احتاج مساعدة هل الخبرة لا هنتوا عندي بكرة اكاد افقدها

[هادي اليامي]

عندي بكرة اكلت قطعة بلاستيك ونشبت في حلقها وخانقتها هذا ثاني يوم

دخلنا يد عليها بتوصية دكتور لكن ما قدرنا فمها صغير

اعطيناها تمر وما نفع

عطيناها زيت زيتون ما نفع

نريد من هل الخبرة الفزعة ولكم منا الدعاء بالتوفيق

[عبدالله الفغم]

يالغالي انا قد صارت معي قبل العام ودخلت سيم وعطفت راسه ولما وصل لمعدتها وبعدها ادرته بيدي كذا مره الين ثقل وعلق الكيس فيه وبحبته وكنت قبلها معطيها زيت زيتون وبعد ماطلع الكيس قعدت فتره وحلقها اتوقع فيه جروح وصرت اعطيها حليب اغره غر في بطنها واطبخلها شعير واشخله وعطيها الما حقه مدت 10 او 11 يوم وبريت ولله الحمد

[محمدالرمزاني]

السلام عليكم اخوي هادي هل الكيس ينشاف ولا بعيد

[فلاح الرشيدي]

يالغالي انا قد صارت معي قبل العام ودخلت سيم وعطفت راسه ولما وصل لمعدتها وبعدها ادرته بيدي كذا مره الين ثقل وعلق الكيس فيه وبحبته وكنت قبلها معطيها زيت زيتون وبعد ماطلع الكيس قعدت فتره وحلقها اتوقع فيه جروح وصرت اعطيها حليب اغره غر في بطنها واطبخلها شعير واشخله وعطيها الما حقه مدت 10 او 11 يوم وبريت ولله الحمد

الله يشفيها


وطبق كلام الاخوان

[هادي اليامي]

بيض الله وجيه الجميع

الي فيها ما هو بكيس غير قطعة الزنك البلاستيكية المقواة قضمتها صغيرها والظاهر بقي في بلعومها منها قطعة صغيرة وهي الي مبلشتها

القطعة ما تنشاف بس الوكاد انها بحنجرتها

[محيميد الرشيدي]

الله يعينك ويشفيها

[عايض الرميح]

صارت عند واحد من جيراني ورحت للبيطري واعطاني زيت بروفين

[طراد العتيبي]

عليك بالبيطري , ماراح يطلعها الا هو

[فيصل بن عجير العتيبي]

عليك بالسفن اب حجم العائله الكبير

غره فيها والغازات راح تدفع البلى اللي فيها وراح تطرشه

وراح يطلع من فمها إذا الله كاتبلها الشفا

والله يفك عوقك وعوقها

[جدعان الجدعان]

السلام عليكم ورحمة الله وبركاته
اخوي مالك الا 2 اما البيطري وهو الافضل والا جفلو البكرا وهي معقله الين تخرج من فمها ودبرها اجلكم الله
والله يفك عوقها
وتقبل تحياتي

[عادل الضويحي]

السلام عليكم
اسمع اخوي هات الجركل حق البرادات اللي له فم الازرق وعبه ماء وامسك فم البكره وارفع راسها فوق ثم احقنه دفعه وحده
انا صارت معي

[راشد بن جعفر الهاجري]

جبلها دكتور بيطري
والله يشفيها

[هادي اليامي]

بيض الله وجيه الجميع والبيطري جبناه وقال زيت زيتون تحقن به وسويناه ما نفع قال غيره تمر ولا نفع وقال البيطري ندخل في فمها يد ولا دخلت لكن اليوم صارت تاكل البرسيم والشعير وترضع القليل من أمها بس باقي الخنقة والحشرجة في بلعومها جاركم الله

[مرزوق العتيبي]

زيت زيتون مع هيل وعويدي مطحون

[هادي اليامي]

بيض الله وجهك يا مرزوق

[فهد ابن متعب]

يالمري عليك بالقطن المبلل بالماء تراهم تراهم يطبقونه على البشرجرب منت خسران

[ذيب بن علي]

السلام عليكم ياهادي اذا دخلت القطعه داخل البطن فهاذي مصيبه اعظم من مصيبتها الحين لانها ماهيب طالعه لاهي بمنهضمه ولاهي بخارجه مع الامعاء بتعترض وبتنعكم ويؤدي الى الموت والحل انك تجيب بيطريي فنان ويسوي عمليه جراحيه للحلق ويظهرها ولا ودها لجامعة الملك فيصل هذا رقمهم 035816600 هذا الحل الي اشوفه بناءا على تصوري للقطعه وتقبل مروري والله يفك عوقها والسلام

[هادي اليامي]

السلام عليكم ياهادي اذا دخلت القطعه داخل البطن فهاذي مصيبه اعظم من مصيبتها الحين لانها ماهيب طالعه لاهي بمنهضمه ولاهي بخارجه مع الامعاء بتعترض وبتنعكم ويؤدي الى الموت والحل انك تجيب بيطريي فنان ويسوي عمليه جراحيه للحلق ويظهرها ولا ودها لجامعة الملك فيصل هذا رقمهم 035816600 هذا الحل الي اشوفه بناءا على تصوري للقطعه وتقبل مروري والله يفك عوقها والسلام


وعليكم السلام يابو علي والله يبيض وجهك ولا يهينك

اليوم البكرة ترضع من أمها رضاع ما عليه ملاحظه وتاكل البرسيم والشعير عادي فهل يعني انها انحلت المشكلة

[هادي اليامي]

يالمري عليك بالقطن المبلل بالماء تراهم تراهم يطبقونه على البشرجرب منت خسران


بيض الله وجهك يا محمد والله لا يهينك

[ذيب بن علي]

هادي كم عمر البكره ؟ وكم عرض وطول وسمك القطعه ؟ كيف حجمها يعني ؟

والبكره اذا ما عليها ملاحظات يمكن انها اظهرتها قامت تجتر واظهرتها مع الجرة شيك المحل الي حولها يمكن انها اظهرتها

الله شفيها وبالتوفيق ,,,,,,,,,,,