فحلنا ما وجدنا له حل...!

[فالح السبيعي]

السلام عليكم ورحمة الله وبركاته

مشكلتنا في الفحل يمكن فيه هالمشكله اكثر من سنه

المشكله يا اخوان انه الفحل مايضم الناقه و (الذكر) مايدخل في رحم الناقه دايم يطيح فالارض

حتى لو انشمله يطيح فالارض ودايم يرد راسه يم اذكره مدري هو يعوره شنو المشكله بالضبط ماعرفنا

والله العالم انه اضرب عند واحد من جيرانه ناقته وحاط لها ملح وفك البعير عليها

واخذناه لمستشفى الجامعه فالاحساء واعطونا ابر ويقول الدكتور امنعوا من الشعير

وحاليا بعض الابل اطيح عنده وهو مايتحرك

الضراب جاء والمشكله لم نجد لها حل

من عنده خلفيه عن الموضوع او معلومه ياليت يفيدنا والله يجزاكم خير على كل حال

[محمدالرمزاني]

السلام عليكم وسم البعير مطارق يمين خيفه 2 ويسار 2 وعط البعير فياجرا وباذن الله يشفا وها الكلا م مجرب مع بعير فيه مشكله قريب من مشكله بعيرك وبالتوفيق

[حاصل اليامي]

مرحبا يا فالح

اذا انت متأكد من مسألة الملح خلاص عرفنا السبب والمشكله ان شاء الله بسيطه ..التهابات ولها مضاد وان شاء الله

يطيب ..اما اذا ما انت متأكد فهذا يمكن ضعف في البعير ويحتاج مقويات طبيعيه يعني علف خاص وفيتامينات معينه

وحميه وما شابه ذلك ..والله يفك عوق بعيرك ويمنحك منه

[فالح السبيعي]

حاصل اليامي

اذا عندك علم عن حل مشكلة الالتهابات بالمعنى هل لها ابر او حبوب تحل هذي المشكله

ياليت تعطينا اسم العلاج المفيد للالتهابات

والبعير والله العالم انه الي فيه التهابات لكن ماخلينا شي عطينا ابر ولا شفنا تحسن ولا تغير

ولاهنت يا حاصل وجزاك الله خير

[فالح السبيعي]

اخووي محمد الرمزاني

اشكرك طال عمرك عالمعلومه بس ياليت تووضح اكثر مطارق ثنين من يمين ويسار

وين بالضبط...؟

وجزاك الله خير ولاهنت

[محمدالرمزاني]

الاخ فالح المطارق من يمين خيف البعير ومن يسار الي يسمونه اهل الهجن فجار لا ن بعض البعارين الا اضرب وهو بدين ام انفضخ او صابه فجار وبعدين هل بعيرك يهيج ولا لا

[فالح السبيعي]

البعير يهيج وده بالضراب لكن البلا في اذكره يا محمد

[محمدالرمزاني]

عليك با الفياجرا فيه بعير عماني شاريه راعيه ب60 الف ايام الرخص وبا عه ب10الاف لانه لا برك علا الناقه يرتخي ذكره ويطيح في التراب كنه حبل وعالجه راعيه الجديد بالفياجرا واللحين صاحي ويضرب الحصاولاكن كم حبه ما ادري بالضبط

[حاصل اليامي]

حاصل اليامي

اذا عندك علم عن حل مشكلة الالتهابات بالمعنى هل لها ابر او حبوب تحل هذي المشكله

ياليت تعطينا اسم العلاج المفيد للالتهابات

والبعير والله العالم انه الي فيه التهابات لكن ماخلينا شي عطينا ابر ولا شفنا تحسن ولا تغير

ولاهنت يا حاصل وجزاك الله خير

ان شاء الله اجيب لك اسم العلاج حق الالتهاب

[عبدالله العلي]

السلام عليكم ورحمة الله وبركاته

اخوي فيه علاج شعبي ومجرب وباذن الله بيفيده اولاَ اعزل البعير في شبك لحاله ولاعاد ترده على اي ناقه والشي الثاني اطبخ له حلبه كل يوم مقدار كاسين تبع الماء البلاستك او الورق او ثلاثه واطبخها لحد ماتقلب في القدر عشر دقايق او ربع ساعه وخلها تبرد وصبها بجيك مقاس الجيك تبع الماء ابو ثلاثه ريال 3 لتر وبالليل اذا بردت الماء في القدر حط في الجيك تبع الماء بس ماتملاه مره حد فوق النصف بشوي وحط معه مقدار كاس ونصف رشاد ومعها كاس حبه سودا او نصف الكاس وخلها بالليل واذا جاء الصباح بدري الساعه 7 شربها البعير ولمده 15 يوم او 20 يوم وعلى نفس المقاس وانشاء الله بتشوف شي يسرك باذن الله
اخوك .... عبدالله

[أحمدالعشري]

دكتور فاهم وهذا تلفون سعودي الدكتور .محمد الصقيه ..يدهـ مبروكه

تلفونه :
0556116680
0546612880

[عبدالرحمن المقباس]

السلام عليكم ورحمة الله وبركاته
اكو البعير من جوانب ذكره مطرقين مطرق من يمين ومطرق من يسار ولا يكويه الا خبير وبيطيب ان شاء الله والله يبارك لك فيه
والله الموفق

[علي ال مرعي]

طيحة ذكر البعير ماعاد هي بغريبه ذاليومين والبعير اللي يطيح ذكره يساعد وقت الضراب برفع الذكر من تحت الين يسمح من الناقه وبالنسبه للهياج الركاب توّها فيه ركاب واجد مابعد هاجت.

[فارس اليمامي]

اخوى فالح موضوع ابعيرك يبيله اهتمام ييعني الان وقت مقيض اشبك البعير وسقه ماء مقري عليه اوعزيمه في الماءاريحلك احمه عليها شهر كامل لان يمكن ابعيرك صايبته نفس ثانيا بعد الشهر جرب دواء الحلبه الي وصفه الاخ مع حبه سودا وحطله فيتامينات في الماء وعطه ملح عشان يعطش ويشربها \الملح الاحمر زين والملون بعد زين كل اسبوع عطه شكل لان فيه صودا ومواد نافعه ثالثا حطله صن وكبريت في الماء