شرايكم ياهل البل

[عبدالله العفاسي]

السلام عليكم ورحمه الله وبركاته هذي اول مشاركه لي في هذا المنتدي فيه ناقه شريتها عشان لقاحها لقحه علا بعير طيب والناقه فيها طقوق جرب بيديها وغسلتها بجره ولا راح واخاف اعطيها ابره تضرها واخاف اخليها لين تلد وتروح ابيعري جرب وشرايكم يهل البل

[غازي العتيبي]

وعليكم السلام ورحمة الله

حطلها في حوض الما نص كاسة جارة واخلط معه كيس شوار خله يصير رويبة مع البل كلها وانشالله ما يضرها

[عايد الهاجري]

وعليكم السلام ورحمه الله وبركاته

اخوي عبدالله انا جربت ابرة الجرب اللي هي السوبر الامريكيه في القحه وما ظرها بشي

انشد الدكتور قبل كل شي لان فيه ابر خاصه للقاح

تقبل مروري

[فهيد الشريف]

افادوك الاخوان والجارره طيبه

[محمد ابو عدوة]

مرحبا يالعفاسي الدعوه سهلات اغسل الناقة بسم [الجاره] واضربها بالابرة البرزيلية٢٠سم في اللحم وخلها مع البل .

[جدعان الجدعان]

السلام عليكم ورحمة الله وبركاته
دام الناقه القحه ماعليها باذن الله عليك بالسوبر اوفميك والابر ماتضر الا المعشر اما الالقحه ماعليها انشاء الله
وتقبل تحياتي

[سلطان اللويحق المطيري]

مع الاخوان

[مبارك العبدلي]

يا العفاسي

اللي ضربت من ابلي قبل 4 شهور 8 لقحات

ضربتهن على جرعتين كل جرعه 15 سيسي وبين كل جرعه وجرعه 10 ايام من الابرة البرازيليه اللي كانت فرنسيه علبتها زرقا

ومن فضل ربي ما ضرت بشي وانا قبل اضرب البل سالت عنها دكاتره وناس استخدموها وقالوا ما تضر

وانا ااكد لك انها ما تضر باذن الله

واما الجرة وزيت المحروق والله ان مفعولها ما هو باللي في الخاطر وبعض الجرب ما ينفع معه

لاكن هذي من بعد الابرة الثانيه وانت تلاحظ التغير الجرب راح ولن الوبة صار فيه مثل اللمعه وزانت الوبرة

[بدر بن فارس العتيبي]

موضوعك هذا لو كان في منتدى عيادة مزاين البيطرية كان أفضل

وعلى العموم ابرة الجرب بإذن الله ما تضر اللقحة

وأسأل الطبيب البيطري حتى تكون مطمئن

[عبدالله العفاسي]

اشكر جميع الاخوان الذين ابدو ارائهم حول الموضوع وماقصرتم كفيتم ووفيتم والله يجزاكم خير الجزاء

[طلال الروقي]

تم النقل للقسم المختص ..