مسمار في يد بعيري ماالعمل يالربع

[زاهر العرجاني]

بسم الله الرحمن الرحيم

السلام عليكم ورحمة الله وبركاته

عندي قعود ظربه مسمار في خف يده وجلس له اربع ايام واللي عنده يفكروون انه ماكله افعى

لكن القعود انتفخت يده الى الركبه وسات حالته ويوم اني جيته عقلته وشفت يده لقيت فيها مسمار وطلعته منها

وغسلتها بما فيه ملح لكن ودي اعرف ممن لديه خبره هل فيه علاج لازم اني اعطيه اياه ولا اخليه على وضعه ولاعليه خطر

اشكر لكم تعاونكم مسبقاً

[فيصل بن مرخان]

ارحب يا زاهر يحتاج لعنايه فائقه
يحتاج الى تعقيم الجرح وانصحك بل مرة

ويحتاج الى ابر للتسمم
والى مضادات حيويه
وانصح ان يرتبها لك بيطري وفي اقرب وقت

[نواف الرافد]

مع الاخ فيصل

[عناد العتيبي]

اول حاجة اضربة ابره تسمم ومضاد حيوي

واغسل الجرح بديتول عشان يتعقم

ثم اغسل الجرح بمره (نقعها مع ماء)

اللة يشفية

[زاهر العرجاني]

ارحب يا زاهر يحتاج لعنايه فائقه
يحتاج الى تعقيم الجرح وانصحك بل مرة

ويحتاج الى ابر للتسمم
والى مضادات حيويه
وانصح ان يرتبها لك بيطري وفي اقرب وقت.

الاخ فيصل جزاك الله خير وبيض الله وجهك المره عطيته اياها لكن الابره ان شاالله اني اجيبها له اليوم

مع الاخ فيصل

لاهنت ياخ نواف والله يرحم والديك

اول حاجة اضربة ابره تسمم ومضاد حيوي

واغسل الجرح بديتول عشان يتعقم

ثم اغسل الجرح بمره (نقعها مع ماء)

اللة يشفية


الاخ عناد بيض الله وجهك والله لايهينك وان شاالله راح نعطيه الابره اليوم لانه لازالت يده متعبته وفيها انتفاخ

[عيدالمنصورى]

ماقصروا الربع وانا مع فيصل

[زاهر العرجاني]

ماقصروا الربع وانا مع فيصل

لاهنت يابو احمد بيض الله وجهك

[محمد مطير العنزي]

جعلة مايشوف شر والله يكتب لة الشفاء باسرع وقت والاخوان جزاهم الله خير ماقصروا

[وافي بن جابر آل نشيرا]

الله يعافيه ماقصروا الربع

[سالم بن نويمي]

الله يشفيه ويشفي حلال المسلمين اجمعين امين امين امين

[شجاع عمر الأكلبي]

أعبس على خفه يامال الغنيمة وحدة بوحدة

تعرف تعبس ولا أقولك

أخذ من وزر أمهاته وأجعله في قدر وحركه على النار لين يحما وحطه تحت خفه وأربطه عليه لين يبرد نص ساعة تقريبا وهو بمثابة المعقم والعلاج في نفس الوقت يمتص الورم ويعقم مكان المسمار وقلي وش حصل معك

أفعل ولا تتردد

[راشد العرق]

كان حولك( خوّا جوّا )افزع له بها

واذا ما تعرفها انشد الشيبان ويسنعونك

اخبر الشيبان يستخدمونها دايم لجروح البل بجميع انواعها يقولون انها تنضف الجرح من داخل وتطلع اللي فيه من الوعي وماشابه

[محمدالمشعان]

الاخ زاهر الله يشفى قعودك ويبارك فيه العام الماضي عندي بكره كان في يدها مسمار واخرجته منها وغسلت مكانه بمطهر ديتول وماء وملح مرتين يوميا لمدة ثلاث ايام واعطيتها ابر تسمم والحمد لله مع اماتها وبخير

[بندر بن معيض المطيري]

جعلة مايشوف شر والله يكتب لة الشفاء باسرع وقت والاخوان جزاهم الله خير ماقصروا

[عبدالعزيزالشتوي التميمي]

الله يشفيه

بيض الله وجه من سأل وجاوب

[زاهر العرجاني]

جعلة مايشوف شر والله يكتب لة الشفاء باسرع وقت والاخوان جزاهم الله خير ماقصروا

مرحبا يابو مطير الله لايهينك على وفعلاً الربع كلهم ماقصروا

الله يعافيه ماقصروا الربع

مرحبا ياوافي الله يعطيك العافيه

الله يشفيه ويشفي حلال المسلمين اجمعين امين امين امين

سالم بيض الله وجهك على الدعاء الطيب والله لايهينك

[زاهر العرجاني]

أعبس على خفه يامال الغنيمة وحدة بوحدة

تعرف تعبس ولا أقولك

أخذ من وزر أمهاته وأجعله في قدر وحركه على النار لين يحما وحطه تحت خفه وأربطه عليه لين يبرد نص ساعة تقريبا وهو بمثابة المعقم والعلاج في نفس الوقت يمتص الورم ويعقم مكان المسمار وقلي وش حصل معك

أفعل ولا تتردد

ارحب يابو عمر الا والله اعرف جعلك سالم لكن القعود اقشر مايخلي احد يقربه وهو يعرف انه يبي يسوي شي لان ساسه طال عمرك من ال كحلا وهي معروفه بالصلف

لاهنت على المعلومه

كان حولك( خوّا جوّا )افزع له بها

واذا ما تعرفها انشد الشيبان ويسنعونك

اخبر الشيبان يستخدمونها دايم لجروح البل بجميع انواعها يقولون انها تنضف الجرح من داخل وتطلع اللي فيه من الوعي وماشابه

مرحبا يابو علي معروف الخوا جوا وانا اتابعه وهو ان شاالله للاحسن لكن لازال يبرك واجد من وجعها والله لايهينك

الاخ زاهر الله يشفى قعودك ويبارك فيه العام الماضي عندي بكره كان في يدها مسمار واخرجته منها وغسلت مكانه بمطهر ديتول وماء وملح مرتين يوميا لمدة ثلاث ايام واعطيتها ابر تسمم والحمد لله مع اماتها وبخير

مرحبا يامحمد والله لايهينك على النصح من واقع خبره لاعدمتك

جعلة مايشوف شر والله يكتب لة الشفاء باسرع وقت والاخوان جزاهم الله خير ماقصروا

مرحبا يابندر وبيض الله وجهك وماقصرت انت وياهم

الله يشفيه

بيض الله وجه من سأل وجاوب

مرحبا يابو سعود وجهك لاهنت

[ماجد ال سالم]

اخوي زاهر ما قصروا الربع
ابرة تسمم اولا
ثم مضاد حيوي
وبعدها تعقم الجرح كل يوم
ويستحسن تنظفه اولا بالاكسجين ثم دواء ازرق ثم بودره
والله يشفيه انشاء الله

[ياسر الحربي]

الله يشفيه ويشفي حلال المسلمين اجمعين امين امين امين

[محمدالمشعان]

ها يالعرجاني بشر عن اخبار القعود ترى تهمنا اخباره الطيبه عساه شفي انشاء الله والله يعقل عليك امييييييين

[طالب راشد المري]

اخي زاهر

انا عندي بكره قد كانت مثله وداومت عليها الزيت المحروق والحمد لله سلمت

الله يفرحك بسلامته