وش الحل بالناقه

[حمود العتيبي]

بسم الله الرحمن الرحيم
السلام عليكم ورحمة الله وبركاته
اخواني الاعزاء مبرووك عليكم شهر رمضان المبارك اخواني عندي ناقه طاحت ايديها الثنتين داخل حديد نفق للمياه عباره والمسمي بفخ الابل وتسبب بجروح عميقه واحد اليد اليمن من فوق الركبه مايقارب شبر بالطول نشوف العضم واضح واثنين بايد اليسرى واحد الساق وبسيط والثاني علا عصبة العضيده من الخلف وهو قوي وحاولت خياطة الجروح ولاكن البيطري رفض يقول الي مر عليها يوم ماتنخاط وهي اخذت يوم عالقه بالحديدوالناقه سالمه الكسور ولها سبعه ايام باركه ماتقوم واكلها زين وخاطرها زين بس جروحها قويه بالحيل

ارجو من الاخوه الكرام من لديه الخبره او علاج شعبي للجروح او اي بصيره ان لايبخل علينا برايه
وجزاكم الله خير

[فيصل بن مرخان]

الاخ حمود شف لك دكتور غيره
او انقلها لاقرب مستشفى بيطري

[لاحق فهد العتيبي]

انقلها لاقرب مستشفى بيطري في الاحساء

[فلاح الصعبي]

الله يشفيه يارب

[وافي بن جابر آل نشيرا]

الله يفرحك بسلامتها

[طلال الروقي]

اخووووي حمود أصبخ على الجروح عويدي والا حلبه ..

والله يجعلك ماترى باس في حلالك

[عبدالله بن فاضل السهلي]

أهم شي تهتم لنظافة الجرح لا يزود اللي فيها لأنك اذا اهملتها بتكبر المشكله
الجروح تطيب من نفسها بس مثل ماقلت لك لازم تطهرها بشكل مستمر
والناقه اذا طولت في البروك خطر عليها <<<< لازم تنتبه لهالشي
هذا اللي عندي
والله يفرحك بسلامتها

[نواف الرافد]

الله يشفيه

[راشد المطيوعي]

الاخ حمود شف لك دكتور غيره
او انقلها لاقرب مستشفى بيطري

مع الاخ فيصل


والله يشفيها

[عايد الهاجري]

الحمدالله على كل شي

بس اخوي انتبه للجرح من الالتهاباتــ وحاول انكـــ تطهرها بديتول

وهي بتشفى بئذن الله

وحاول انكـــ تحطــــ جره خفيفه كل بعد ثلاثة ايام خفيفه لان الجرح يمكن يدووود

والجره بتذبح الجراثيم والديدان وحاول انكــــ ماتخلي الناقه باركه على طول قلبها على جنبها كل بين فتره وفتره

والله يشفيها

تقبل اقتراحي المتواضع

اخوكــــــــ

عايد

[فيصل بن ناصر النصار]

الله يشفيها ويبارك فيها

[عناد العتيبي]

السلام عليكم ورحمة اللة وبركاتة

اخوي حمود ابشر بعلاج ناقتك وشافي اللة

رح للحواج وخذ منة قشر رمان ومره وخوا جوه

وطحنهم كلهم بنجر لين يصيرون ناعمين وشخلهم بلمشخال

وحط الخلطه على مكان الجرح وربط الجرح بخرقه

مده ثلاث ايام ورد حط ثاني مره وربط الجرح وخلك مواضب على الطريقة لين يسكر الجرح

وعلى ماقالو مجربة وحده بوحده

[حمود العتيبي]

اخواني الكرام الله يرحم والديكم جميعا ويجزاكم خير ويعينا وياكم شاكر ومقدر لكل ردودكم
اخوي عناد
الجرح عميق واصل العضم وطوله شبر املاه من جوه عشي ولا احط شوي
الله يجزاك خير

[عناد العتيبي]

اطحن قشر الرمان وطحن المره وطحن خو جو وشخلهم ومل الجرح وربطه مدت ثلاث ايام

وحط الخلطة مره ثانية واضب عليه كل ثلاث ايام حط وربط لين يجبر الجرح ويتسكر

[قاسم الحويمضي]

الله يشفي ناقتك ويباركلك فيه

لاكن كما نبهم الاخواان انتبه عليهاا من الدود بيديهاا والتعفن


وابشرك انها بطيب ان شاء الله لاكن يبيلهاا عنايه شوي

[ظافر ال حويدر]

الشباب كفو جزاهم الله خير
اخذ بكلامهم وطهر الجرح عشان مايلتهب

[فهد الشايع]

السلا عليكم الاخ العزيزعليك بوضع مسمارمعاشوي ملح مع مرة مع حلتيتة وتقوم بطحنة ووضعة علا الجرح بس قبل وضع البخاخ الازرق ثم وضع الخلطة ولبخاخ ثلاث مرات بليوم ماتشوف الا العافية

[عيدالمنصورى]

negasunt powder هذه البودره تمنع التهاب الجروح ترش الجرح بالبخاخ وتحط عليه البودره
واعط الناقه ابرة dexaphenylarthrite لمنع الالتهاب كل ثلاث ايام مره باللحم