الناقه اللي طايحه وجاها ورم في رقبتها وش علاجها الله يجزاكم خير [الأرشيف]

مشاهدة النسخة كاملة : الناقه اللي طايحه وجاها ورم في رقبتها وش علاجها الله يجزاكم خير

فهيد ابن وران

01 / 09 / 2009, 05 : 06 AM

السلام عليكم ورحمته وبركاته علومي سلامتكم يالربع أنا عندي ناقه طاحت على واحد من حياض العلف الحديد ونشبت فيه وخذتلها فتره قرابه الثلاث ساعات ولاعندها إلا اهل البل ولاقدرولها وبعدين عانا الله على اضهارها من الحوض ويوم قامت منه منسدحه على جنبها وبعدين عدلناها وبركت وخذت وقت وعقبن قامت ويوم قامت لافتن رقبتها يمين مره وفيها ورمين في رقبتها واحد من جهة اليمين والثاني من جهة اليسار وخفت لايكون جا الناقه كسر في رقبتها وجاها دكتور بيطري وشافها وقال هذا ماهوب كسر قال هذا يسمونه إنحياز في فقرات الرقبه وعطاها ابره في الوريد وابره ثانيه في الخويرم ومرهم في مكان الورم وقال استمروا علي العلاج لين يخلص.وانا طولت عليكم واللحين اللي عنده خلفيه على الطريقه ذي لايبخل علينا الله يجزاكم خير يالربع والله لايهينكم جميعا وتقبلوا تحيااتي..

فيصل بن ناصر النصار

01 / 09 / 2009, 25 : 05 PM

ربي يشفيها ويطرح فيها البركة

يفيدونك الاخوان ان شاء الله

فهيد ابن وران

01 / 09 / 2009, 10 : 08 PM

الله يرحم والديك والله لايهينك يافيصل ومشكور على المرور

فهيد ابن وران

01 / 09 / 2009, 15 : 08 PM

السلام عليكم يا اخوان الناقه توهنت ما عاد تقوم والناقه الله اعلم فيها رقب في رقبتها وله كي واللي يعرف كيه يعلمنا الله يرحم والديكم ضروري جدآ ..

فهيد ابن وران

02 / 09 / 2009, 21 : 02 AM

الاخوه المشرفين الرجاء الرفع

فهد ال زبدان

02 / 09 / 2009, 53 : 05 AM

الله يشافي ناقتك
ويفيدونك الاخوان

ياسر الدوسري

02 / 09 / 2009, 36 : 06 AM

فهيد ابن وران

02 / 09 / 2009, 54 : 12 PM

الله يشافي ناقتك
ويفيدونك الاخوان

مشكور على مرورك والله لايهينك

فهيد ابن وران

02 / 09 / 2009, 57 : 12 PM

هلا يا فهيد

ما ادي وشلون طاحت الناقه ولا شفت ورمها

لــكــــــــــــــــــــــن

عندي طريقه مجربه يمكن تنفعك

انا عندي قعود رقبته معوجه يعني تقول مكسوره وجابره غلط
وسويته ثلاث مطارق مع الرقبه على اليمين وعلى اليسار وبين المطرق والثاني شبر وشوي
والمطرق يكون طوله شبر
وبعد الكوي مالت زياده وبعد اسبوع انطلقت
وعندي ناقه سناد وصارت عنجا ولا تطول العشب براسها لازم ترفع لها المعلف وكويتها ورجعت احسن من اول
لكن الكوي يشوه الناقه

سم بالله واكو

ارحم الله والديك ياياسر والله لايهينك ويبارك لك في حلالك
والناقه حاطينها في شبك ومعها ثلاث مطايا وفيه حوض علف حديد العادي ويقول اللي جاها الصبح عينها ناشبه في الحوض حاول يركدها وماقدر لها وخذت حول ساعه وعدلوها ويوم طلعناها قامت ورقبتها مايله يمين ويسار.واحد من الشيبان يقول ان فيها رقب ولازم كوي وكان بنكويها اليوم وماتت البارحه والحمد لله على كل حال وماقصرت ياياسر .

خالد سيف السيف

03 / 09 / 2009, 02 : 06 AM

قل هذا الدعاء :

" إنا لله وإنا إليه راجعون ، اللهم أجرني في مصيبتي و أخلف لي خيراً منها ".

الله يخلف عليك بأخير منها إن شاء الله

فهيد ابن وران

03 / 09 / 2009, 40 : 03 PM

قل هذا الدعاء :

" إنا لله وإنا إليه راجعون ، اللهم أجرني في مصيبتي و أخلف لي خيراً منها ".

الله يخلف عليك بأخير منها إن شاء الله

الله يجزاك خير ويرحم والديك ياخالد على الدعاء والمرور الطيب اللي مايجي الا من طيب

طلال الروقي

03 / 09 / 2009, 14 : 04 PM

عساك ماترى باس في حلالك

فهيد ابن وران

03 / 09 / 2009, 16 : 10 PM

عساك ماترى باس في حلالك

ولاتواجه والله لايهينك على المرور

علي بن عبدالله ال فاضل

04 / 09 / 2009, 40 : 01 AM

فدت غيرها احب منها والحلال يفدى هله

الله يعوض بخير

فهيد ابن وران

04 / 09 / 2009, 20 : 02 AM

فدت غيرها احب منها والحلال يفدى هله

الله يعوض بخير

الله يرحم والديك ياعلي والناقه فاديه اماتها ولاهنت على المرور

محمد ابو عدوة

04 / 09 / 2009, 11 : 08 AM

الله يعوض بخير منها .

جاسم الزوبعي

05 / 09 / 2009, 52 : 03 AM

الله يعطيكم العافيه الجميع
أخوي فهيد -----------
الله يعوض عليك تفدى أهلها ----------------

فهيد ابن وران

05 / 09 / 2009, 31 : 04 PM

الله يعوض بخير منها .

الله يرحم والديك وياليت ترفع الموضوع ياأخ محمد لو تكرمت

فهيد ابن وران

05 / 09 / 2009, 33 : 04 PM

الله يعطيكم العافيه الجميع
أخوي فهيد -----------
الله يعوض عليك تفدى أهلها ----------------

الله يجزاك خير والحلال يفدى اهله اخوي جاسم ولاهنت المرور

فرحان البهدل

05 / 09 / 2009, 37 : 07 PM

الحلال يفدى اهله ياخوي فهيد .. الله يعوضك ويخلف عليك بخير منها ...

فهد بن صلبوخ

06 / 09 / 2009, 54 : 04 AM

الله يخلف عليك بأخير منها إن شاء الله