كيف اخلي الفرس توالف البل

[فايز فالح بن سعيد]

سلام عليكم
مساكم الله بالخير ورضا

يالحوات الغانمه بغيت كيف اطبع الفرس مع البل

يعني اطلقها مع البل وبلبا رسن وكيف الطريقه

وسلامتكم جميع

[سالم محمد الدوسري]

والله انا ماعرف بس سمعت انهم يربطون الفرس عند مكان العلف فتره لين توالفه البل ويفكونه معها بعد فتره

وغيره الله العالم والربع اللي لهم خبره وجربو ماهم مقصرين نستفيد وانت تحصل مطلوبك منهم

[جاسم الزوبعي]

أنا مع أخوي سالم لازم تربطها مده وبعدين تسرح مع المقهور مربوطه بعدين تفكها شوي وتربطها لما تتعود هي وتوالفها البل

[راشد بن جعفر الهاجري]

وانا معا اخواني سالم وجاسم

[خالد الشيباني]

وعليكم السلام

انا جربتها في البدايه بتجفل الابل

اول شي اربطها حول الابل لمدة قصيره ثم بعدها خلها تاكل معها وبعدها خلها تسرح

[دسمان السبيعي]

تربطها اربع ايام والا خمسة بعدين تفكها مع المقهور ويمسكها واحد وتروح وتجي

[فايز فالح بن سعيد]

الله لايهينكم جمعن

ولا خلا ولاعدم

[علي ال مرعي]

كلام الربع مضبوط وكلما كانت الفرس صغيرة سن احسن لانها اذا صارت كبيره وتربية اصطبلات يصعب موالفتها للبل.

[محمدالمشعان]

كلام الاخوان صحيح لكن اضيف اذا قهرت المقهور قيدها مثل الرحول وتكون قريبه منها ورمي لها خبز في الارض اوسكر مكعبات فتره بسيطه وتلقاها كل ماسحبت مع الرحول ماتفارقها(من خلال تجربه)

[مساعد بن سعود المطيري]

السلام عليكم

والله عن نفسى يعلمك الى حصل معى

قدر الله على وشريت فرس اصيله من ابو اثنين والفرس طيبه وطبوعه عاليه وهى عربيه

اول الوقت مثل مقالو الاخوان تجفل البل منها يومها موضاريه علاها بعد ايام تعلف الفرس مع البل ولمن سرحت

البل تسرح معها فى وشط المقهور ولايهدها الراعى يكون ماسكه لين تاخذ على البل ويعطيها سكر مكعبات وجزر

يسحرها مثل الخبر للبل وشوى وشوى تبى تشوفها لمنك ربطتها وروحت البل تجننك فى مربطها تبا البل

والحمدالله افلت عندى وجابت فلوة ماودك الاقسر يسوفها ومشاء الله بنتها مثله علمتها لين فطمتها عن امها

وابد كانها واحد من المقهور ماتجنب عنه وربطت امها ولمنه بطح الراعى ابد مغير تباريه وتحد البل مايبيلك ملاحق

ويفظل خيل اصيله مش انجليزى مايتحمل الحر والبرد ويقضل فلوة على كيفك تسنعه

واتمنى انى فتك لو بلقليل وشكر