الـبـعـيـر وعـيـونـه .. عـنـدكـم حـل ..؟

[طلال الروقي]

السلام عليكم ورحمة الله

اخواني ...

عند جاري بعير له اسبوع ماهوب طيب

وحده من عيونه راحت بيضاء

ولا عاد يشوف إبها ..

فمدري وش علاجه لا هنتم ..

[عبدالله بن فاضل السهلي]

http://www.mzayan.com/vb/showthread.php?t=13346


أن شاء الله يفيدك هالرابط

[عوض الشيباني]

اخوي طلال هاذي تسما ضفاره بصيطه وعلاجاتها كثيره منها ترش العين بمويه وملح ثلاث ايام اربعه وتروح
وذا كانت مطوله ومغطيه العين كيه مطرق صغير بلعرض على شحمت الاذن

[عبدالعزيز العصيمي]

السلام عليكم

اخوي طلال البعير فيه ضفاره وقد حصلت في بعيرنا قبل ودفعنا اكثر من 1500 ريال على العلاجات ولا نفعت

وذكروا لنا سوداني وشافه وقال هذي ضفاره وقصها من العين بموس وملى العين بنسلين بودره وقال عطوه ابرة بنسلين لمدة 5 ايام

وترش بعينه ماء بارد وملح واحسن تحط الماء في الابره علشان الدفع يكون قوي

وانشالله يفكه الله وعطنا علومه اول باول ولا تهون

تقبل تحياتي

اخوك : عبدالعزيز العصيمي

[طلال الروقي]

اخوي عبدالله السهلي : جزاك الله خير الجزاء على مساعدتك

اخوي عوض الشيباني : تسلم على هالترشيد والوصف وراح اسوي ما قلته ..

اخوي عبدالعزيز العصيمي : تسلم على هالشرح وراح أعلمكم بسواتي في أول بأول