المساعد الشخصي الرقمي

مشاهدة النسخة كاملة : حيا الناقه مقفل

عبدالعزيز المغازي
03 / 09 / 2009, 46 : 02 AM
السلام عليكم
يا اخوان انا بحاجه لمساعدتكم انا عندى بكره من اجذعت وجينا نضربها من البعير
وهى فيها يسره ولين حدينها على البعير هجت وبركناها للبعير ولين برك عليها البعير شوى قام
وتركها وفتشنا الناقه ولقينا فتحه الحافضه صغيره جدا لايدخل مقلم البعير اضافه الا انها تتحرك من تحت
البعير . وسالت مستشفى الحسا بالتلفون وقالوا ما لها حل لان الرحم مائل 0 وجبت لها رشيدى وقال انه ماقدر يدخل
اصبعه الصغير 0 فارجو من عنده حل لمثل هذه الحاله ان يساعدنا والله يجزاكم خير ويوفقكم
عبدالعزيز الصالحي
03 / 09 / 2009, 01 : 03 AM
قد يكون بالناقه عيب خلقي لكن افضل انك تذهب إلى المستشفى
عبدالعزيز المغازي
03 / 09 / 2009, 18 : 04 AM
مشكور اخوى عبدالعزيز على المرور قصدك مستشفى الاحساء
ولا فيه واحد غيره تنصح فيه
خالد سيف السيف
03 / 09 / 2009, 44 : 05 AM
أسئل الله العظيم رب العرش الكريم أن يشفيها أو يعوضكم بأخير منها
وافي بن جابر آل نشيرا
03 / 09 / 2009, 32 : 07 AM
انصحك مستشفى الحسا
نايف الحميداني
03 / 09 / 2009, 44 : 07 AM
الله يشفيها ودها لاقرب مشفى

مالها الا عمليه
عبدالعزيز المغازي
03 / 09 / 2009, 10 : 02 PM
الاخوان/ خالد السيف
وافى المرى
نايف الحميدانى
اشكركم على المرور وجزاكم الله خير
محمدالرمزاني
03 / 09 / 2009, 17 : 02 PM
السلام عليكم الناقه هذي يسمونها ارنيه فيها عيب خلقي والي مثلها مالها حل والله يرزقك اخير منها
عبدالعزيز المغازي
03 / 09 / 2009, 27 : 02 PM
السلام عليكم الناقه هذي يسمونها ارنيه فيها عيب خلقي والي مثلها مالها حل والله يرزقك اخير منها

اشكرك على المرور وجزاك الله خير
فارس القصاب
03 / 09 / 2009, 04 : 07 PM
ناقتك ان شاءالله مابها الا العافية ولاتستعجل على البيع او العملية ، كان عندي جذعة بدت عليها كل الاعراض التي ذكرتها ، وكثروا العرب علينا الاشوار والهروج ، واخيرا جاها سوداني ايطيبها وجسها ولا دخل من يده الا روس اصابعه وقال ان حلق رحمها متقاربة ولا تسمح لعسوب البعير يدخل ولا زم تقلب ، ثم احضر صابون سايل فيري بعد مابركها وعقلها وفقر لها ، وطلى يده بالصابون وادخل عليها لين فضها ، عندها دخلت يده في رحمها الى نصف الذراع ، وظهر منها دم وقام بتنضيفها من داخل ، وعقبها خبب لها بعود اطول من الشبر في راسه صرة ملح ، سهجها به وربط طرفه الخارجي بذيلها يوم كامل ، ويوم يسر ت لقيناها الفحل ولقحت نحمد الله وننتظر مناحها قريب ، انت دور لك رجال يبخص ويتطبب فيها كود الله يكتب العافية على يده0
فيصل بن مرخان
04 / 09 / 2009, 48 : 03 AM
يوجد ابر لتوسيع المدخل الرحم
وجبلك دكتور فاهم وان شاء الله تسلم
عبدالعزيز المغازي
04 / 09 / 2009, 12 : 05 AM
الاخ فارس والاخ فيصل اشكركم على المرور
وجزاكم الله على هل العلوم الى سرتنى وارجوكم
اذا تعرفون احدخبير دلونى عليه الله يبارك لكم فى ابناءكم و حلالكم ومالكم وجميع المسلمين
ورقم جوالى 0550511414
أحمد العوني
05 / 09 / 2009, 45 : 09 AM
أخوي فارس ممكن رقم السوداني وين محله محتاجة ضروري