لاهل الخبرة والتجارب

[بدر العطاوي]

السلام عليكم

يا الربع انا عندي ناقة حايل تسوى شياء واجد والناقه


ماتلقح اضربها ولا ينفع

ابي علاجها الله يرحم والديكم

[عبدالله العفاسي]

اخوي بدر العطاوي الناقه اذا شعاريها سالمه ومحد عابث فيها تلقح باذن الله جيبلها واحد يعرف يدخل ويفتشها لك ويشوف شعاريها وينضفها من الصيد وضربها وانشاءالله تلقح واذا عقب هذا مالقحت جيبلها دكتور يغرف عن حوافضها وعقب يحطلها كبسوله برحمها للتنظيف ويطقها ابره للجسره وعقب ثلاث ايام تضربها وانشاءالله تلقح واذا عقب هاذا كله مالقحت انصحك تبيعها

[محمدالرمزاني]

السلام عليكم شف لك خبير يدس علا الناقه ويحط فيها حبوب الالتهابات وانصحك بحبوب 0الترامسين 8حبات وبعد اربع ايام اضربها ابره يسره استرميت وخلها 10 ايام اذايسرت والا اضربها استرميت مره ثانيه وضربها بعد خمسه ايام مجربها انا شخصيا مع حيل وناجحه والله يوفق

[عبدالله بن فاضل السهلي]

مع كلام اخوي عبدالله

[بدر العطاوي]

يعطيكم العافية

الظاهر ابي ابيعها

[مرزوق العتيبي]

في طريقه والاختيار لك

وسمعت انها نجحت مع واحد من الربع

اول شي سو لها تنظيف من الصيد وطقها ابرة تجسير

وبعدها بثلاث ايام خل الناقه تمشي خمسه كيلو حتى تفحم ثم رجعها للمراح واضربها من الفحل على طول

واذا جربت خبرنا وش صار معك.

[عبدالعزيز الصالحي]

لا لا لا لا ماهو كذا فيه حل أفضل ومجرب ومئخوذ من أهل الخبره حط ملح في حيا الناقه بعد ما يقوم منها الفحل طوالي
وحط معه تمر عشان مايصير حار على الناقه وشكرا

[حاتم العماري]

ادخل على الناقه بزيت زيت زيتون ونظف برفق ثم ادخل عسل صافي وامسح به الرحم
وادخل حبة مضاد حيوي بالرحم وقطع الصيد
احبس الناقه عن الفحل 10 ايام واشبعها ثم فك الفحل عليها
هذه طريقه جربتها وسويتها بنفسي العام الماضي ونجحت ولله الحمد
والله يرزقك