونشتري شبوك
والله يالربع انا ودي اذبحها لكن الشايب يقول احرص على حلالك والله يستر عليها واشبكه بالشبك في الليل وغيره عند ربك ..؟

واشكر كلن باسمه على المرور وشكرا على من اعطنا رايه ((

[فلاح الرشيدي]

اما تغير مكانك او انك تذبحهم