سبب ارتفاع سنمات الحيران

[عادل العازمي]

السلام عليكم
نشاهد بعض الحيران حالها زين وسنماتها مرتفعه بالحيل خصوصا لاصارت مفاريد
والبعض الاخر حاله ردي ولا اعلم السبب
مع ان كلا الطرفين يعلفون ويكرمون
ماهوالحل ؟؟؟؟؟؟؟

[سلطان اللويحق المطيري]

على حسب حليب امها اذا كتن دسم يجي ولدها مرتفع و اذا كانت رديه العكس تماما

[عبدالله بن فاضل السهلي]

مع اخوي سلطان

[خالد الشيباني]

وعليكم السلام

في طريقه تخليها سمينه صح بس خطره لازم تدريجآآ

انك تحط التمر مع الماء وتخليها تشرب موية التمر

[جاسم الزوبعي]

وعليك السلام ورحمة الله بركاته

أخوي عادل ولا يهونون الإخوان أنا أقول لها أكثر من سبب منها التغذيه ومنها إنتاج الفحول بعضها يجي حوارها يشيل الظهر وبعضها تجي ظهرها دون-----------------------------

[نواف الحربي]

اكثرها تشيل السنام على سن لقية اذا اكرمتها

[حمدان فهد البقمي]

مع كلام اخوي سلطان الحليب له دور كبيره في تغذية الحوار ولا يهم كثره من قلته اذا كان الحليب حلو يسمن الحوار عليه واذا كان حليبها ردي مايسمن

[عادل العازمي]

الله لايهينكم على المرور والافادة

[عادل العازمي]

وعليكم السلام

في طريقه تخليها سمينه صح بس خطره لازم تدريجآآ

انك تحط التمر مع الماء وتخليها تشرب موية التمر

بيض الله وجهك بس ويس سبب الخطوره

[خالد الشيباني]

بيض الله وجهك بس ويس سبب الخطوره

وجهك ابيض

موية التمر تعد وجبه

والخطر هو في البدايه اذا كثر عليها يسبب التباك مع الشعير

[طراد المطيري]

الإخوان ذكرو جزاهم الله خير إن الحليب هو المهم وانا معاهم والدليل الحاشي لاكانت امه تحلب ولايخلي لها شئ تجيك ضعيفه ولاتشيل سنام والحاشي اللي أمه ماتحلب أو تحلب قليل تجيك مليانه ظهراء وانا جربت الشئ هذا بكرتين الحين مفاريد أم وحده منهن كانت عاصيه ولا نقدر نحلبها وخلينا حليبها لحوارتها ويوم فردناها وإن عليها سنام ماودك العدو يشوفه والبكره الثانيه اللي كنا نحلب أمها ولانخلي لها شئ ماشالت من السنام والشحم شئ جاتك ضعيفه وللمعلوميه احذر اهل الإبل الحوار إذا ماغذي زين من بدايه عمره ماعاد ينفع فيه العلف لأن الشئ من بدايته لازم يكون صحيح وهو بالإكرام وتقبلو مروري ورأيي المتواضع

[سلطان بن حميد]

مثل ماقال الاخ سلطان
على حسب حليب امها اذا كتن دسم يجي ولدها مرتفع و اذا كانت رديه العكس تماما

[عايض المشعلي]

اولاَ بالنسبه للحليب من الخطأ حلب الناقه بالكامل احلب شق وخل شق للحوار
ثانياً عليك بالوافي تراه طيب للحشو
أخيراً بعض الحشو( أعر) ما يظهرله سنام حتي لو خليتله حليب امه بالكامل

[عادل العازمي]

الإخوان ذكرو جزاهم الله خير إن الحليب هو المهم وانا معاهم والدليل الحاشي لاكانت امه تحلب ولايخلي لها شئ تجيك ضعيفه ولاتشيل سنام والحاشي اللي أمه ماتحلب أو تحلب قليل تجيك مليانه ظهراء وانا جربت الشئ هذا بكرتين الحين مفاريد أم وحده منهن كانت عاصيه ولا نقدر نحلبها وخلينا حليبها لحوارتها ويوم فردناها وإن عليها سنام ماودك العدو يشوفه والبكره الثانيه اللي كنا نحلب أمها ولانخلي لها شئ ماشالت من السنام والشحم شئ جاتك ضعيفه وللمعلوميه احذر اهل الإبل الحوار إذا ماغذي زين من بدايه عمره ماعاد ينفع فيه العلف لأن الشئ من بدايته لازم يكون صحيح وهو بالإكرام وتقبلو مروري ورأيي المتواضع

مثل ماقال الاخ سلطان
على حسب حليب امها اذا كتن دسم يجي ولدها مرتفع و اذا كانت رديه العكس تماما

اولاَ بالنسبه للحليب من الخطأ حلب الناقه بالكامل احلب شق وخل شق للحوار
ثانياً عليك بالوافي تراه طيب للحشو
أخيراً بعض الحشو( أعر) ما يظهرله سنام حتي لو خليتله حليب امه بالكامل

وفيتو وكفيتو الله لايهينكم

[محمدبن رشيد الحنتوشي]

كل كلام الإخوان طيب بس إنهم نسوا شي مهم
إنك تفتش الحيران من الخمله لأنها اكبر سبب في ضعف الحال حيث أن حوار الخمله مايسمن ويمكن ان يهلك
لذلك تأكد منها
(وتقبل مروري)

[عادل العازمي]

كل كلام الإخوان طيب بس إنهم نسوا شي مهم
إنك تفتش الحيران من الخمله لأنها اكبر سبب في ضعف الحال حيث أن حوار الخمله مايسمن ويمكن ان يهلك
لذلك تأكد منها
(وتقبل مروري)

لاهنت على المرور والتوجيه
بس ما المقصود بالخمله

[محمدبن رشيد الحنتوشي]

الخمله هي الحلم الصغير وينبت وسط الوبره وما ينشاف لين تفتش عنه واكثر ما يتمركز في جنوبها
وعلاجه بسيط حيث يغسل بالجاره
وسلامتك

[عبدالله الجدعان العنزي]

بيض الله وجيهكم جميع ماقصرتوا علومكم كلها سمينه

[عادل العازمي]

الخمله هي الحلم الصغير وينبت وسط الوبره وما ينشاف لين تفتش عنه واكثر ما يتمركز في جنوبها
وعلاجه بسيط حيث يغسل بالجاره
وسلامتك

بيض الله وجهك ولاهنت

[راشد بن جعفر الهاجري]

معا اخوي سلطان