ضمار في ابلي الي يعرف العلاج لا يبخل علينا

[نايف الحميداني]

السلام عليكم ورحمة الله وبركاته


اخواني صار ضمار في ناقه عندي وعطيتها طويل المفعووول وابرة جرب والناقه نزل حالها

والحين صار في ثلاث طبعا البل عشاير وشملتهن ابيهن يغرزن وعطيتهن علاج الديدان الشراب

ويالربع ماادري وش هالمرض الله يكفيكم شره

وياليت تفيدووني

[مبارك المري]

هذا مرض يصيب الخلفات والسبب الرئيسي هو الديدان

واللي تعمل على امتصاص العناصر المهمة بالاضافة الى ماتفقده الناقة من انتاج الحليب

انصحك انك نهتم بتغذيتها وتعطيها ابرة الجرب بالاضافة لابرة الهيام مع اعطاءها فيتامينات وهي عبارة عن بودرة

تعطى مع اللقام

[بدر بن فارس العتيبي]

يمكن أبلك كبيرة في السن وتسرح مع البل مسافات بعيده والأرض يمكن نفود وحاره شوي

أنصحك بعد العلاج اللي سويته أنك تحجرهن وتكرمهن خاصه بالمكعب والبرسيم

وراح تشوف خلال عشرين يوم تغير فيها بإذن الله تعالى

وعسى الله يعافي حلالك وحلال المسلمين اجمعين

[فيصل بن مرخان]

ازيد على ماقالوا الاخوان
ممكن غيرت الماء من حالي لهماج او غيرت الطعام
في وقت الصيف تعف اكثر البل لانه متعب وتستهلك طاقه كثيره
وان شاء الله ان ابلك تعود على ماكانت عليه

[وافي بن جابر آل نشيرا]

هذي مرضها القيظ ودواها الشتا والربيع الله يغيث المسلمين

[عبدالله سعد العتيبي]

الاخوان كفو وفوا
بس جرب النسكافه الوسط في مويه نص جردل ابو ثلاث ريال
صارت عندي وعند جاري
تستخدمه اذا كانت التاقه اكلها قليل يعني ماتشتهي الاكل
عطها مثل اليوم وبكره وان شاء ماتشوف الا العافيه

[نواف بن جندل العازمي]

مع بدر بن فارس

و وافي المري

وعليك بالشعير نقعه لهن بس ساعه

وانشاء الله تتحسن اباعرك

[محمدالرمزاني]

السلام عليكم صك عليهن واشبعهن ملبن ورودس وبيتعافن انشالله

[خالد بن سعد اليحيى]

انصحك كل يوم نصف حبه من فص الثوم تلقيم بفم الناقه وان شاء الله تتغير عليك حالهن مع البرسم والمكعب

[نايف الحميداني]

الله يجزاكم خير يالربع

بس يالربع البل ماتسرح على وايتها ومكرمها من العلف واعطيتها شراب الديدان والضمار مازال موجود

ولااادري وش هالمرض وعسى الله يستر

[جاسم الزوبعي]

مرحبا يانايف ولا يهونون الإخوان

إذا البل تاكل الدمن لازم ترد عليها الأدوية اللي عطيتها بعدعشر أيام و إحرص علىالأبر اللي تجي بالحم وأزيدعلى الإخوان نص لتر لبن كل ناقه الصبح قبل أكلهن على الريج وهذا مجربه على نياق عندي نفس إنياقك عساهن يسلمن إنشالله --------------

[نايف الحميداني]

بارك الله فيكم يالاخوان واقرب مافي اباعري هي الديدان

والحمدلله الحين اشوى من قبل البل خواطرها طيبه ولو انك تلاحظهن ظمر بس ماهو مثل اول

والحمدلله على كل حال وبيض الله وجيهكم والله مغير بابر الهيام وابر الجرب

[بدر بن فارس العتيبي]

والله أني ودي أنك تغير المراح

وكان تبي فزعه على الشديد أبشر

بس تكفى غير المراح لاني لاحظت من كلامك البل ما هي مستانسه

[نايف الحميداني]

يامرحبا يابوو فارس والله لايهينك وعزالله انك راعي اباعر والله انها مغصووبه على المكان الي هي فيه

بس ماعليك الجو برد والعيد الثاني وانا مصبحها وتبشر بالارض الي تنومسها

ودمتم بخير

[سويلم طريخم الرشيدي]

الملح في علبة بيبسي العا يليه حط ربع في العلبه ملح عا دي امل العلبه ما خض الملح جيدا صبه في حلق انا قه يقتل الديدا ن بتشرب وبتا كل وبطيب انشا الله تحيا تي

[سلطان بن معيوف]

الله يعطيكم العاااافيه على المعلومااااااااااااات المفيده

[طلال بن عقاب]

جيب بطل ماء صحة كبير وحط فيه مرة مطحونه وشرب الناقه الماء كلة وراح اتشوف تحسن لان المرة مضاد حيوي طبيعي جيد والله التوفيق