مالك الفحل يطلب المشوره

[متعب الثبيتي]

مساكم الله بالخير جميعا
مالك البعير رفيقي ولا يعرف استخدام النت
ويطلب المشوره بدون مجامله مزاياه وعيوبه
سنه/ثني ....وشاريه حوار من ابل سلطان العضياني

[مشعل الشويش]

اللـه يبـآآآآرك لــه ..


واهمّ شي الأصــل ..!

البعيـر عـادي ,,,

[متعب الثبيتي]

االله يعطيك العافيه اخوي مشعل
راعي البعير يبي يستفيد من الملاحظات اذا امكن ذكرها

[عبدالله بن فاضل السهلي]

يفيدونك اهل المغاتير
ونظرتي له انه متوسط بصفه عامه
اذنه رديه بالنسبه لكم يااهل المغاتير
وراسه وخشمه فوق المتوسط
ورقبته زينه وكايفه
وظهره من المتوسط او دون شوي ومثله غاربه
وعرقوبه ردي
وأن أصبت فمن الله وان اخطأت فمن نفسي

[متعب الثبيتي]

مشكور اخوي عبدالله
والله ودنا اهل المغاتير اصحاب الخبره يفيدونا
لكن الظاهر انهم عند اباعرهم فالبر الله يبارك لهم
في حلالهم وعند عودتهم سالمين بإذن الله نرجو الادلاء
بآرائهم ونظرتهم لأن صاحب الفحل ينتظر انتاجه خلال الشهرين
القادمين علىنياق عنده ويبي يتخذ قرار بعد الانتاج ومشورتكم
المفيده ستوضح كثير من النقاط في هذا المجال لتصل الفائده وتبلغ المقاصد وتسلمون

[عبدالعزيز الصالحي]

البعير عادي جدا رقبته هي الزينه ضهره ردي وعرقوبه كذلك البعير لازم يجي معرقب هاذي نضرتي ان اصبت فمن الله وان اخطأت فمن نفسي وسامحوني على القصور

[عبدالعزيز الصالحي]

الدعوه وانا اخوك في الاصل ان كانت امه وخواته طيبات لا يفك البعير لين يحكم على انتاجه

[بدر بن فارس العتيبي]

يا الثبيتي

أهم شيء قبل النظر أمهات البعير خواته ابوه أمه

كانها طيبه البعير يتله عرق الأصل ويطلع إنتاجه ويطلعه

وإن كانها دون شوي لا يهمك لو نظرته زينه

بالنسبة للبعير من رأيي الشخصي

سيف الحي زين الغارب زين الرقبه لا باس

البعير له عيز وعرقوبه أركز ما هو هزع

وما اقول إلا الله يطرح لك فيه البركة

[جدعان الجدعان]

السلام عليكم ورحمة الله
اخوي من ناحت الراس بشكل عام متوسط وغاربه زين ورقبته زينه ونضير بنائن على الصوره وعرقوبه عادي
واهم شي الساس والله يطرح في البركه
وتقبل تحياتي

[عبدالعزيز العصيمي]

البعير كل شي فيه طيب الا 3 الاذن والعيز والعرقوب

ولا غيره البعير طيب واذا اصله طيب لا يهد البعير

وجهت نظر واتمنى اها مقبوله

[فيصل عبدالله العتيبي]

الله يطرح البركه