الاولية بالتقييم والمقارنة في الابل المغاتير والمجاهيم

[سلطان الحربي]

بسم الله الرحمن الرحيم

إخواني أعضاء المنتدى وزواره السلام عليكم ورحمة الله وبركاته واسعد الله أوقاتكم بكل خير

لقد شغل بالي منذ فترة موضوع واعتقد انه مهم لكل من سيقتني الإبل

ويعرف مواضع جمالها سواى من مغاتير أو مجاهيم أو غيرها من الألوان

وهو كيفت الأولية في المقارنة بين عدة نوق أو جمال ومعرفة الأفضل من بينها يعني.....

إذا كان هنالك ناقتان على سبيل المثال إحداهما
رأسها طيب وسنامها متوسط والاخراى رأسها وسط وسنامها منفهق
والباقي بالناقتين متساوي فهل أرجح ذات الرأس الزين على أم السنام المنفهق أو العكس


يعني نبغي من له نظر ويعرف الأوليات في الاختيار يعلمنا ونستفيد
(( ولا اقصد بذالك إن يقول الناقة الوضح يكون اللحي طويل والإذن صغيره وراجعت(ن) ورى))
(( أو الناقة المجهم العرنون مقوس أفطس والإذن))
واقفة وغيرها من المواصفات الزينة بالإبل المغاتير والمجاهيم لأنه معروف

ولكن قصدي الذي يؤخذ الاوليه ويرجح بالتقييم الإبل ماهو سوى المغاتير أو للمجاهيم....


ويقسمه إلى قسمين هما

• الذي يرجح في الجسم عامه (( الرأس الرقبة السنام إلى أخره من المواضع الذي يرجح على الأخر))

• الذي يرجح في نفس الموضع مثل الرأس اللحي أو الأذان أم المشارب وهكذا



وأمل منكم عامة ومن الذي عنده خلفيه خاصة ألا يبخل علينا بهذه المعلومات

[مشعل اليامي]

الاخ سلطان
تحيه طيبة

اخي العزيز بالنسبة للقسمين اللي قلت عنها

• الذي يرجح في الجسم عامه (( الرأس الرقبة السنام إلى أخره من المواضع الذي يرجح على الأخر))

• الذي يرجح في نفس الموضع مثل الرأس اللحي أو الأذان أم المشارب وهكذا

اقول في هذا الحاله ان كل قسم يكمل الثاني في الزين وقد تحدث

في هذا الحاله نقوم بالبحث عن السلاله سواء من الابل والام او الانتاج وبعد ذلك التقييم

بالنسبه لي انا ارجح القسم الاول لانها قد تحتوي على اكثر صفات الزين الظاهره للعين وكان ينقصها الشارب

ومشكوووووور اخوي سلطان على هذا الموضوع الطيب

وتقبل تحياتي

اخوك

مشعل اليامي

[سلطان الحربي]

اخوي مشعل اليامي


الله لا يهينك على الرد اللي في محله ومشكور على المرور


. ولكن انا قصدي اللي يرجح بالجسم عامة من نقطة (( بترتيب اي الراس يرجح على السنام او يرجح على الرقبة او العكس ))


. ومن نقطة الموضع في حالة تساوي الناقتين في المواضع واختلافها في هذا الموضع مثل الراس فماذ يرجح من الراس على الاخر

[مشعل اليامي]

اخوي سلطان

ارشح الراس على السنام

دمت بود

اخوك

[فهد بن صلبوخ]

ارررحب ياسلطاااان


اما بالنسبه للوقت الحالي :

فأول مايشوفون من الناقه راسها (( وجهها ))



اما في قديم الزماااان لو والله يشوفون الناقه النظير اللي ظهرها زين وديدها كنّه غزال مكتف ..
















اما بالنسبه لي من اللي قلت

فأنا اشوف (( ام الراس ))


لأن البدو قالوها





النااااااااااااااقه وجه .!!





اخوك ..

[علي بن عبدالرحمن العتيبي]

هلا والله أخوي

موضوع في محله

أنا اقول اول شئ الراس ثاني شئ الرقبه ثالث شئ الطول رابع شئ ظهر الناقه خامس شئ الديس


شكرا لك

[سلطان الحربي]

اخوي مشعل اليامي

اشكرك على التفاعل مع الموضوع

الله لايهينك وبيض الله وجهك

[سلطان الحربي]

اخوي فهد بن صلبوخ

مشكور على المرور وراي في محله


اخوك ومغليك ابو عبد الله

[سلطان الحربي]

الغالي ابو عبد الرحمن

راي صايب ومن راعي نظر واعتقد انه هذا

هذا ترتيب لجنة التحكيم او انا مخطي وانا اخوك

ومشكوووووووور على حظورك الطيب

[عبدالله بن مطلق المزحمي]

ألاخ سلطان الحربي

السلام عليكم ورحمة الله وبركاته

جزاك الله خير على طرح هذا الموضوع المهم ويعلم الله اني من فتره ودي أشارك فيه ولكن لضيق الوقت
كنت أقول المره الثانيه
اما الان هيأ الله سبحانه هذا الدقياق ونسأل الله العظيم أن ينفعنا بما علمنا

المواصفات المطلوبه في الوضح

فيه كلام أصبح مثلا وهو (أذا زان مقدم الوضحا زانت كلها )

كيف اذا شفت لك ناقه وضحا مقدمها طيب لو كان موخرها ردي قالو زينها وبالعكس

أذا شفت ناقه وضحا مقدم ردي ومرخرها طيب قالو رديه

الحين عرفنا أن أكثر اهل الوضح يركزون على المقدم أكثر من الموخر

طيب وأجابه على سؤالك أذا شفت ناقتين وضح متساويات في الزين ولكن

ولكن مقدمها طيب وحده موخرها طيب تاخذ اللي مقدمها طيب بالتأكيد

وفيه أخي الفاضل أشياء في الناقه من الاشياء الاساسيه وفيه أشياء مكملات زين

الاشياء الاسياسيه مثل الراس والرقبه الجردا والطول والجنب والسنام المتوخر والعرقوب العقل والغارب المارج والنحر

الاشياء المكمله مثل ألاذن أو الوبره . الذيل وكذلك ليش أساسي في الزين ان تكون الوضحا دعجا أي صاحبة الخشم الاسود
والذيل الاسود



هذا رايي واذا أصبت فاذا أصبت من الله وأن أخطئت فمن نفسي والشيطان


عبدالله بم مطلق المزحمي

[سلطان الحربي]

الاخ ابو مطلق


الله لايهينك على المشاركة المنتظره


ويعلم الله اني ماكتبة الموضوع إلا علشان يرد عليه مثلك وشروالك من اللي كانوا إبالي


والاعضاء اللي يعرفون المغاتير ويبخصونها


((وبومطلق وابو عبدالرحمن ومشعل اليامي وفهد بن صلبوخ )) ماقصروا وعز الله انهم كفو وفو


وكان ودي راعين المجاهيم يبدون رايهم في سؤالي الاولية في اختيار المجهم


واطلب من (( مشعل اليامي وفهد بن صلبوخ وباقي الاعضاء ))


واطمع منهم يبدون رايهم عن الابل المجاهيم ومن له خبره في المجاهيم في تقييمها

[عبدالرحمن عبدالعزيز]

الاخ سلطان

بعد التحيه
الاخوان ما قصروا وكل عطاك رئيه في الموضوع والاتفاق شبه واحد ان مقدم الناقه اهم من موخرها بس فيه نقطه ودي اضيفها هنا اذا تسمح لي :
اذا كنت تنظر للانتاج فا الفحل له دور كبير في تعديل بعض الصفات الوراثيه بانتاج الناقه يعني ممكن يكون روؤسها وسط ويجي طرحها روس طيبه وهكذا وكله يعتمد على ساس البعير وقدرته على تعديل الصفات وهذي الفحول الطيبه اللي تعمر البل وينحرص عليها ها الايام وهي نادره
وبدون ادناة شك ان الناقه وجه ورقبه فهي تاخذ نصيب الاسد في التقييم اما الياقي فهو من وجهة نظري مهم ولكن ليس بدرجة اهمية المقدم

وتقبل تحياتي

[سلطان الحربي]

الاخ /عبد الرحمن عبد العزيز

اشكرك على المداخله الطيبة وننتظر مشاركاتك القيمة

ومشكوووووووووووووور على مروورك