يا اخوان عندي بكره ضامر وتاكل من غير شهوه

[فايز فالح بن سعيد]

السلام عليكم
يا اخوان انا بحاجه لمساعدتكم انا عندى بكره ماتكل وضامر

للعلم قبل ثلاث اسابيع مابه شي ولاكن تذل من البل يقرطون بها

واللحين ماتاكل واذا كلت من غير شهوه وضمرت وصارت ضيفه ولا ادري وش بلاها

اللي يعرف الله يجزاه خير يعلمني شنو دواها "ويش اسم المرض ذا

[محمد ابو عدوة]

اعزل البكرة وكثر الطعام وعطها حبوب دود وابرة هيام وابرة برازيلية بمقدار عمرها.وهل البكرة اعزكم الله ذارق!!.

[فيصل بن مرخان]

اعزل البكرة وكثر الطعام وعطها حبوب دود وابرة هيام وابرة برازيلية بمقدار عمرها.وهل البكرة اعزكم الله ذارق!!.

مع اخوي لان البل الوالفه على بعضها ما تخليها تاكل لانها ماهي منها ولا زم تعزل بعض البل الي تتدخلها على ابلك فتره يومين او ثلاث لين البل تتعود

[ياسر الدوسري]

ارحب

شف بعرتها (دمنها) اذا كانت طوال
واروح جارتها اذا كان ريحها شين
فالبكره فيها شوكه والشوكه يعني مرض في الكلا ولا ينفع معها اي علاج

لازم تكويها من جنوبها بالمشط وتاخذ غره من البيطري تنظف العفن الي فيها

والا بتموت واسأل مجرب


تحياتي

[محمدالرمزاني]

السلام عليكم ورحمه الله وبركاته وسم البكره علا سرتها حلقه البكره مفضوخه والله يشفيها

[محمد بن عبدالرحمن]

اررررحب
البكره ماتأكل بسبب الابل الي تقرط بها انا عندي نفس الحاله بكره ضعفت لهذا السبب وهي سليمه
وش راي الاخوه اهل الخبره